Zerusâlɛŋ Karáa Maa Wɔ̂lɔ-wooi 2:6 - Ŋ̀âla Kɔlɔ Maa Waai

⁶ È Ŋɔɣâla-pɛrɛ Kɛ́tɛi su kàra é ǹaa kɛ́ yɛ̂ɛ sûai. È ŋɔɣele kûu maa waa-ŋai kula mɛni kpèra da Vii-tɔɔ-ɣelei. È ǹíi ŋwàna a zu kɛ́tɛ gâloŋ da zâla láa-soŋ-nuui dîa.

Zerusâlɛŋ Karáa Maa Wɔ̂lɔ-wooi 2:6 ပူးပေါင်းရင်းမြစ်များ

Wule-woo-ŋa 74:7

Dâa Ípɛrɛ Kɛ́tɛi maa tĩa kara, da ƃɛ́i kwa kâa ílaa maa tɛ̂ naai kéreŋ.

Wule-woo-ŋa 76:2

Ɣâla pɔ́-taai ƃa Zerusâlɛŋ. Zeɛ́ɛ káa Zãiyɔŋ Yeei ma.

Wule-woo-ŋa 80:12

Kɛ́lɛ í m̀aa kóli sãai kùla naa lé mɛni ma? Ya gɛ̀ tɛɛ-a-pere ƃela líi a kpele mà. Da kɛ̀ tɛɛ̂i da kɛ̂ m̀á da-ŋa ŋúmai ŋ̀á.

Wule-woo-ŋa 89:40

Ya ziɣãŋ-ŋai wólo daa-leei ma, naa a lɛɛ fóŋ-kpoŋ.

Azaya 1:13

Ƃâa fé kásama-sãai dîa. Kákereŋ sãa kú nɛ̃ɛi kúŋ ƃɛlɛ fé ŋ́goi. Ka ŋ̀áloŋ nina kuui kûla, ká kɛ́ Vii-tɔɔ ɣelei mɛi kâa, ká kɛ́ káɣâla mɛni kɛ́ kpɔŋ-ŋai tôo. Kɛ́lɛ kásɔnyɔ̂ŋ a gɛ̀ ƃâa fé ŋɔ́nɔ gúu-ŋai ŋí kélee dîa.

Azaya 1:8

Zerusâlɛŋ taa-leei nɔ́ ƃé lɛ̀ɛ. Kɛ́lɛ maa mɛ̂ni káa yɛ̂ɛ boo-kpânaŋ da sûa su yeŋkeŋ. Gáa nɔ́ yɛ̂ɛ taa-lêe nyii kɔ-kuluƃa-ŋa da ǹaa pere-lee-ŋai kélee sóŋ.

Azaya 43:28

dí ŋákwaa ma waai maa tĩa kàra. M̀ɛnii ŋí ƃé gɛ̀ ŋá ǹɛɛ naa kákpɔara-ƃelai dí ƃâa kula kâa, dí ká su-kara.”

Azaya 5:5

“Ŋa pá nɛɛ̂i naa ká m̀ɛnii kɔ́lɔŋ ŋa pâi gɛ̂i a ŋá kpɔmɔ kpâlaŋ. Ziɣãŋ dínaŋɔɔ̂i m̀ai, ŋa pâi ŋ̀ôlo-wôloi. Fɛnɛ-sãa da pâi kɛ̂i dílaa miî naa díkɛ ǹaa tàŋ-taŋ.

Azaya 5:6

Ŋa pâi ǹɛɛ̂i naa galai yée é tɛ́ɛ m̀a. Ḿve pâi ǹaa kpɛtɛ̂i, kpaa máŋ ŋá galai fála naa. Ǹaa a pâi kɛ̂i nɔ́ a m̀ɛi-pɛlɛɛ a tânaŋ da ŋalêŋ kpɔlɔ. Ŋa pâi m̀ôi ŋ̀elei su ma a gɛɛ vé ŋɔ́nɔ nɛ̀ɛ naa tuna é pú naa.”

Azaya 63:18

Ípɛrɛi è kɛ̀ ínûa maa waai yêei a tãi lòŋ, kɛ́lɛ díkpɔara-ƃelai dí pá dí ǹaa sòŋ dí ǹaa su kara.

Azaya 64:11

Kú Ɣâla-pɛrɛ Kɛ́tɛi nyii kɛ̀ a Maa Waa, ǹɛ́lɛɛi, ƃɛ́i kúnâŋ-pɔlɔ-ŋai da kâa ílaa maa tɛ̂ naai da ǹaa kéreŋ. Ƃɛ́i kélee kpɔ́ kú kɛ̀ a ǹaa wɛliɛi, ǹaa a lɛɛ a pîleŋ ŋá.

Zɛlemaya 17:27

Kɛ́lɛ, fɛ̂ɛ nɔ́ dí ŋ́oo mɛ́ni, dí Vii-tɔɔ-ɣelei mɛi káa a fólo maa-waa. Dífe kpîri sìɣe dílɔ la, kpaa dí kúla la Zerusâlɛŋ a Vii-tɔɔ-ɣelei. À kɛ̀ da gɛ̀ tí, gɛ̀ ní ŋa pâi ŋɔŋ toôi Zerusâlɛŋ siɣãŋ láƃelei. Ŋɔŋ a pâi gâloŋ-pɛrɛi kérenîi Zerusâlɛŋ, ǹyaŋ núu da fé pâi kɛ̂i naa é ŋɔŋ kpîŋ líiŋ.”

Zɛlemaya 42:18

“Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli mĩliɛɛ-ŋa kâai nyii pâi nûa láa kpâlai dîai. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Zɛlemaya 45:4

“Kɛ́lɛ, ńyãa Yâwɛɛ, zãâi nyíi kélee ŋá dɔɔi, ŋa pâi gélee kpɔ́ wôloi, nyii-ŋai ŋá zìi, ŋá gélee kpɔ́ ƃúleŋ. Ŋa pâi nyíŋi kɛ̂i ŋ̀éniɛi gwaa kélee ma.

Zɛlemaya 50:28

Ǹûai pù dí kúla Babelɔŋ dí pá Zerusâlɛŋ, dí mò kûa berei Kúɣâlai Yâwɛɛ a mɛni kpa kulâi la Babelɔŋ ma Ŋɔɣâla-pɛrɛ Kɛ́tɛi su-kara mɛni mai.

Zerusâlɛŋ Karáa Maa Wɔ̂lɔ-wooi 1:4

Zãiyɔŋ Ɣala-pɛrɛ Kɛ́tɛi lá perei a pú. Núu da fé ŋɔ́nɔ pâi naa gúu-ŋai ŋ̀aa-see kɛ́ mɛni ma. Ziɣãŋ-ŋai lá a lɛɛ a vólo. Zâla láa soŋ-ƃelai dí kɛ́ ǹyîɛ. Ǹɛnî-kpela-ŋai da malôŋ-see ƃôi. Daa lêei káa mɛni kpɔ̂lu su.

Zerusâlɛŋ Karáa Maa Wɔ̂lɔ-wooi 4:16

Yâwɛɛ ǹyaa kpîŋ è dítàa-tàa, vé ŋɔ́nɔ kɛ́ ní a gbaaŋɔɔ dí ta mɛni ma. Ŋumɛ mâa fé kɛ́ ní ŋɔ́nɔ naa zâla láa soŋ-ƃelai mɛni ma, kpaa máŋ dínuu pɔ̂lɔ-ŋai.

Zerusâlɛŋ Karáa Maa Wɔ̂lɔ-wooi 4:20

Dí kúkâloŋ sôŋ nyii Yâwɛɛ è nɛ̀i, nyii kúkili è kɛ̀ ma a gɛɛ é kú maa kɔ̃ɔ kú kpɔara-ƃelai yêei.

Zerusâlɛŋ Karáa Maa Wɔ̂lɔ-wooi 5:12

Dí kúlɔii kâloŋ-ŋai sɛ̂lɛŋ a ɣɛli dí sáa. Ƃaa kɛ́-maa fé ŋɔ́nɔ naa kúnuu pɔ̂lɔ-ŋai mɛni ma.

Izikiɛ 17:18

Ǹyaŋ vé pâi pûi kpɛ́ni fêi vé ŋɔfóo-wooi ŋa-see kɛ ni, kpaa máŋ, vé ŋɔkpanaŋ-wooi mɛi káa ni. Kpɛ́ni fêi è ǹyée see m̀ɛni-ŋai ŋí mu kɛ́lɛ gɛ m̀ɛni-sîi ŋai ŋí kɛ.”

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Zɛfɛnâya 3:18

yɛ̂ɛ da kɛ̀ kúu kɛ̂i.” Yâwɛɛ è mò ǹyɛɛ, “Ŋa pâi íkulâi mɛni-kpɔ̂lui su a gɛɛ ífe ŋɔ́nɔ tɔŋ-kpɛ́-maa sɔlɔ ƃô.

Malakai 2:9

M̀ɛni ma ńyãa máŋ ŋa pâi Eezuɛ-ƃelai kɛ̂i dí kákpɔara kpɛ́ni fêi, káfa ŋ́oo mɛni. Ǹyaŋ tãi ká sɛŋ lɛ̂ la ŋánûai dîai, káfa dísòŋ a bɔriɛɛ.”