Zerusâlɛŋ Karáa Maa Wɔ̂lɔ-wooi 5:8 - Ŋ̀âla Kɔlɔ Maa Waai

⁸ Kú káa nâa luɛ-ŋa yée mu, ǹyaŋ núu da fé naa a gɛɛ é kúŋuŋ ma ƃó.

Zerusâlɛŋ Karáa Maa Wɔ̂lɔ-wooi 5:8 ပူးပေါင်းရင်းမြစ်များ

Zɛnɛse 9:25

È mò ǹyɛɛi, “Náɣaŋ é kɛ́ Keena ma! Tɔɔ é kɛ́ a luɛ koi luɛ ŋɔnûai sáma.

Niɛmaya 2:19

Tãi Orɔŋ-nuui Saŋbala, Amɔŋ-nuui Tobaya da Arabi nuui Gɛsɛŋ ni dí kú mɛni kpɛtɛɛ-ŋai ŋí maa mɛ̂ni mɛ̀ni lai, dí pɛ̀lɛ ɣɛ́lɛ maa kulâi kúkponôi, díkɛ kúwoo nyɔ̂ŋ fè dîyɛɛi, “Lé ƃé ká lâai la ka pɔ̂ri gɛ̂i? Ká káa mɛni kpɛtɛɛ kɛ̂i a gɛɛ ká Zerusâlɛŋ taa-leei ŋɔsiɣãŋ-ŋai tɔ́ɔ pôlu ká tɔ́ɔ ǹɔii kâloŋ ma?”

Niɛmaya 5:15

Diai kɛ̀ ǹɔii kpîniŋ ŋí mɛi ńduɛi, dímaa mɛni kélee è kɛ̀ ǹûai ŋí ŋûa a kpîri wuyɛ́ɛ-ŋa. Dí m̀o dîa a gɛɛ díkɛ káne buu náaŋ tɛ̀ɛ dípɔ a ɣele kélee díŋwã̂ai da dímii sãai mɛni ma. Ǹɔii mɛi-ƃelai ŋí díyee mu-ƃelai máŋ dí fũa-fũa támaa tɔ̀ɔ Zuda-ƃelai dîa. Kɛ́lɛ fé gɛ́ ní tí, kpɛ́ni fêi ƃaa kɛ́ maa káa ńyêei Ɣâla mɛni ma.

Zôo 10:7

Í gɔ́lɔŋ kpɔ́ ḿve niî mɛni nyɔ́mɔɔ da kɛ́ ní, kɛ́lɛ núu da fé naa é ŋ́gula íyêei.

Zôo 5:4

Dínîa-pɛlɛɛ-ŋai díkaa nɔ́ wɔ́lɔ mɛni kpɔ̂lu su. Mɛni a wɔ́lɔ lɛɛ dîa mɛni-saa ƃó-kere-ŋai mu. Núu da fé naa é tɔ́ɔ díƃela ma-pere.

Wule-woo-ŋa 50:22

“Kâai káfa káwoli tɔ̀ɔ ḿâi, ka nyíŋi mɛ́ni. À wàla kɛ́ tí, ŋa pâi ká su karâi, ǹyaŋ núu da fé pâi kɛ̂i naa é ká kula yêei kɛ́.

Wule-woo-ŋa 7:2

À wàla kɛ́ tí, da pâi ńzonîi díkɛ ŋ́vala-fala yɛ̂ɛ yala-sulu a sua sôŋ gɛ́ vàla-fala. Da pâi kɛ̂i ŋ́ala-ɣalai díkɛ lì a ńyãa ǹyaŋ núu fé naa é ńgula yêei kɛ.

Táre-woo-ŋa 30:22

À kɛ̀ luɛ à kɛ̀ a kâloŋ, à kɛ̀ ǹúui va mɛni ŋá kàa a ǹɛ́lɛɛi a tɔɔ-laa sɔlɔ ƃô,

Azaya 43:13

Ŋ́gaa a Ɣâla, ǹyaŋ ŋa pâi kɛ̂i a Ɣâla wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri kulâi ŋáwala-walai mu. M̀ɛnii ŋa gbɛ̀tɛi, núu da fa pɔ̂ri m̀aa fálenîi.”

Osia 2:10

Ǹyaŋ ŋa pâi gaŋ ƃôi ŋɔwɛ́li-ŋai ŋɛ́i. Núu da kélee fé pâi pɔrîi gulâi ńyêei.

Zɛkɛrâya 11:6

M̀ɛni ma Yâwɛɛ è mò ǹyɛɛ, “Fé pâi ŋɔ́nɔ núu-kpune malôŋ kâai ǹɔii ma ƃɛ́. Gáa, ŋa pâi gɛ̂i núu-kpune é mɛni-sôli káa díkîe-ni yêei, dí mɛni-sôli káa dímɛi káa-ƃelai yêei dí ŋɔ́nɔ gáa gâloŋ yêei. Ǹɔii a pâi karâi, ǹyaŋ fé pâi núu tɔnɔ kpîŋ kula yêei kɛ̂i.”

Dutɛrɔnome 28:43

“Ŋɔ̃ya-ŋai kásamai ƃé pâi kɛ̂i kámɛi ka kɛ́ ƃò dí mù.