Levetekɔ 1:2 - Ŋ̀âla Kɔlɔ Maa Waai

² “M̀ó Eezuɛ-ŋai dîa yɛ̂ɛ, à kɛ̀ núu da à kɛ̀ pâi a taa-tûlɛ sama-sɛ̂ŋ Yâwɛɛ pɔ́, fɛ̂ɛ é gúla ǹyaa kpîŋ ŋɔtaa-tûlɛ-ŋai sáma.

Levetekɔ 1:2 ပူးပေါင်းရင်းမြစ်များ

Zɛnɛse 4:3

È kɛ̀ a tãi tɔnɔ, Kîŋ è pà Yâwɛɛ pɔ́ a ŋɔsí-sãai maa-ŋuŋ a sama-sɛŋ.

Zɛnɛse 4:5

Kɛ́lɛ vé ǹyée see ní Kîŋ mu da ŋɔsama-sɛŋ. Nya ƃe Kîŋ è ǹíi ŋwàna kpɔ́ a ŋanaa, ŋ̀ɛ́i maa é fáleŋ.

Kɔlɔnikɔ Maa-ŋuŋ 16:29

Ka laa-maa-tɛ tɛɛ Yâwɛɛ pɔ́ ŋɔmaa waa-laai mɛni ma. Ka pá a sama-sɛŋ bɔ́-naa ŋɔpɛ́rɛi mu. Ka Yâwɛɛ fɛli ŋɔmaa waa-laai mɛni ma.

Ɛzura 3:5

Dí pɛlɛ ŋɔ́nɔ géreŋ sama-sãai kéleŋɔɔ ma yɛ̂ɛ berei díkɛ̀ gɛ̂i la a bɔlɔɔi, díkɛ ŋáloŋ ninai maa kûui maa salai kûla da Ɣâla ŋɔkúu-ŋai gbéli-ŋai maa salai, díkɛ dí lii kûla sama-sãai kélee gáa Yâwɛɛ mɛni mai tɛ̀ɛ bɔ́.

Ɛsedɔ 20:24

Ɣâla-teƃele kpɛ̀tɛ mî a pɔ̂rɔ í kéreŋ sala kúla ŋá da ílii-see salai é pɛ́lɛ íƃala-salai ma da íniŋa-salai. Ƃɛ́i kélee ŋa ǹaa sìɣe a gɛɛ ká ḿvɛli naai, ŋa pâi pâi naa ŋá lûwa láa kâa.

Nɔŋba 15:3

ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kákono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Nɔŋba 5:15

fɛ̂ɛ maa surɔ̂ŋ tí é lí a ŋɔnɛnîi zâla láa-soŋ-nuui pɔ́ é bɛ́lɛ sâla kula-sɛŋ ma nyii gáa a felaƃa-pãi lɔ́ɔlu mɛi feerɛi. Vé wúlɔ pù ma, vé tela kéreŋ-sɛŋ kúŋ nɛ̃ɛ pù ma, kpɛ́ni fêi, gáa a tólo-sala, gɛ́ ƃò a kili-too ŋá sala nyii a sɔnyɔ̂ŋ lɛi.

Mâki 7:11

Kɛ́lɛ, ka m̀o kâa gáa a tɔ̃yâ a gɛ́ɛ núu é m̀ó gáa-ƃela dîa ǹyɛɛ, ‘Gbɔŋ mâai ŋá kɛ̀ pâi dɛɛ̂i kápɔi gáa a Kɔƃaŋ’ (zu-kulâi ƃa Ɣâla ŋɔsama-sɛŋ Gurii-wooi su).

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 12:6

Berei máŋ sama-sɛŋ sii da kpɛni-ŋa díkaa la kúyêei yɛ̂ɛ berei Ɣâla ŋɔƃɛlɛ-sêei tɛɛ̂i la kúpɔi. À kɛ̀ máŋ a Ɣâla-woo ƃoɔ, kwaa ku Ɣâla-woo ƃo yɛ̂ɛ berei kúlaa-lai káa lai,

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.