Zerusâlɛŋ Karáa Maa Wɔ̂lɔ-wooi 2:7 - Ŋ̀âla Kɔlɔ Maa Waai

⁷ Ǹuu-namui è ǹyée kùla ŋɔsâla kula kwaai ma mɛni mu da Ŋɔɣâla-pɛrɛ Kɛ́tɛi. È kùla ŋɔkâloŋ-pɛrɛ-ŋai dísiɣãŋ-ŋai perei é naa tɛɛ ŋɔkpɔara-ƃelai pɔ́. Ŋɔkpɔara-ƃelai dí làɣi a zu kɛ́tɛ a lii nɛ̃ɛ Ŋ̀âla-pɛrɛ Kɛ́tɛi mu yɛ̂ɛ nya ƃe da kɛ̀ kúu kɛ́tɛ kɛ̂i yɛ̂ɛ berei kwa kâa gɛ̀ la a tãi kwa kâa kɛ̀ vɛlîi lai.

Zerusâlɛŋ Karáa Maa Wɔ̂lɔ-wooi 2:7 ပူးပေါင်းရင်းမြစ်များ

Kâloŋ Veerɛi 25:9

Nɛbuzaradaŋ è Yâwɛɛ ŋɔɣâla-pɛrɛ kɛ́tɛi kèreŋ, gâloŋ-pɛrɛ kɛ́tɛi, bɛ́rɛ kpaya-kpaya maa mɛni kpanaŋɔɔi kɛ̀ daa-leei sui da bɛ́rɛ-ŋai kélee kɛ̀ naai.

Kɔlɔnikɔ Veerɛi 36:19

Dí ŋɔŋ tôo Ɣâla ŋɔpɛ́rɛi ma dí ziɣãŋ nyíi kɛ̀ a dínaŋɔɔ Zerusâlɛŋ mai wólo. Dí gâloŋ-pɛrɛi kêreŋ dí ǹaa sãai kélee su kara.

Wule-woo-ŋa 89:39

Ya gbanaŋ-wooi ɣále ka ǹyaa káloai, ya gâloŋ-ƃɔrɔi kúla ŋ̀ûa ya bili muluŋ su.

Azaya 64:9

M̀ɛni ma, ífe ílii ŋwana kûa a ŋ̀ánaa, kpaa máŋ kúsɔnyɔ̂ŋ maa mɛ̂ni é lɛ́ɛ íkili ŋa wɔ́lɔ-wɔlɔ. Kúkaa a ínûa. Kúmalôŋ káa.

Zɛlemaya 21:4

Yâwɛɛ nyíi gáa a Eezuɛ-ŋai Díɣâlai ǹyɛɛ, “Ŋa pâi kákɔ-kɔ-sãai nyíi kákaa kɔ̂i la Babelɔŋ kaloŋ da ŋɔnûai pɔ́i, nyíi-ŋai da tínaŋ kátaai mai, ŋá seêi kâa. Ŋa pâi pâi a dia daai su kásama.

Zɛlemaya 26:18

“Tãi Maka nyíi kùla Mɔrɛsɛ taa-leei sui è wɔ́lɔ kɛ̀ la a ɣâla ŋɔlóno kɛ́-nuui, maa tãi tí Ɛsekaya ƃé wɔ́lɔ kɛ̀ a gâloŋ Zuda lɔii mɛi. Nya ƃe Maka è mò ǹûai dîa ǹyɛɛ, ‘M̀ɛnii Ŋ̀wála-wâla kélee Yâwɛɛ è mòi ká ŋí: Da pâi Zerusâlɛŋ sinîi yɛ̂ɛ núu ƃé kwaa sîi. Ǹaa a pâi kɛ̂i yɛ̂ɛ da kɔni ŋáa tɛ̀ gîe ma. À kɛ̀ tí, ǹyéei nyíi Ŋ̀âla-pɛrɛ Kɛ́tɛi tɔɔ̂i mai, a pâi kɛ̂i a lɔɔ pûŋ.’

Zɛlemaya 26:6

À kɛ̀ káwala káwoli tɔ́ɔ ḿâ, gɛ̀ ní ŋa pâi Ŋápɛrɛ Kɛ́tɛi nyíi gáa Zerusâlɛŋ wôloi yɛ̂ɛ berei ŋá ŋásua kɔ̂lɔ-pɛrɛi m̀aa-ŋuŋ wòlo la Siloi. Ǹyaŋ, tãi ŋa pâi gɛ̂i tí lai, núu kélee a pâi Zerusâlɛŋ láa kɛ̂i a ǹaɣaŋ-lâa-sɛŋ.”

Zɛlemaya 32:29

dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Zɛlemaya 39:8

Ǹaa kɛ́ɛ tíi, Babelɔŋ kɔ-kuluƃa-ŋai dí gâloŋ pɛrɛi kêreŋ da ǹûai díwɔ̂-ŋai. Dí ziɣãŋ wôlo máŋ nyii kɛ̀ a dínaŋɔɔ Zerusâlɛŋ mai.

Zɛlemaya 4:26

Ŋá gàa a gɛɛ ǹɔii lɛ́lɛɛ-ŋai kélee da kɛ́ a fɛ̃ɛ-kpâlaŋ. Dítaa lêe-ŋai kélee dí kɛ̀ a bûŋ, kpɛ́ni fêi, Yâwɛɛ è kɛ̀ a ǹíi ŋwánaa kpɔ́ a ŋánaa.

Zɛlemaya 4:27

Yâwɛɛ è mò a gɛɛ ǹɔii a pâi lɛɛ̂i a bûŋ kɛ́lɛ, ŋ̀éniɛi fé pâi kpɛɛ̂i.

Zɛlemaya 50:28

Ǹûai pù dí kúla Babelɔŋ dí pá Zerusâlɛŋ, dí mò kûa berei Kúɣâlai Yâwɛɛ a mɛni kpa kulâi la Babelɔŋ ma Ŋɔɣâla-pɛrɛ Kɛ́tɛi su-kara mɛni mai.

Zɛlemaya 52:13

Nya ƃe è Ŋ̀âla-pɛrɛ Kɛ́tɛi kèreŋ, gâloŋ-pɛrɛi da díi kɛ́-ƃelai kélee dípɛrɛ-ŋai.

Zerusâlɛŋ Karáa Maa Wɔ̂lɔ-wooi 1:4

Zãiyɔŋ Ɣala-pɛrɛ Kɛ́tɛi lá perei a pú. Núu da fé ŋɔ́nɔ pâi naa gúu-ŋai ŋ̀aa-see kɛ́ mɛni ma. Ziɣãŋ-ŋai lá a lɛɛ a vólo. Zâla láa soŋ-ƃelai dí kɛ́ ǹyîɛ. Ǹɛnî-kpela-ŋai da malôŋ-see ƃôi. Daa lêei káa mɛni kpɔ̂lu su.

Zerusâlɛŋ Karáa Maa Wɔ̂lɔ-wooi 2:1

Ǹuu-namui è ǹíi ŋwàna Zãiyɔŋ ma é m̀ɛi pɛ́lɛ a kpíni. È ŋɔkɛ́tɛ-laai kùla ǹyêei é nàa lɛɛ a pilêŋ ŋá. È ǹyée kùla Ŋɔɣâla-pɛrɛ Kɛ́tɛi mu a lii ŋwâna.

Zerusâlɛŋ Karáa Maa Wɔ̂lɔ-wooi 2:5

Ǹuu-namui è Eezuɛ su-kara yɛ̂ɛ berei núu kpɔara-nuu a gɛ̀ la lai. È ŋɔkili tɔɔ maa kwaa-ŋai ma kélee su kàra, é ŋɔkâloŋ pɛrɛ-ŋai kélee wólo. È Zuda ŋɔmaloŋ toô-maai da ŋɔwɔ́lɔi su kɛ̀tɛ.

Izikiɛ 24:21

‘Ŋá worɛ̂ɛ-wooi ŋí ƃó Eezuɛ-ƃelai dîa. Ŋa pâi Ŋáɣâla-pɛrɛ kɛ́tɛi nyii ka kɛ̀ ŋɔwála-walai laai maa yôŋka têei maa-tĩa karâi. Ka ŋ̀wɛ̂lii ká Ŋ̀âla-pɛrɛi ŋí káa, ká lí mu. Ǹyaŋ ká lônii-sinaai da kálônii-nɛyãai nyii-ŋai pâi lɛɛ̂i ká pôlu ká taai sui da pâi lɛ̂ɛi ƃóa-sɔ̂kpɔ mù.

Izikiɛ 7:24

Ŋa pâi ǹɛɛ̂i naa lɔii-ŋuŋ ŋwana-lɔ̂ɔ ŋa dí pá díka pɛ́rɛ-ŋai kula káyeêi. Ŋa pâi díwala-wala laai kpelâi, ŋa díkwaa mâ waa ŋai maa tĩa kara.

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Levetekɔ 26:44

Kɛ́lɛ a nɛ̃ɛ ma kpîŋ díkɛ lɔii ŋuŋ da kpɛni-ŋa su, fé pâi wɔ́lɔ ńyee kulâi dímu kpaa máŋ ŋá dísu kara. Fé pâi wɔ́lɔ ŋákpanaŋ-wooi siɣêi dɔɔ̂i díyêei, Ńyãa ƃa Díɣâlai Yâwɛɛ.

Emɔ 2:5

M̀ɛni ma, ŋa pâi ŋɔŋ pilîi Zuda ma, a gɛɛ é Zerusâlɛŋ ŋɔkili-tɔɔ maa kwaa-ŋai mâ kéreŋ.”

Maka 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.

Maafîu 24:2

Kɛ́lɛ, è díwoo su tòo, ǹyɛɛ diai, “Káfe zãâi ŋí kélee kâai? Ŋa tɔ̃yâ ƃoi kâa, kɔni tɔnɔ kpîŋ fé pâi lɛɛ̂i ƃɛ gîe mɛi. Da pâi díkelee dí toôi ǹɔii ma.”