Zerusâlɛŋ Karáa Maa Wɔ̂lɔ-wooi 2:9 - Ŋ̀âla Kɔlɔ Maa Waai

⁹ Ziɣãŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Zerusâlɛŋ Karáa Maa Wɔ̂lɔ-wooi 2:9 ပူးပေါင်းရင်းမြစ်များ

Kâloŋ Veerɛi 25:7

Dí pà a Zɛdikaya ǹônii dí dípaa a ŋ̀ɛi. Dí ŋɛ́i-gao kùla, dí doo kpɔnɔ ŋá, dí lɛ́ɛ ŋ̀âlai díkɛ lì la Babelɔŋ.

Kɔlɔnikɔ Veerɛi 15:3

Tãi su kôyaa yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Niɛmaya 1:3

Dí mò ḿâ dîyɛɛi, “Diai lène pôlu dí kúla gɔ-soŋ laai su dí pá pôlu Zudai, dí káa mɛni kpɔ̂lu támaa sɔlɔ ƃôi. Ƃaa kula maa támaa sɛ̂lɛŋɔɔi dîa. Zerusâlɛŋ taa-leei ŋɔsiɣãŋ kélee wóloɔ̂ɔi, ŋɔsiɣãŋ lá sãai kélee kéreŋɔɔ.”

Wule-woo-ŋa 74:9

Kúfe ŋɔ́nɔ zãâ maa waa-ŋai da maa ŋɛi kɛ́ maai da kâai. Ɣâla ŋɔlóno kɛ́-ƃelai da fé ŋɔ́nɔ naa. Núu da fé gɔ́lɔŋ lé tãi ƃé m̀ɛnii ŋí ŋáa a pâi yenîi lai.

Azaya 24:12

Daa-lêe-ŋai ŋɔsiɣãŋ-ŋai kélee lá wólo, daa-lêe-ŋai su a kara, ǹaa a lɛɛ a pilêŋ ŋá.

Zɛlemaya 14:14

Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Zɛlemaya 23:16

Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Zɛlemaya 39:2

Tãi Zɛdikaya è kɛ̀ la gâloŋ-laai su ŋɔkóraŋ puu-kao tɔnɔi ŋɔɣáloŋ ǹáaŋ ŋɔfólo lɔ́ɔlu-mɛi-náaŋ ɣele ƃé dí ziɣãŋ wôlo la Zerusâlɛŋ ma.

Zɛlemaya 39:8

Ǹaa kɛ́ɛ tíi, Babelɔŋ kɔ-kuluƃa-ŋai dí gâloŋ pɛrɛi kêreŋ da ǹûai díwɔ̂-ŋai. Dí ziɣãŋ wôlo máŋ nyii kɛ̀ a dínaŋɔɔ Zerusâlɛŋ mai.

Zɛlemaya 51:30

Babelɔŋ kɔ-kuluƃa-ŋai dâa kpera kɔ̂i. Da lɛɛ dí kɔ́ siɣãŋ su. Díwala-wala-laai su aâ saa da kɛ́ nɔ́ yɛ̂ɛ nɛyâa. Da ziɣãŋ wólo dítaa-leei ma da bɛ́rɛ-ŋai kéreŋ.

Zɛlemaya 52:14

Babelɔŋ kɔ-kuluƃa-ŋai dí ziɣãŋ kélee kpɔ́ wòlo kɛ̀ a dínaŋɔɔ Zerusâlɛŋ mai.

Zerusâlɛŋ Karáa Maa Wɔ̂lɔ-wooi 1:3

Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Zerusâlɛŋ Karáa Maa Wɔ̂lɔ-wooi 4:15

Ǹûai dí kɛ̀ lâɣii dîa dîyɛɛ dîai, “Ka kula ƃɛ́ ká lí, ká maa fé waa ní. Ka lí, káfe lɛ̀ɣɛ kúta ma.” Díkɛɛ tɛɛ-tɛɛi, ǹɔii su-ƃelai da-ŋa dí mò dîyɛɛi, “Díta fé pâi wɔ́lɔ lɛɛ̂i ǹɔii ma ƃɛ́!”

Zerusâlɛŋ Karáa Maa Wɔ̂lɔ-wooi 4:20

Dí kúkâloŋ sôŋ nyii Yâwɛɛ è nɛ̀i, nyii kúkili è kɛ̀ ma a gɛɛ é kú maa kɔ̃ɔ kú kpɔara-ƃelai yêei.

Izikiɛ 12:13

Kɛ́lɛ, ŋa pâi ŋá deɣaŋ pɛlɛɛ̂i dímɛi díkɔ la yɛ̂ɛ ƃare. À kɛ̀ tí, ŋa pâi pâi a dia Babelɔŋ lɔii su nyii gáa a Kadiɛŋ ŋai pɔɔi. Da pâi lɛɛ̂i naa dísaa, kɛ́lɛ dífe pâi ǹɔii tí su kaai.

Izikiɛ 17:20

Ŋa pâi ŋá deɣaŋ pɛlɛ̂i m̀ɛi. Ǹyaŋ a pâi kɔi a ŋa ƃarei. Ŋa pá la Babelɔŋ ŋá gula-maa kɛ kpɛ́ni fêi vé tua ni a ńyãa a teniŋ ƃo pere.

Izikiɛ 7:26

Mɛni-kpɔ̂lu a pâi kulâi dîa gîe mɛi, tùŋ nyɔmɔɔ támaa é pá dípɔ. Da pâi ŋ̀âla-woo ƃô ƃelai marê kɛ̂i a gɛɛ díɣâla-woo ƃô dîa, kɛ́lɛ ŋ̀âla-wooi a pâi lániî díla. Zâla láa-soŋ-ƃelai dífe pâi pɔrîi sɛŋ lɛ̂i ǹûai dîa. Ǹúu-pɔlɔ-ŋai dífe pâi kɛ̂i naa a gɛɛ dínûai lia-woo ƃó.

Osia 11:6

Ƃóa-sɔkpɔ a pâi dítaa-lêe-ŋa maa tínaŋɔɔ a siɣãŋ su karâi, é ŋánûai páa dítua-pere nyɔ̂ŋ-ŋai mɛni ma.

Osia 3:4

Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ núu-laa-tuɛ nûu da mu a tãi su kôyaa. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

Emɔ 1:5

Ŋa pâi Dɛmɛika ŋɔsiɣãŋ gbôŋ wôloi, ŋá Bɛtɛdaŋ-ƃelai zu kara, ŋá ǹúui su kara, nyii gáloŋ-wuruii káa ǹyéei Bɛ-idɛŋ. Kúnuu-namui è mò, ǹyɛɛ, Siria-ƃelai da pâi liî luɛ-laa su Kîɛ.”

Dutɛrɔnome 28:36

“A pâi kákpɛ̂i ka kákâloŋ-ni ka lí lɔii da su nyii kánâŋ-ni dífe wɔ́lɔ li ní naa, káa kpîŋ káfe tela naa kɔ́lɔŋ. Ka pâi kɛ̂i naa ká kɛ́ ɣâla da kpɛ́ni-ŋa fɛ̀li nyii-ŋai dí díkpɛ̀tɛ a wúru da kɔnii.

Dutɛrɔnome 28:63

Yɛ̂ɛ berei nɔ́ è kɛ̀ la a ǹíi láa mɛni gɛ́ gɛ̀ ká kɛ́ ƃûu ƃò ká kɛ́ mɛni kɛ̀ ƃûu ƃoi, bere nɔ́ ƃé a pâi kɛ̂i la a ǹíi láa mɛni é kásu kara. A pâi kásu karâi ǹɔii ma ka liî naai.

Samia Maa-ŋuŋ 28:6

È Yâwɛɛ marê kɛ̀ m̀ɛnii ma a pɔri gɛ̂i. Kɛ́lɛ Yâwɛɛ fé ŋ̀óo su too ní see-woo su kpaa máŋ a Uliŋ da Tumiŋ, kpaa máŋ a Ɣâla ŋɔlóno kɛ́-nuu da.