Levetekɔ 10:12 - Ŋ̀âla Kɔlɔ Maa Waai

¹² Ǹyaŋ Mose è mò Eelɔŋ ǹônii feerɛi Ilieza da Itama-ni dîa nyii lɛɛi ǹyɛɛi, “Ka m̀ii-sɛŋ sala-sɛŋ kpéli siɣe nyii ka gùla Yâwɛɛ ma a kéreŋ salai, ká gbɛtɛ a kpólo nyii tɛ́-sɛŋ fé kɛ̀ zu ka m̀ii ŋ̀âla-teƃelei kɔlɛ, kpɛ́ni fêi, maa waai a ŋánaa.

Levetekɔ 10:12 ပူးပေါင်းရင်းမြစ်များ

Kɔlɔnikɔ Veerɛi 31:14

Kore nyíi kɛ a Liiva ǹúui Iŋna ǹóŋ, nyíi kɛ vóloi kulai pere siɣãŋ laƃelei mɛi kâai, ƃe dí gɛ̀ gula-gili-ŋa sama-sɛŋ nyíi da kâa dɛ̀ɛ Ɣâla pɔi, mɛi gɛ zãai ŋáa kɔlɛ nyii-ŋai dakâa dɛɛ Yâwɛɛ pɔi da zama-sãa maa waai.

Ɛzura 7:5

Buki è kɛ̀ a Aƃisua ǹóŋ, Aƃisua kɛ́ ƃò a Fineɣa ǹóŋ. Fineɣa è kɛ̀ a Ilieza ǹóŋ, nyíi kɛ̀ a Eelɔŋ ǹóŋ-surɔŋ.

Ɛsedɔ 29:2

Tɛ́-sɛŋ-fe-zu kpolo siɣe da tɛ́-sɛŋ fé zu kpolo nyii gbɛtɛɛ̂i a wúlɔi, da tɛ́-sɛŋ fé zu kpolo nyii wúlɔ siâi mai. Díkpɛtɛ a felaƃa lɛ́lɛɛ.

Ɛsedɔ 29:33

Fɛ̂ɛ dí zãai míi nyii-ŋai dí tíi kɛ̀ a dîa dísɔnyɔ̂ŋ-ŋai su-mɛni lɛ́ɛ mɛni ma a dílɛ tãi da dísee tãi. Sâla láa-soŋ-ƃela nɔ́ ƃa mii-sɛŋ ŋí da m̀ii. Kpɛ́ni fêi, maa waâi.

Ɛsedɔ 6:23

Eelɔŋ è Aminɛda ǹóŋ nɛnii Ilesebɛ kùla a nɛnî nyii kɛ̀ a Nasuŋ zaaƃɔlɔi. È Nada da Abiu maa sɔlɔ ƃo mà é pɛ́lɛ Ilieza ma da Itama.

Izikiɛ 44:29

Da pâi kɛ̂i mìi-sɛŋ sala-sɛŋ, zɔnyɔ̂ŋ-salai, é pɛlɛ zâla-sɛŋ nyii da dɛ̀ɛ sɔnyɔ̂ŋ mɛni mai miî. Zãâ maa waa-ŋai díkaa Eezuɛi káa pâi kɛ̂i a dí pɔɔ.

Levetekɔ 10:13

Ka ílônii ka pɔ̂ri miî gwaa ma waai ma, kpɛ́ni fei, géreŋ sala-sɛŋ Yâwɛɛ mɛni mai káwɔ̂i ká ŋí yɛ̂ɛ, berei Yâwɛɛ è mò la ḿâi.

Levetekɔ 21:22

A pɔ̂ri mii-sɛŋ sala-sɛŋ da mîi nyii maa waai Yâwɛɛ mɛni mai.

Levetekɔ 24:9

Gbóloi ŋí káa a Eelɔŋ pɔ́ɔ da ǹônii, nyaŋ fɛ̂ɛ dí mii gwaa maa waai ma. Gáa a m̀ii-sɛŋ maa waa mɛni kpanaŋɔɔ da gùla Yâwɛɛ m̀a a sâla, zâla láa soŋ-ƃelai mɛni ma.”

Levetekɔ 7:9

Ǹyaŋ m̀ii-sɛŋ sala sɛŋ nyii da gbɛ̀tɛ kpólo kpɛtɛ kwaa ma, kpaa máŋ da gbɛ̀tɛ kpólo kpɛtɛ pâne sui, kpaa máŋ dí ŋ̀ɔŋ gáa a zâla láa soŋ nuui pɔ́ɔ nyii zâlai kúla ǹúui ŋɔsɔnyɔ̂ŋ mɛni mai.

Nɔŋba 3:2

Eelɔŋ ǹônii-sinaai láa ká ŋí. Nada nyii gáa a ǹóŋ-surɔ̂ŋ maa-ŋuŋ, Abiu, Ilieza da Itama.