Levetekɔ 10:1 - Ŋ̀âla Kɔlɔ Maa Waai

¹ Eelɔŋ ǹônii veerɛ, Nada da Abiu dí díŋɔŋ siɣe sɛŋ folo ŋai síɣe díŋɔŋ pú zu dí kéreŋ-sɛŋ kúŋ nɛ̃ɛ pú mɛi dí dɛ́ɛ Yâwɛɛ pɔ́. Kɛ́lɛ ŋ̀ɔŋ ŋí fé kɛ́ ní a maa waa, kpɛ́ni fêi Yâwɛɛ fé m̀ó ní dîa a gɛɛ dí gɛ́ tí.

Levetekɔ 10:1 ပူးပေါင်းရင်းမြစ်များ

Kâloŋ Maa-ŋuŋ 18:38

Nya ƃe Yâwɛɛ ŋɔŋɔŋ è kùla ŋ̀elei su é tóo, é zâla-sɛŋ kéreŋ gɔi da gɔni-ŋai é tóo ǹɔii ma è ǹyái kpála nyíi kɛ̀ a dínaŋɔɔ ŋ̀âla-teƃelei mai.

Wule-woo-ŋa 141:2

Íyee sée ŋá ɣâla fɛli wooi mu yɛ̂ɛ kéreŋ-sɛŋ kúŋ nɛ̃ɛ nyii da dɛ̀ɛ ípɔ. Tɔɔ ŋà ńyee tɛ̀ ɣelêi, é kɛ́ yɛ̂ɛ zâlai da gùla yâ a ɣele wûlii.

Ɛsedɔ 24:1

Yâwɛɛ è mò Mose ma ǹyɛɛi, “Ka Eelɔŋ, Nada da Abiu ka pá ḿbɔ ǹyéei ma. Ka Eezuɛ nuu-pɔlɔ-ŋai buu lɔ́ɔlu mɛi feerɛ síɣe ka dia-ni ká pá ká tɔ́ɔ kwaa kôyaa ma ká ḿvɛli.

Ɛsedɔ 24:9

Mose, Eelɔŋ da Nada é pɛ́lɛ Abiu ma dí lì da Eezuɛ nuu-pɔlɔ buu lɔ́ɔlu mɛi feerɛi ǹyéei ma.

Ɛsedɔ 27:3

Sɛŋ-fólo-ŋa kpɛtɛ mɛni ma a gɛɛ ǹúui kɛ́ pù zu. Í sɔƃele-ŋa kpɛtɛ, sɛŋ-folo-ŋa, sua ƃɔ́-kɔli-ŋa da ŋɔŋ pú-pane-ŋa. Ŋ̀âla-teƃelei mu-sɛŋ-folo-ŋai kélee dí kɛ́ a díkpɛtɛɛ a ƃara-ƃela.

Ɛsedɔ 28:1

“Ílîa Eelɔŋ da ǹônii-sinaai kúla Eezuɛ-ŋai sáma í pá a dia a gɛɛ dí kɛ́ a ŋásâla láa soŋ-ƃela. Pá a Eelɔŋ da ǹônii Nada, Abiu, Ilieza é pɛ́lɛ Itama ma.

Ɛsedɔ 31:11

ŋulɔ maa waai da géreŋ-sɛŋ kúŋ nɛ̃ɛi nyii gáa Gwaa Maa Waai mɛni mai. Fɛ̂ɛ dí mɛni-ŋai ŋí kélee kɛ́ yɛ̂ɛ berei ŋá mò la yâi.”

Ɛsedɔ 37:29

È ŋ̀ulɔ maa waai da bù núu ŋûa da géreŋ-sɛŋ kúŋ nɛ̃ɛi kpɛ̀tɛ. È dí sùmo a gîe yɛ̂ɛ berei wúru-ya kpɛtɛ-nuu a gɛ̀ lai.

Ɛsedɔ 38:3

È géreŋ sala kula têƃelei maa tii kɛ́-sãai kélee kpɛ̀tɛ, ǹeɣi-ŋai, sɔƃele-ŋai, zɛŋ-fôlo-ŋai, zua ƃɔ́-kɔli-ŋai da ŋɔŋ-pu pane-ŋai. È gélee kpɛ̀tɛ a ƃara.

Ɛsedɔ 40:27

É géreŋ sala-sɛŋ kúŋ nɛ̃ɛ kéreŋ ŋ̀á nɔ́ yɛ̂ɛ berei Yâwɛɛ è mò la mai.

Ɛsedɔ 6:23

Eelɔŋ è Aminɛda ǹóŋ nɛnii Ilesebɛ kùla a nɛnî nyii kɛ̀ a Nasuŋ zaaƃɔlɔi. È Nada da Abiu maa sɔlɔ ƃo mà é pɛ́lɛ Ilieza ma da Itama.

Ɛsedɔ 8:27

Fɛ̂ɛ nɔ́ kú ɣele kûu saaƃa sia kɛ́ vɛ̃ɛ-kpâlaŋ su a gɛɛ kú sâla kula Yâwɛɛ Kúɣâla mâ yɛ̂ɛ berei è mò la kûai.”

Zɛlemaya 19:5

Da kwaa ma kpɛtɛ Bêe ɣâlai mɛni ma dí kɛ̀ dílônii-sinaai kùla naa a kéreŋ-sala m̀a. Ńyãa fé m̀ɛnii ŋí ƃó ní dîa a gɛɛ dí gɛ́, kpaa ŋá ŋ́gili ŋá sía é pîlaŋ m̀a.

Zɛlemaya 32:35

Da ɣâla-teƃele kpɛtɛ Bêe ɣalai mɛni ma Inɔŋ Tiŋ-tiŋ su a gɛɛ dí kɛ́ dílônii-sinaai da ǹɛyâai kula naa a sâla ŋ̀âlai Molɛ ma. Ḿve mò ní dîa a gɛɛ dí gɛ́ tí. Vé kpîŋ kɛ́ ní ŋ́gili ŋá a gɛɛ da pɔ̂ri m̀ɛni sîi tí kɛ̂i a gɛɛ dí gɛ́ Zuda-ƃelai dí sɔnyɔ̂ŋ tare nyɔ́mɔɔ kɛ́ɛ ŋí kɛ́.”

Zɛlemaya 44:15

Ǹaa kɛ̀ɛ tíi, zinâai nyíi-ŋai gɔ́lɔŋ a gɛɛ dínɛyâai dí sâla kùla ɣâla da kpɛ́ni-ŋa diai, da ǹɛyâai nyíi-ŋai kɛ̀ tɔɔ̂ni naai, da Eezuɛ-ƃelai nyíi-ŋai kɛ̀ séɣai-pere Ize lɔii sui, dí kɛ̀ a díkpulu kɛ́tɛ. Díkelee dí mò dîyɛɛi,

Zɛlemaya 44:8

Lé mɛni ƃé ka ńii ŋwána mɛni kɛ̂i la a ɣâla-pɔkɔɔŋ fɛliɛɛ da sâla kuláa ɣâla da kpɛ́ni-ŋa dîa Ize ƃɛ́i káseɛɛ káa naai? Kákaa nɔ́ gɛ̂i tí a gɛɛ ká kákpîŋ su-kara a gɛɛ ǹɔii-ŋuŋ-ŋai dí ɣɛ́lɛ-maa kúla kákponôi ŋ̀éniɛi su, díkɛ dífôo a kálaa?

Zɛlemaya 7:31

Da Tofɛ ɣalai fɛli kwaa ma kpɛtɛ Bɛŋ-Inɔŋ Tiŋ-tiŋ su dí kɛ̀ dílônii-sinaai da dílônii nɛyãai kûla naa a kéreŋ sala. Ḿve m̀ɛnii ŋí ƃó ní a gɛɛ dí gɛ́, kpaa ŋá ŋ́gili-ŋa sía é pîlaŋ m̀a.

Levetekɔ 16:1

Yâwɛɛ è lòno Mose pɔ́ Eelɔŋ ǹônii veerɛi saâ pôlu ma nyii-ŋai pà a ŋɔŋ Yâwɛɛ ŋɛ́i-tuɛ nyii maa fé kɛ́ ní a ŋ̀waâi.

Levetekɔ 16:12

A pâi ŋ̀ɔŋ siɣe sɛŋ-foloi siɣêi é géreŋ-sɛŋ kéreŋ teƃelei nyii gáa Yâwɛɛ ŋɛ́i-tuɛi ŋá ŋɔŋ têŋai da pú zu é ǹyée lâa fɛ́ɛ feerɛ a kéreŋ-sɛŋ kúŋ nɛ̃ɛ fũa é pá a dîa Gwaa Maa Waai ma.

Levetekɔ 22:9

“Fɛ̂ɛ zâla láa soŋ-ƃelai dí ŋátɔ̂ŋ-ŋai mɛi káa ŋá dɛ̀ɛ dípɔi. Da wàla gɛ́ da pâi saâi díkpîŋ sɔnyɔ̂ŋ su, kpɛ́ni fêi, da ƃâa kula ńaa ḿa. Ńyãa ƃa Yâwɛɛ nyii dímaa waai.

Levetekɔ 9:24

Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Nɔŋba 16:46

Mose è mò Eelɔŋ ma ǹyɛɛi, “Íŋɔŋ-siɣe-sɛŋ-foloi síɣe í ŋɔŋ kula ŋ̀âla-teƃelei ma í bú zu í kéreŋ-sɛŋ kúŋ nɛ̃ɛ pú ŋá í lí la Eezuɛ-ŋai pɔ́ naa a maa félaa í dísɔnyɔ̂ŋ maa sâla kula. Kpɛni fêi, Yâwɛɛ a ǹíi ŋwána. Ǹyaŋ zaa-kɔlɔ-felai a nâa pâi.”

Nɔŋba 26:61

Nada da Abiu dí sàa tãi dí géreŋ sala-ŋɔŋ tɛ̀ɛ la Yâwɛɛ pɔ́ nyii vé kɛ́ ní a maa waai.

Nɔŋba 4:18

“Káfe nɛ̀ɛ naa Koa ŋɔsuui-su-ƃelai su fé kàra Liiva-ŋai sáma.

Dutɛrɔnome 12:32

“Ka mɛni-ŋai mɛ́ni ŋa m̀ôi kâai. Káfe da pù ma, káfe tela da kùla ma.

Dutɛrɔnome 17:3

ǹyaŋ a gbanaŋ-wooi kara, ǹyaa ƃa ɣâla da kpɛ́ni-ŋa fɛliɛɛ, vóloi, ŋ̀áloŋ, kpaa máŋ bɛmɛlɛŋ-kao-ŋai, nyii gáa a tɔ̂ŋ kpanaŋɔɔ a gɛɛ káfe gɛ̀i,

Dutɛrɔnome 4:2

Káfe dɔ̂ŋ-ŋai ŋí da pɛ̀lɛ mà kpaa máŋ ká da kula ma. Ka dímɛi káa a ǹɛ́lɛɛ.

Ibulu 9:4

Loŋpoi ŋí su Ŋ̀âla-teƃelei káa naa nyíi gbɛtɛɛ̂i a gôo sâla-sɛŋ kúŋ nɛ̃ɛ kéreŋ mɛni ma, da gbanaŋ-woo-kɛɛi maa-gãlai, nyíi mɛi pɛlɛɛ̂i kpɔ́ gwaa kélee a gôoi. Gãlai ŋí su gôo-sane è kɛ̀ naa nyíi manaa da Eelɔŋ ŋɔsia-wuruii nyíi pɔmuŋ, é pɛ́lɛ gɔni-ƃelai ma nyíi gbanaŋ-woo-kɛɛi è kɛ̀ a bɔ̃yɛɛ mai.