Zerusâlɛŋ Karáa Maa Wɔ̂lɔ-wooi 4:4 - Ŋ̀âla Kɔlɔ Maa Waai

⁴ Kpele wɛ̂li a gɛ̀ dílônii nɛ́ŋ é kánaŋ, díkɛ́ sàa. Dílônii da mii-sãa fɛ̀li, kɛ́lɛ núu da fa kpɔŋ mâa tɛɛ dípɔ.

Zerusâlɛŋ Karáa Maa Wɔ̂lɔ-wooi 4:4 ပူးပေါင်းရင်းမြစ်များ

Kâloŋ Veerɛi 18:27

È díwoo su tòo ǹyɛɛi, “Ká lâai la ka gâloŋ-ni nɔ́ ƃé Asiria kaloŋ è ńdɛ̀ɛ kápɔ naa a gɛɛ ŋá mɛni-ŋai ŋí ƃó kâai? Kpao, ŋ́gaa lônoi máŋ ǹûai kélee pɔ́ díkaa see-ni ziɣãŋ kɔlɛ, nyii-ŋai díkaa pâi kɛ̂i dí li lɔ̂ɔi miî, díkɛ dí dɔɔ-gɔɔ mai kpèle nɔ́ yɛ̂ɛ berei ká saaƃaŋɔɔ ka pâi gɛ̂i lai.”

Kâloŋ Veerɛi 25:3

È kɛ̀ tí, ŋáloŋ ǹáaŋ su ŋɔfólo lɔ́ɔlu mɛi náaŋ ɣele, burui è nâa tòo kpɔ́ a zu kɛ́tɛ nyii gɛ̀ mii-sɛŋ tɔnɔ kpîŋ fé ŋɔ́nɔ kɛ́ ní naa a gɛɛ ǹûai dí mii.

Wule-woo-ŋa 137:6

À kɛ̀ ŋa nìa yâ, ŋà wàla ŋ́gili ŋá sía é pîlaŋ yâ a gɛɛ yá ƃé í káa a ŋálii-nɛ̃ɛ kɛ́tɛi, gɛ̀ ní ḿve ŋɔnɔ pɔ̀ri wule toôi.

Wule-woo-ŋa 22:15

Ŋ́gɔŋ lá kpâlai yɛ̂ɛ ŋɔŋ ŋá leɣi folo. Ńɛŋ kánaŋɔɔ ŋ́gâno mu. Ya gɛ́ saa a lɛɣɛ a ńyãa.

Azaya 5:13

M̀ɛni ma, da pâi liî a dia luɛ-lâa su. Dílaa túɛ-ƃelai da pâi saâi a puru, dínûai dísaa a kpele wɛ̂li.

Zɛlemaya 14:3

Dɔɔ-ƃelai dí díyee mu-ƃelai tɛ̂ɛ yá kɔɔ̂i. Nya ƃe dí lì ǹyá-loai lá dífe yá káa ní naa. Dí lène pôlu a díya-kɔɔ sɛŋ-folo-ŋai a vólo. Dí líi è tòo pôlu díkili ŋá é pú, dí díyee pɛ́lɛ díŋɛi a ŋumɛ pere.

Zerusâlɛŋ Karáa Maa Wɔ̂lɔ-wooi 1:11

Ŋɔnûai da kɛ̀ díkɔnɔ̃ŋ kɔ̂rii, da kɛ̂ nyîɣɛi. Da díkɔ̃liŋ kpanaŋ-ŋai maa fáleŋ a mii-sãa a gɛɛ dífulu-laai é lɛ́ɛ díyêei. Díkɛ môi dîyɛɛi, “Yâwɛɛ, íyee sée ḿû, ŋa mɔ̃lɛ̂i.

Lûu 10:11

‘Kápɔ-taai muluŋ kpîŋ máŋ nyii lɛ̀ɛ kúkɔɔ ŋái, kwa gbɛ́mɛnîi a sêre kámɛni ma. Kɛ́lɛ, ka nyiŋi kɔlɔŋ a gɛɛ Ɣâla ŋɔkâloŋ-laai a lɛɣɛ.’

Dutɛrɔnome 28:48

Mɛni ma, puru, kpele wɛ̂li, seɣe saa maa da kolo-laa su kɛ́tɛ da pâi kɛ̂i nɔ́ kâa. Ka pâi tíi kɛ̂i kákpɔara-ƃelai yée mu. Da pâi yɔlɔ toôi kákɔŋ ma é lɛ́ɛ la zu ká sáa kpɔ́ kúŋ.

Dutɛrɔnome 32:24

Ŋa pâi gɛ̂i puru kɛ́tɛ é tóo dîa. Ŋa pâi gɛ̂i kɔlɔ-fela nyɔ́mɔɔ-ŋa dí dísoŋ. Ŋa pâi lɔɔ fɛnɛ-sãa nyɔ́mɔɔ-ŋa pilîi dîa. Ŋa pâi kali nyɔ́mɔɔ-ŋa pilîi dîa.