Levetekɔ 1:10 - Ŋ̀âla Kɔlɔ Maa Waai

¹⁰ “À kɛ̀ ŋɔkéreŋ sama-sɛŋ káa a ƃála kpaa ƃoli, é kɛ́ a zirɛ nyii pɔ́ɔ fé mai.

Levetekɔ 1:10 ပူးပေါင်းရင်းမြစ်များ

Zɛnɛse 4:4

Ebɛɛ máŋ è pà a ŋɔsama-sɛŋ a ŋɔƃála-loŋ maa-ŋuŋ da ƃála wulɔ Yâwɛɛ pɔ́. Yâwɛɛ è ǹyée sèe Ebɛɛ mu da ŋɔsama-sɛŋ.

Zɛnɛse 8:20

Nôa è Ɣâla-teƃele kpɛ̀tɛ Yâwɛɛ mɛni ma, é vɛnɛ-sãa maa waa-ŋai da ŋɔni maa waa-ŋai dɔnɔ-tɔnɔ síɣe é kéreŋ sala kula a dîa ŋ̀âla-teƃelei ma.

Ɛsedɔ 12:5

Káƃala-loŋ é kɛ́ a nyii pɔ́ɔ fé mai. É kɛ́ a ƃála-sîrɛ nyii ŋɔkóraŋ káa tɔnɔi. A pɔ̂ri kɛ̂i a ƃála-loŋ kpaa máŋ ƃoli-loŋ.

Izikiɛ 43:22

Ǹaa pôlu ma ɣelei, ká ƃoli sîrɛ siɣe nyii kpɔlɔ̂ŋ fé mai ká gula a sɔnyɔ̂ŋ sala. À kɛ̀ tí, ká ŋ̀âla-teƃelei maa wáa. Ŋ̀âla-teƃelei maa-waa a ŋãa yɛ̂ɛ berei ká gɛ̀ la a ǹiŋa sîrɛ ŋãai.

Levetekɔ 14:10

“Voloi ǹɔ́ɔlu mɛi saaƃa ɣelei a pâi pâi a kóraŋ tɔnɔ ƃála sirɛ feerɛ da kóraŋ tɔnɔ ƃála saa tɔnɔ nyii-ŋai pɔ́ɔ fé diai, lɛ̀ɣɛ pãŋ lɔ́ɔlu sumoɔɔ a ɔle-wúlɔ da ɔle-wúlɔ kɔ̂pu gbora.

Levetekɔ 16:3

Bere sîi ŋí ƃe Eelɔŋ a pɔ̂ri pâi la Gwaa Maa Waai ma. É pá a niŋa loŋ zɔnyɔ̂ŋ salai kula mɛni ma da ƃála sîrɛ géreŋ salai kula mɛni ma.

Levetekɔ 16:5

“Eezuɛ-ŋai da pâi ƃoli sirɛ feerɛ tɛɛ̂i Eelɔŋ pɔ́ sɔnyɔ̂ŋ sala kula mɛni ma da ƃála sirɛ tɔnɔ géreŋ salai kula mɛni ma.

Levetekɔ 22:19

É kɛ́ a taa-tulɛ sirɛ nyii è gùla ŋɔniŋa-ŋai sáma, kpaa máŋ ŋɔƃála-ŋai sáma, kpaa máŋ ŋɔƃoli-ŋai sámai ŋá lɛ́ɛ pâi ńyee seêi m̀u.

Levetekɔ 23:12

Vóloi ka kɛ́ m̀ii-sãa sama-sãai ŋí tɛɛ̂i lai ka kéreŋ sâla kula a kóraŋ tɔnɔ ƃála sirɛ-loŋ nyii kpɔlɔ̂ŋ da kélee fé mai.

Levetekɔ 3:1

À kɛ̀ núu da à kɛ̀ pâi a sama-sɛŋ Yâwɛɛ pɔ́ laoi-laa maa sâla kúla mɛni ma, nyii è gùla ŋɔniŋa-ŋai sámai, zirɛ kpaa záa, é kɛ́ a niŋa nyii pɔ́ɔ fé mai.

Levetekɔ 4:23

a ŋɔsɔnyɔ̂ŋ kɔ̂lɔŋ nyii è gɛ̀i, fɛ̂ɛ é pá a ƃoli-sirɛ nyii pɔ́ɔ fé mai a sâla sɛŋ,

Levetekɔ 4:3

“À kɛ̀ a zâla láa soŋ nûu kɛ́tɛi ƃé zɔnyɔ̂ŋ kɛ̀i, ŋɔsɔnyɔ̂ŋ a pâi kɛ̂i ǹûai kélee dîa. Gɛ̀ ní fɛ̂ɛ é sâla kula Yâwɛɛ ma a niŋa-nâɣa nyii pɔ́ɔ fé mai ŋɔsɔnyɔ̂ŋ mɛni ma.

Levetekɔ 5:15

À kɛ̀ núu da a Yâwɛɛ ŋɔtɔ̂ŋ-ŋai da kàra dɛ̂i pere nyaŋ vé sama-sɛŋ maa waa tɛɛ ní nyii maa nɛ̃ɛi é dɛɛi, fɛ̂ɛ maa ǹúui é pá a ƃála-sirɛ kpaa máŋ ƃoli-sirɛ nyii pɔ́ɔ fé mai. Daa-tulɛi ŋí ƃâa tée Ŋ̀âla-pɛrɛ Kɛ́tɛi ŋɔtɔ̂ŋ lá-wooi ma.

Levetekɔ 9:2

È mò Eelɔŋ ma ǹyɛɛi, “Niŋa sirɛ loŋ siɣe zɔnyɔ̂ŋ salai kula mɛni ma, í ƃála sirɛ loŋ siɣe gereŋ salai kula mɛni ma. Dífeerɛ dí kɛ́ a daa-tulɛi nyii pɔ́ɔ fé diai í pá a dîa Yâwɛɛ pɔ́.

Malakai 1:14

Náɣaŋ káa fili-nuu ma nyii a sâla kula ḿâ a taa-sûa nyɔ́mɔɔ, ǹyaŋ a góno tee a taa-sûa lɛ́lɛɛ ŋɔtaa-suai sáma a gɛɛ é sâla kula la ḿâ. Kpɛ́ni fêi, ŋ́gaa a kâloŋ kɛ́tɛ, ǹyaŋ ǹɔii-ŋûŋ-ŋai kélee da yao ḿâ.”

Nɔŋba 15:5

Fɛ̂ɛ é kpele-sɛŋ-sala kula máŋ a ŋwãai sane tɔnɔ ƃála tɛi-tɛi kélee mɛni ma.

Nɔŋba 19:2

“Ŋatɔ̂ŋ-ŋai ká ŋí ká dímɛi káa. M̀ó Eezuɛ-ŋai dîa yɛ̂ɛi, ‘Ka pá a niŋa kpɔ̂lu tɔnɔ nyii pɔ́ɔ da kélee fé mai, nyii vé nîi kpîri da kélee siɣe nii.

Nɔŋba 6:14

É sâla kula Yâwɛɛ ma a taa-tulɛ saaƃa nyii-ŋai pɔ́ɔ fé diai. Kóraŋ tɔnɔ ƃála-sirɛ kéreŋ-sala mɛni ma, kóraŋ tɔnɔ ƃála, sɔnyɔ̂ŋ sala mɛni ma é pɛ́lɛ ƃála-sirɛ tɔnɔ ma lii-see sala mɛni ma.

Zɔ̂ŋ 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Pitɛ Maa-ŋuŋ 1:19

Kɛ́lɛ, Kôrai è kámaa tèe a ŋɔŋãa-mɛni kpanaŋɔɔi yɛ̂ɛ ƃála-loŋ nyíi pɔ́ɔ kélee da fé kɛ́ ní mài.