Zerusâlɛŋ Karáa Maa Wɔ̂lɔ-wooi 4:9 - Ŋ̀âla Kɔlɔ Maa Waai

⁹ Diai dí dípàa a ƃóa-sɔkpɔ-ŋai, dímaa nɛ̃ɛ̂i é tɛ́ɛ diai dîa puru ŋánaa è dípàai. Dílɛ̂wo é kɛ̀ kpɛɛ̂i díkponôi, mii-sɛŋ da fé naa dí mii.

Zerusâlɛŋ Karáa Maa Wɔ̂lɔ-wooi 4:9 ပူးပေါင်းရင်းမြစ်များ

Kâloŋ Veerɛi 25:3

È kɛ̀ tí, ŋáloŋ ǹáaŋ su ŋɔfólo lɔ́ɔlu mɛi náaŋ ɣele, burui è nâa tòo kpɔ́ a zu kɛ́tɛ nyii gɛ̀ mii-sɛŋ tɔnɔ kpîŋ fé ŋɔ́nɔ kɛ́ ní naa a gɛɛ ǹûai dí mii.

Ɛsedɔ 16:3

Dí mò dîa dîyɛɛi, “Èei pɔ̂ri kɛ̂i a ǹɛ́lɛɛ a gɛɛ Yâwɛɛ é kúpaa Ize lɔii su. Kú kɛ̀ nàa kúkɛ kúlaa mìi a kúnîa-pere. Kɛ́lɛ ka pá a kúa vɛ̃ɛ-kpâlaŋ su ƃɛ́ puru kɛ́ kúpâa.”

Azaya 22:2

Daa-lêei gwaa kélee káa nɔ́ wúlee. Ǹaa kélee káa nɔ́ yóo-yoo, ǹûai kélee kponôi kɛ́ kpɛ̃̀liŋ dîa. Lé kpîŋ ƃé kɛ́i ǹíi-nɛ̃ɛ taa-leei ŋí su nyíi naa-ƃela da tɛ̂i díkɛ yèŋ a ɣele kéleei? Núu támaa poma a lâani naa nyii-ŋai dífe dípaa ní a ƃóa-sɔkpɔi. Ǹûai ŋí dí sàa gɔ́i su kɛ́lɛ dífe kɛ́ ní gɔ́i da kɔ̂i.

Zɛlemaya 16:4

Kɔlɔ-fela nyɔ́mɔɔ a pâi dípaâi, núu da fé pâi dímaa ḿalôŋ sèe ƃôi, kpaa máŋ dí díloo. Da pâi dípoma ŋáa tɛ̂i gîe ma yɛ̂ɛ sua-kpô nyíi da bù sí-sɛŋ kɔ́ɔ mùi. Da pâi dípaâi kɔ́ su, kpaa puru é dípaa. À kɛ̀ tí, ŋ̀ɔni-ŋai da vɛnɛ-sãai da pâi dípoma miî.

Izikiɛ 24:23

Káƃɔrɔi a pâi kɛ̂i káŋûa. Kákpaŋ-kpalii kɛ́ ƃò kákɔɔ ŋá. Káfe pâi malôŋ-see ƃôi kpaa máŋ káwɔlɔ. Kɛ́lɛ ka pâi kɛ̂i sia sîai kákɛ wɔ̀lɔ, kányiɛ kásɔnyɔ̂ŋ mu tɛi-tɛi.

Izikiɛ 33:10

Yâwɛɛ è lòno ḿbɔ ǹyɛɛi, “Núu-kpune ǹóŋ, mó Eezuɛ-ŋai dîa, ‘Kú pɔara mɛni mai da kúsɔnyɔ̂ŋ káa kúkpîŋ ŋûa. Kúsu káa karâi. Kwa pɔ̂ri ŋɔ́nɔ kúkɛ̀ ɣéniɛi kɛ́ pere kɛ̂i léŋ?’

Izikiɛ 4:16

Naa kɛ́ɛ tíi è ŋɔ́nɔ mò ḿâ ǹyɛɛ, “Núu-kpune ǹóŋ, ŋa pâi mii-sɛŋ mɛni wâlai Zerusâlɛŋ. Da pâi kɛ̂i mii-sɛŋ kɔɔ̂ni sɛŋ fôlo su dílɛɛ pâi miî. Da pâi kɛ̂i m̀iî díkɛ díkili-ŋa sìa. Da pâi máŋ kɛ̂i yá kɔɔ̂ni a maloŋ-pere dílɛɛ pâi díkpelei.

Izikiɛ 7:15

Ǹûai da pâi kɛ̂i kɔ́kɔi ǹɔii su. Puru da kɔlɔ-fela da pâi kɛ̂i ǹûai dîa daai su. Diai pâi kɛ̂i ǹɔii sui, da pâi lɛɛi gɔi su. Diai díkaa daai sui, puru da kɔlɔ-fela da pâi dí pâai.

Levetekɔ 26:39

Káai kpulu-loŋ pâi lɛɛ̂i ka pâi saâi kásɔnyɔ̂ŋ da kánâŋ-ni díwɔ̂i su.

Dutɛrɔnome 28:51

Da pâi kátaa-tulɛ-ŋai da kási-sãai kélee mîi kpɔ́ kpɔlɔwɔ. Mii-sãa, ŋwãai, taa-tûlɛ kpaa máŋ ɔle wúlɔ da fé pâi lɛɛ̂i naa kámii mɛni ma. Ǹyaŋ ka pâi puru siɣêi é lɛ́ɛ la zu káŋuŋ lá é píli kpɔ́ kpɔlɔwɔ.