Zerusâlɛŋ Karáa Maa Wɔ̂lɔ-wooi 5:7 - Ŋ̀âla Kɔlɔ Maa Waai

⁷ Kúnâŋ-ni dí sɔnyɔ̂ŋ kɛ̀, kɛ́lɛ dífe ŋɔ́nɔ ɣele ma. Kúkaa mɔ̃lɛ̂i dísɔnyɔ̂ŋ mɛni ma.

Zerusâlɛŋ Karáa Maa Wɔ̂lɔ-wooi 5:7 ပူးပေါင်းရင်းမြစ်များ

Zɛnɛse 42:13

Dí mò ma dîyɛɛi, “Kûai a íyee mu-ƃelai kúkaa a lóŋ-surɔ̂ŋ puu káo feerɛ, nyii-ŋai díkaa a surɔ̂ŋ tɔnɔ lônii Keena lɔii sui. Kúnâŋ ŋɔlóŋ gbɛɛ ŋái káa gɔlɛ sâa. Ǹóŋ dɔnɔ nɔ́ ƃe vé ŋɔ́nɔ naa.”

Zɛnɛse 42:36

Nya ƃe dínâŋ Zeeka è mò dîa ǹyɛɛi, “Ka pâi ŋánîa-pɛlɛɛi kélee kulâi ńyêei? Zosɛ fé ŋɔ́nɔ naa, Simiɔŋ fé ŋɔ́nɔ naa, ǹyaŋ ka ŋɔ́nɔ kɛ́ liî a Bɛŋsima. Nyíŋi kélee a pú ŋ́ûa!”

Zôo 7:21

Lé ƃé ífa íyee sèe ŋá pɔara mɛni mai mu, í nia ŋá mɛni nyɔ́mɔɔi mai? Ŋuŋ-la a pá pilîi tãi kpua yée mu. Ya pâi ŋ́gɔ̂rii a ŋ̀ánaa kɛ́lɛ fé pâi ŋɔ́nɔ kɛ̂i naa.”

Zôo 7:8

Íkaa nɔ́ ŋ́gâai lonii ma. Kɛ́lɛ nàa-loŋ a kɛ̀ tí, ífe pâi ŋɔ́nɔ ŋ́gâai kpɛ́ni fêi, ŋa pâi saâi ŋá kúla íŋɛi.

Ɛsedɔ 20:5

Ífe pɛ̀lɛ díkɔɔ mu kpaa máŋ í dífɛli. Kpɛ́ni fêi, ńyãai a Yâwɛɛ Íɣâlai, ŋ́gaa a tólo Ɣala. Ŋa lóŋ-naŋ-ŋa kélee dísɔnyɔ̂ŋ maa tɔ̂ŋ pú dílônii dîa. Ŋa bù dílônii díwɔ-lônii dîa da díwɔ lonii nyii-ŋai da ŋ́gbɔarai.

Zɛlemaya 14:20

Yâwɛɛ, kúsɔnyɔ̂ŋ-ŋai da kúnâŋ pɔlɔ-ŋai díwɔ̂i kíli a too kú kili-ŋá. M̀ɛni ma, kwa nâa m̀ôi a gɛɛ kwa sɔnyɔ̂ŋ kɛ́ a yá.

Zɛlemaya 16:11

À kɛ̀ tí, mó dîa, Yâwɛɛ ǹyɛɛi, ‘Kánâŋ-pɔlɔ-ŋai dí dípôlu tɔ̀ɔ ḿâ, dí kɛ̀ ɣâla-da-kpɛni-ŋa fɛ̀li díkɛ tíi kɛ̀ dîɛ. Dí dípôlu tɔ̀ɔ ḿâ dífe díyee see ní ŋ́oo mu da ŋásɛŋ-lɛɛi.

Zɛlemaya 16:12

Kɛ́lɛ, ká tûa a nyɔ́mɔɔ a ńyãa é tɛ́ɛ kánâŋ pɔlɔ-ŋai dîa. Kákelee kpɔ́ káwôlii kpɔ̂lɔi, kásɔŋ nyɔ́mɔɔ, káfa káwoli tɔ̀ɔ ḿâ.

Zɛlemaya 31:15

Yâwɛɛ è mò ǹyɛɛ, “Ŋà wóo da mɛnîi gɛ́ kùla Lama. Gáa a maloŋ too maa wɔlɔ-woo. Leesɛ káa wɔ̂lɔi ŋɔnîa-pɛlɛɛi mɛni ma. Vé fáa ní ma a gɛɛ díŋa kpɛ́, kpɛ́ni fêi, ŋɔnîa-pɛlɛɛi dífe ŋɔ́nɔ naa.

Zɛlemaya 31:29

Tãi maa tãi tí a pâi serîi lai, núu da fé pâi môi ǹyɛɛ, ‘Kúnuu-pɔlɔ-ŋai dí gbɔmɔ-ƃa kponai mîi, kɛ́lɛ, ǹîa-pɛlɛɛi nyíŋ-ŋa è kpòna.’

Izikiɛ 16:58

Ŋa pâi í kula maa kɛ̂i m̀ɛni nyɔ́mɔɔi mɛni ma nyii í gɛi.” Ŋ̀wála-wâla kélee Yâwɛɛ ƃe mò tí.

Izikiɛ 18:2

“Zãŋ ŋí yà zɔɔ é pîlaŋ Eezuɛ mai zu kulâi ƃa lé? ‘Ǹáŋ-ƃelai dí gbɔmɔ-ƃa kponai mii, kɛ́lɛ ǹîa-pɛlɛɛi ƃe dínyiŋ-ŋa è kpona.’

Zɛkɛrâya 1:5

Kánuu-pɔ̂lɔ-ŋai da Ɣâla ŋɔlóno kɛ́-ƃelai dífe ŋɔ́nɔ ɣele ma.

Nɔŋba 14:18

‘Ńyãai a Yâwɛɛ Ɣalai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílônii lônii dîa.’