Zerusâlɛŋ Karáa Maa Wɔ̂lɔ-wooi 5:1 - Ŋ̀âla Kɔlɔ Maa Waai

¹ Óo Yâwɛɛ, m̀ɛni kpɔ̂lui a láa kûai, maa mɛni kíli é lɛ́ɛ íkili-ŋa. Kúkaa, í m̀baa kula-maai káa sɛ̀lɛŋ kûai.

Zerusâlɛŋ Karáa Maa Wɔ̂lɔ-wooi 5:1 ပူးပေါင်းရင်းမြစ်များ

Niɛmaya 1:3

Dí mò ḿâ dîyɛɛi, “Diai lène pôlu dí kúla gɔ-soŋ laai su dí pá pôlu Zudai, dí káa mɛni kpɔ̂lu támaa sɔlɔ ƃôi. Ƃaa kula maa támaa sɛ̂lɛŋɔɔi dîa. Zerusâlɛŋ taa-leei ŋɔsiɣãŋ kélee wóloɔ̂ɔi, ŋɔsiɣãŋ lá sãai kélee kéreŋɔɔ.”

Niɛmaya 1:8

Gono têei í gɛ̀ Mose yêei, gíli é lɛ́ɛ í ŋá. Í mò mà yɛ̂ɛi, ‘À kɛ̀ káai a Eezuɛ-ŋai, laa la a wàla kɛ́ káyêei ḿɛni ma, gɛ̀ ní ŋa pâi ká táa-tâai lɔii ŋuŋ da kpɛ́ni-ŋa su.

Niɛmaya 4:4

Kɛ́lɛ ŋá Ɣâla fɛ̀li ńyɛ̂ɛi, “Óo Kúɣâlai, ŋ̀ɛ́lɛ maai káa ǹûai ŋí da gulâi kúkponôi. Gɛ́ m̀ɛni nyɔ́mɔɔi da ŋ̀wɛ̂lii é kɛ́ a kúai, é kɛ́ a dia. Gɛ́ díkpɔara-ƃela dí díkɔ̃liŋ kélee kúla díyêei dí lí a dia luɛ-laa su lɔii da kpɛ́ni-ŋa su.

Zôo 10:9

Ɣâla, kɛ́ a gɔ́lɔŋɔɔ a gɛɛ í ŋ́gbɛ̀tɛ a pɔ̂rɔ. Ya pâi ŋɔ́nɔ ḿvũa-fũai yɛ̂ɛ pɔ̂rɔ?

Zôo 7:7

“Óo Ɣâla, é lɛ́ɛ íkili-ŋa a gɛɛ ŋáfulu-laai káa nɔ́ yɛ̂ɛ fãa. Ḿve ŋɔ́nɔ pâi koi-nɛ̃ɛ kulâi a dɔnɔ kpîŋ.

Wule-woo-ŋa 119:153

Ŋá mɔ̃́lɛ-laai káa, í ḿalo mî, kpɛ́ni fêi, ḿve niî ńyee kula ní ítɔ̂ŋ-ŋai mu.

Wule-woo-ŋa 74:18

Óo Yâwɛɛ, gáa berei íkpɔara-ƃelai da ɣɛ́lɛ maa kulâi la íkponôi. Dífe a Ɣâla-ƃela. Dífe íkɔlɔŋ. Da díyee kulâi ímu.

Wule-woo-ŋa 79:12

Óo Ǹuu-namui, ǹɔii-ŋûŋ-ŋai da íwoo nyɔ̂ŋ fei, díkula maa kɛ́ gîei lɔ́ɔlu mɛi feerɛ zɔnyɔ̂ŋ mɛni ma da gɛ́ a yai.

Wule-woo-ŋa 79:4

Kúkɔlɛ ma lɔii-ŋuŋ-ŋai su-ƃelai da kúlarânii, díkɛ ɣɛ́lɛ maa kûla kúkponôi.

Azaya 62:6

Óo Zerusâlɛŋ, ŋa ísiɣãŋ gwaa kélee maa tínaŋ a kpakolo-ŋa wála-wâla-ŋa. Díkaa ǹaa m̀ɛi káai a kpíni da fólo. Díkaa naa, díkɛ wɔ̀lɔ Yâwɛɛ ma, díkɛ ŋɔkono-têe-ŋai maa mɛ̂ni tòo gíli ŋa, dífa ǹɛɛ naa a gɛɛ é nia dîa.

Zɛlemaya 15:15

Nya ƃe ŋá mò, “Yâwɛɛ, ya m̀ɛnii ŋá káa. Ŋ́gili é lɛ́ɛ íŋa í kpɔ́ŋ ḿâ. Tɔ́ɔ diai da mɛni kpɔ̂lu làa ḿâi, ŋá ŋ́ɔ̂i gbà kùla. Ífe í líi kpèle é lɛ́ɛ la zu díyee é tɛ́ɛ ḿâ. Gíli é lɛ́ɛ íŋa a gɛɛ ímaa mɛ̂ni ƃé da ƃâa kulâi la ḿâ.

Zɛlemaya 51:51

Ká mò kâa, ‘Da ƃâa kula kûa, kwa ŋumɛ. Wála-wala-laa kélee kpɔ́ da fé kúyêei, kpɛ́ni fêi, ŋɔ̃ya-ŋa da kúkwaa maa waa-ŋai ma kula kúyêei Ŋ̀âla-pɛrɛ Kɛ́tɛi mu.’

Zerusâlɛŋ Karáa Maa Wɔ̂lɔ-wooi 1:11

Ŋɔnûai da kɛ̀ díkɔnɔ̃ŋ kɔ̂rii, da kɛ̂ nyîɣɛi. Da díkɔ̃liŋ kpanaŋ-ŋai maa fáleŋ a mii-sãa a gɛɛ dífulu-laai é lɛ́ɛ díyêei. Díkɛ môi dîyɛɛi, “Yâwɛɛ, íyee sée ḿû, ŋa mɔ̃lɛ̂i.

Zerusâlɛŋ Karáa Maa Wɔ̂lɔ-wooi 1:20

“Óo Yâwɛɛ, gáa berei ŋa mɔ̃lɛ̂i lai. Ŋa mɛni sôli kâai. Maloŋ too-maa támaa káa ńii su kpɛ́ni fêi, ŋa tɔɔ yâ. Da ŋánûai paâi daa lêei su da bɛ́rɛ-ŋai mu.

Zerusâlɛŋ Karáa Maa Wɔ̂lɔ-wooi 1:9

M̀aa lîƃi-pere a too pono ŋá. Vé kpîŋ kpáaŋ ní a m̀ɛnii pâi kɛ̂i lai. Berei è tòo la pôlui, è kɛ̀ a zu kɛ́tɛ. Núu da fé kpáaŋ ní kɛ̀ m̀ɛni ma. Gbɔara-ƃelai da ǹyée mɛi ɣále. Ǹyaŋ a wɔ̂lɔi Ɣâla Yâwɛɛ ma a gɛɛ é m̀alôŋ káa.

Zerusâlɛŋ Karáa Maa Wɔ̂lɔ-wooi 2:15

Diai da tɛ̂ɛ yâi, da díyee ŋá lòkwa a laa kpâla maa-pere. Da ɣɛ́lɛ-maa kùla íkponôi, dí kɛ́ díŋuŋ kpɛ̂mɛŋ dîyɛɛi, “Daa lêei ŋí ƃé nûa da kâa kɛ̀ ma daa lêe lɛ́lɛɛi, dí kɛ́ m̀aa yôŋka teei?”

Zerusâlɛŋ Karáa Maa Wɔ̂lɔ-wooi 2:20

Óo Yâwɛɛ, kúmalôŋ káa. Gbɛ̂ɛ ƃé ya tá tûa la a bere sîi kɛ́ɛ ŋíi? Gáa, ǹɛyâai da díkpɔɔi lonii miî. Da zâla láa soŋ-ƃelai da Ɣâla ŋɔlóno-ƃelai paâi ŋ̀âla fɛli kwaa-ŋai ma.

Zerusâlɛŋ Karáa Maa Wɔ̂lɔ-wooi 3:19

Ŋa mɔ̃lɛ̂i, ŋ́gɛi fé ma. M̀ɛnii ŋí kíli a tòo ŋá, ńii a tôo pôlu a ŋ̀ánaa.

Zerusâlɛŋ Karáa Maa Wɔ̂lɔ-wooi 3:50

é lɛ́ɛ la zu Yâwɛɛ é lɛ́ɛ Ɣâla-taa é ḿbɔ naa pêre káa.

Zerusâlɛŋ Karáa Maa Wɔ̂lɔ-wooi 3:61

“Óo Yâwɛɛ, í díwòo nyɔ̂ŋ-ŋai mɛ̀ni dí bìli ḿâi. Mɛni nyɔ́mɔɔ-ŋai dí gbɛ̀tɛ a gɛɛ dí gɛ́ a ǹyãai, í gɔ́lɔŋ.

Abaku 3:2

Óo Yâwɛɛ, ŋá m̀ɛnii mɛ́ni é pîlaŋ ítii-kpaya-kpaya-ŋai dîa. M̀ɛni ma ḿbɛlɛ a pû a dámaa ítii-ŋai mɛni ma. Ítii-ŋai lɛ́ góraŋ-ŋai ŋí su. Ítii-ŋai lɛ́ ŋɔ́nɔ góraŋ ŋí su. Ílii ŋwânai su, maloŋ-kâa é kɛ́ naa.

Lûu 23:42

Nya ƃe e mò ma, ǹyɛɛi, “Zîsɛ, ḿaa-mɛni é lɛ́ɛ íkili ŋá tãi yà pà la íkâloŋ-laai sui.”