Zerusâlɛŋ Karáa Maa Wɔ̂lɔ-wooi 4:7 - Ŋ̀âla Kɔlɔ Maa Waai

⁷ Ŋɔnyáŋkpa-ŋai dí kɛ̀ fôloi é tɛ́ɛ yee fũa ma, dí kɛ́ kòle é tɛ́ɛ niŋa ŋini-ya ma. Dí kɛ̀ a díkɔlɔi ponoɔɔ, díwala-walaa, díkpono kɛ́ fòlo yɛ̂ɛ kɔni sɔ̃ɔ kpanaŋɔɔ.

Zerusâlɛŋ Karáa Maa Wɔ̂lɔ-wooi 4:7 ပူးပေါင်းရင်းမြစ်များ

Zôo 28:16

Núu fa ǹya a gôo kpaa máŋ kɔni sɔ̃ɔ kpanaŋɔɔ.

Zôo 28:18

Táre sɔ̃ɔ kpanaŋɔɔi é tɛ́ɛ kɔni lɛ́lɛɛ sɔ̃ɔ kpanŋɔɔ ma.

Wule-woo-ŋa 144:12

Tɔ́ɔ kúlônii-sinaai da kɛ̀ a nyáŋkpa, díƃɔlɔ yɛ̂ɛ wuru kpanaŋɔɔ. Tɔ́ɔ kúlônii-nɛyaai díkɛ yɛ̂ɛ pɛ́rɛ-yee mu wuru nyii dízàa a ǹɛ́lɛɛi, dí dɔɔ gâloŋ pɛrɛi yée mui.

Wule-woo-ŋa 51:7

Ŋásɔnyɔ̂ŋ wáa ḿâ, gɛ̀ ní ŋa pâi kɛ̂i a ḿaa waa. Ŋ́waa ḿî, gɛ̀ ní ŋa pâi kɛ̂i fôloi yɛ̂ɛ yee-fũa.

Ɛsedɔ 24:10

Dí Eezuɛ-ŋai Díɣâlai kàa. Sɛŋ da è kɛ̀ Ɣâla kɔ́ɔ mu gɛɛ yɛ̂ɛ kɔni-ƃela buluŋ kɛ́ɛ, nyii kɛ̀ a ma ponoɔɔ yɛ̂ɛ ɣele-kɔlɔŋ.

Wule-ŋa Kélee Mɛi Wûle 5:10

Ŋáwɛli kɛ́-maa nûui lɛ̂lɛɛi, gɔlɔi ponóɔɔ. Ǹɛ̂lɛɛi é tɛ́ɛ kpakolo wála puu (10,000) ma.

Wule-ŋa Kélee Mɛi Wûle 5:15

Ŋ̀wɛ́rɛ kɔ̂ŋ káa yɛ̂ɛ kɔni-kéleŋ ƃé da nɔ́ gôo su. Gbono kɛ̂tɛi, ǹɛ́lɛɛ yɛ̂ɛ Lɛƃanɔŋ lɔii su sîda wurui da.

Danîa 1:15

Ǹyaŋ vólo puui tɛɛi, dí kɛ́ a díkpono ŋɛ́i-kulaa, díƃɔlɔɔ é tɛ́ɛ diai dîa kɛ̀ gâloŋ-pɛrɛi mu mii-sãai miî.

Lûu 1:15

kpɛ́ni fêi, a pâi kɛ̂i a núu kɛ́tɛ Kúnuu-namui ŋɛi, ve pâi ŋwã̂ai, kpaa máŋ kpele-sɛŋ kpanaŋ kélee da kpelêi, à kɛ̀ ti, a pâi kɛ̂i a ǹáa fɛ́ɛ a M̀ɔlêŋ Maa Waai, é kúla zɔlɔ-ƃo-tãi ma.

M̀ɛni-sâa Ƃó-ƃelai 13:5

Ǹôloŋ ya pâi maa sɔlɔ ƃôi, a pâi kɛ̂i a Nazarɛ-nuu, zu kulâi ƃa Ɣâla yée mu nuu. Núu da fé kɔli lɔ̀ ŋ̀ûa. Ǹyaa ƃe pâi Eezuɛ ŋuŋ ma ƃôi Felesia-ŋai yêei.”

M̀ɛni-sâa Ƃó-ƃelai 13:7

È mò ḿâ a gɛ́ɛ ŋa pâi koo siɣêi ŋá lóŋ-surɔŋ maa sɔlɔ ƃó. È mò ḿâ máŋ a gɛ́ɛ ḿve lɔɔ sîi da kélee kpèle, ḿve tela mii-sɛŋ da mìi nyíi maa fé waa ní, kpɛ́ni fêi, ǹôloŋ a pâi kɛ̂i a Nazarɛ-nuu é síɣe maa sɔlɔ ƃó ɣele ma é tóo zaa tãi ma.”

M̀ɛni-sâa Ƃó-ƃelai 16:17

Nya ƃe è dɔ̃yâi ƃò ma yɛ̂ɛ mai, “Ŋa wɔ́lɔ mu siɣe ní ŋá tɔ́ɔ, dífe tá kɔli lɔ́ ní ŋ́ûa, kpɛ́ni fêi, Eezuɛ Ɣalai a ŋ́zîɣe a ŋɔyée mu nuu. M̀ɛni ƃé da ńdôli la a Nâzarɛ-nuu. À kɛ̀ núu da a kɔli lɔ̀ ŋ́ûa, gɛ̀ ní ŋáwala-wala laai a pâi kulâi ŋ́gbonôi, kɔlɔ é kpɛ́ɛ ḿâ.”

Samia Maa-ŋuŋ 16:12

Zɛse è Deeƃé worɛ̂ tɛ̀ɛ. Deeƃé è kɛ̀ a surɔŋ-loo kɔlɔi ponoɔɔ. È kɛ̀ kpɔ́ a ǹɛ́lɛɛ ŋ̀ɛ́i-gao maa waa. Deeƃé páai, Yâwɛɛ è mò Samia ma ǹyɛɛi, “Ǹyaa ƃé ŋa fâai ma. Ímu-siɣe í ɔle wulɔ pú ŋ̀ûa.”