Levetekɔ 1:4 - Ŋ̀âla Kɔlɔ Maa Waai

⁴ É ǹyée pɛ́lɛ géreŋ sama-sɛŋ ŋuŋ ma a gɛɛ Yâwɛɛ é ǹyée sée zama-sɛŋ mu-maa-nuui ŋɔsɔnyɔ̂ŋ su mɛni lɛɛ mɛni ma.

Levetekɔ 1:4 ပူးပေါင်းရင်းမြစ်များ

Ɛsedɔ 28:38

Fɛ̂ɛ Eelɔŋ é m̀ɔrɔi ŋí sée ŋ̀ûa a tãi kélee a gɛɛ ńyãa Yâwɛɛ ŋá ńyee sée Eezuɛ-ŋai dísâla-sãai kélee mu da dɛ̀ɛ ḿbɔi, à nɛ̃ɛ ma kpîŋ ǹûai dí pɔara-maa kɛ́ a dɛ́ɛ pere ḿbɔ.

Ɛsedɔ 29:10

“Pá a niŋa-sirɛi Ŋásua kɔlɔ-seɣe pɛrɛi láƃelei. Tɔɔ Eelɔŋ da ǹônii dí díyee pɛ́lɛ ŋuŋ ma.

Ɛsedɔ 29:15

“M̀ála-sirɛi dɔnɔ siɣe, Eelɔŋ da ǹônii dí díyee pɛ́lɛ ŋuŋ ma.

Ɛsedɔ 29:19

“M̀ála-sirɛi kpéli síɣe, Eelɔŋ da ǹônii dí díyee pɛ́lɛ ŋuŋ ma.

Ɛsedɔ 29:33

Fɛ̂ɛ dí zãai míi nyii-ŋai dí tíi kɛ̀ a dîa dísɔnyɔ̂ŋ-ŋai su-mɛni lɛ́ɛ mɛni ma a dílɛ tãi da dísee tãi. Sâla láa-soŋ-ƃela nɔ́ ƃa mii-sɛŋ ŋí da m̀ii. Kpɛ́ni fêi, maa waâi.

Azaya 56:7

“Ŋa pâi pâi a káa ŋáyee maa waai Zãiyɔŋ ma, ŋá gɛ́ lii-sêe kɛ́ ƃò káyêei ḿvɛli pɛrɛi mu. Géreŋ sâla-ŋai ka pâi gulâi ŋáteƃelei ma da zama-sãai ka pâi pâi la ŋápɛrɛi mui, ŋa pâi ńyee seêi dímu. Nûa da pâi Ŋápɛrɛi tôlii a ɣâla fɛli kwaa ma núu kélee mɛni ma.”

Izikiɛ 45:15

Ƃála ŋuŋ-feerɛ kélee dɔnɔ káa a ḿbɔɔ. Gáa a sɛŋ ká pá a mii-sɛŋ m̀ii-sɛŋ salai kula mɛ̂ni ma. Ká pá a taa-tulɛ-ŋa nyii-ŋai ka pâi díkerenii a dípomai, ká pá a taa-tulɛ nyii ka pâi gérenîi a laoi-laa sama-sɛŋ a gɛɛ ká sɔnyɔ̂ŋ su mɛ̂ni é lɛ́ɛ. Ńyãai ŋ́gaa a Ŋ̀wála-wâla kélee Yâwɛɛ ńyãa ƃé mò tí.

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Levetekɔ 16:21

Eelɔŋ a pâi ǹyée veerɛ pɛlɛ̂i m̀olii ŋuŋ ma é Eezuɛ-ŋai dítua-pere nyɔŋ-ŋai kélee, dítɔɔ ma pere sĩi nyɔ́mɔɔ-ŋai kélee ƃói. A pâi gélee pûi m̀olii ŋûa. Núu nyii dí díyee lɛ̀ mai a maa ƃoli siɣe é li la vɛ̃ɛ kpâlaŋ su é tee ma é lí.

Levetekɔ 16:24

Fɛ̂ɛ é ŋ̀waa kwaa ma waai ma é gbîŋ seɣe-ŋai tòo ma. Naa pôlu ma, é kéreŋ sala kulâi da Eezuɛ-ŋai dísɔnyɔ̂ŋ su mɛni lɛɛ mɛni ma, woo kɛ su tɔnɔ mɛni ma.

Levetekɔ 22:21

Núu da à kɛ̀ kɛ-gîe pôlu sâla kulâi ḿâ, maa nuui fé maa sala taa-tulɛi kɛ̀ a taa-tulɛ nyii gɔ̃liŋɔɔ̂i, a nɛ̃ɛ ma é kɛ́ a kono têe sala kpaa máŋ gili kula sala maa ŋaa-see kɛ́ɛ. À kɛ̀ a gɔ̃liŋɔɔ fé pâi ńyee seêi mu.

Levetekɔ 22:27

Ka kɛ̀ pâi niŋa-loŋ kpaa ƃála-loŋ kpaa máŋ ƃoli-loŋ kulâi a kéreŋ sala Yâwɛɛ ma é lɛ́ɛ ǹee kpono ma é kɛ́ a fólo lɔ́ɔlu mɛi feerɛ. Ka gula a zâlai a vóloi mɛi saaƃa ɣelei. A kɛ̀ tí a pâi ǹyée seêi mu.

Levetekɔ 3:13

é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ, Eelɔŋ ǹônii dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 3:2

É ǹyée pɛ́lɛ niŋai ŋuŋ ma, é báa Yâwɛɛ Ŋɔsua kɔlɔ seɣe pɛrɛi gbôŋ lá. Eelɔŋ ǹônii nyii-ŋai díkaa a zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ la.

Levetekɔ 3:8

é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ. Zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 4:15

Ǹyaŋ Eezuɛ láa túɛ-ƃelai dí pá a ǹiŋa-nâɣai Yâwɛɛ ŋɛ́i-tuɛ dí díyee pɛ́lɛ ŋ̀uŋ ma dí báa.

Levetekɔ 4:20

É gɛ́ nɔ́ yɛ̂ɛ berei è gɛ̀ la a zɔnyɔ̂ŋ su mɛni lɛ̀ɛ maa sâla kula niŋa-sirɛi. Bere sîi ŋí ƃe a ǹûai dísɔnyɔ̂ŋ su mɛni lɛ̀ɛ maa sala kùla la. A kɛ̀ tí, dísɔnyɔ̂ŋ su mɛni a pâi lɛɛ̂i.

Levetekɔ 4:24

é ǹyée pɛ́lɛ ŋ̀uŋ ma é báa ŋ̀âla-teƃelei ŋá ƃɛ́i da géreŋ sâla kula taa-tulɛi paa naai Yâwɛɛ ŋɛ́i-tuɛ. Gáa a sɔnyɔ̂ŋ sala sɛŋ.

Levetekɔ 4:26

É daa-tulɛi ŋ̀úlɔ kélee kéreŋ ŋ̀âla-teƃelei ŋá yɛ̂ɛ berei a gɛ̀ la a ǹíi-see sala sɛŋ. Gɛ̀ ní zâla láa soŋ nuui a pâi ǹúu láa túɛ-nuui ŋí ŋɔsɔnyɔ̂ŋ maa sâla kulâi, ǹyaŋ ŋɔsɔnyɔ̂ŋ su-mɛni a pâi lɛɛ̂i.

Levetekɔ 4:29

É ǹyée pɛ́lɛ ŋɔsɔnyɔ̂ŋ salai ŋí ŋuŋ ma é báa ƃɛ́i da géreŋ sala kula taa-tulɛi páa naai.

Levetekɔ 4:31

É ŋ̀úlɔ kélee kúla yɛ̂ɛ berei a gɛ̀ la a ǹíi-see sala sɛŋ. Ǹyaŋ zâla láa soŋ nuui é géreŋ ŋ̀âla-teƃelei ŋá nyii gáa a kéreŋ sâla-sɛŋ kúŋ nɛ̃ɛ Yâwɛɛ mɛni mai. Bere sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kula. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.

Levetekɔ 4:33

É ǹyée pɛ́lɛ zɔnyɔ̂ŋ sala sɛŋ ŋí ŋuŋ ma é báa ƃɛ́i da géreŋ sala kula taa-tulɛi pâa naai.

Levetekɔ 4:35

Zâla láa soŋ nuui é zɔnyɔ̂ŋ sala sɛŋ ŋí wúlɔ kélee kúla yɛ̂ɛ berei è gɛ̀ la a ǹíi-see salai mãa ƃalai é géreŋ ŋ̀âla-teƃelei ŋá a kéreŋ sala Yâwɛɛ mɛni ma. Berei sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kùla. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.”

Levetekɔ 4:4

É pá a niŋa-sîrɛi Yâwɛɛ ŋɔsua-kɔ̂lɔ-seɣe pɛrɛi gbôŋ lá, é ǹyée pɛ́lɛ ŋuŋ ma, é báa Yâwɛɛ ŋɛ́i-tuɛ.

Levetekɔ 5:6

é pá a ƃála-sâa kpaa máŋ ƃoli-sâa Yâwɛɛ pɔ́ a ŋɔsɔnyɔ̂ŋ maa sâla sɛŋ. Zâla láa soŋ nuui é ǹúui ŋí ŋɔsɔnyɔ̂ŋ ḿaa sâla kula a m̀álai kpaa m̀ólii ŋí.

Levetekɔ 6:7

Ǹyaŋ zâla láa soŋ nuui a pâi ŋɔsɔnyɔ̂ŋ maa sâla kulâi Yâwɛɛ ŋɛ́i zɔnyɔ̂ŋ mɛni ma è gɛi. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 8:14

Gɛ̀ ní Mose è pà a zɔnyɔ̂ŋ sala kula niŋa sirɛi. Eelɔŋ da ǹônii dí díyee pɛ̀lɛ niŋai ŋuŋ ma.

Levetekɔ 8:18

Nya ƃe è pà a mála sirɛi géreŋ sâlai kula mɛni ma. Eelɔŋ da ǹônii dí díyee pɛ̀lɛ m̀álai ŋuŋ ma.

Levetekɔ 8:22

Nya ƃe è pà a m̀álai kpéli zâla láa soŋ-ƃelai see mɛni ma. Eelɔŋ da ǹônii dí díyee pɛlɛ m̀álai ŋuŋ ma.

Levetekɔ 9:7

Gɛ̀ ní Mose è mò Eelɔŋ ma ǹyɛɛi, “Lí ŋ̀âla-teƃelei ma í zɔnyɔ̂ŋ sala sɛŋ da géreŋ sâla-sɛŋ tɛ́ɛ ísɔnyɔ̂ŋ su mɛni lɛɛ mɛni ma ka ǹûai. Zâla sɛŋ tɛ́ɛ a gɛɛ ǹûai dísɔnyɔ̂ŋ su mɛni é lɛɛ yɛ̂ɛ berei Yâwɛɛ è mò lai.”

Nɔŋba 15:25

Fɛ̂ɛ zâla láa soŋ-nuui é zâla-ŋai ŋí kúla mâ Eezuɛ-ŋai kélee mɛni ma. Gɛ̀ ní ŋa pâi dísɔnyɔ̂ŋ su-mɛni lɛɛ̂i. Kpɛni fêi, dí pɔara-maa kɛ̀. Ǹyaŋ da pá a kéreŋ-sala da dísɔnyɔ̂ŋ su-mɛni lɛ̂ɛ maa-sala ḿbɔ dípɔara-mai mɛni ma.

Nɔŋba 15:28

Zâla-laa soŋ-nuui ƃa núu ŋɔsɔnyɔ̂ŋ su-mɛni lɛɛ maa-sala kùla, nyii vé gíri ní é zɔnyɔ̂ŋ kɛi. Gɛ̀ ní ŋɔsɔnyɔ̂ŋ pôlu a fé.

Nɔŋba 25:13

Ǹyaa da ŋɔsuui su-ƃelai da pâi kɛ̂i a sâla-laa soŋ-ƃela wɔ́lɔ-wɔlɔ da wɔlɔ-wɔlɔ. Kpɛni fêi, vé fáa ní ma a gɛɛ ǹûai dí ɣâla da kpɛ́ni tɔ́ɔ ńduɛ. È Eezuɛ-ŋai dísɔnyɔ̂ŋ su-mɛni-lɛɛ maa-sala kula.”

Nɔŋba 8:10

Ƃa Liiva-ŋai tɔ̀ɔ Yâwɛɛ ŋɛ́i-tuɛ, fɛ̂ɛ Eezuɛ-ŋai dí díyee pɛ́lɛ dîa.

Nɔŋba 8:12

Liiva-ŋai dí díyee láa niŋa-sirɛ-ŋai ŋûa, í dɔnɔ kula a sɔnyɔ̂ŋ su-mɛni-lɛɛ sala í gbéli kúla a kéreŋ-sala Liiva-ŋai dísɔnyɔ̂ŋ-ŋai su-mɛni-lɛɛ mɛni ma.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 3:25

Ɣâla è nɛ̀ a zu ponoɔɔ a gɛ́ɛ é sâla kula a ŋ̀ãai a gɛ́ɛ dí zɔlɔ ƃó laa-la su. Ɣâla è nyíŋi kɛ̀ a gɛ́ɛ e ŋɔtɔ̃yâ laa-lai lɛ́, kpɛ́ni fêi, è tèe sɔnyɔ̂ŋ pɔlɔ-ŋa dîa Ŋɔɣâla lii-kpelei su.

Lomaŋ 5:11

Kɛ́lɛ, m̀ɛnii da kpɛ́ni ká ŋí. Kwa lii-nɛ̃ɛ kùla Ɣâla kponôi Kúnuu-namui Zîsɛ Kôrai sârai, nyíi a pá a kúa pôlu Ɣâla pɔ́i.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Ibulu 10:4

Kpɛ́ni fêi, niŋa-ŋãa da ƃoli-ŋãa dífa pɔ̂ri wɔlɔ-wɔlɔ-sɔnyɔ̂ŋ kulâi núu ma.

Zɔ̂ŋ Maa-ŋuŋ 2:2

Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.