Zerusâlɛŋ Karáa Maa Wɔ̂lɔ-wooi 2:4 - Ŋ̀âla Kɔlɔ Maa Waai

⁴ Kerâŋ káa ǹyêei gɛ́ nɛ̀ kûa yɛ̂ɛ kúkpɔara-ƃela. Diai kú dí wɛ́linii, a kélee páa. È ǹíi ŋwàna Zãiyɔŋ ma é ŋɔnûai kéreŋ yɛ̂ɛ ŋɔŋ.

Zerusâlɛŋ Karáa Maa Wɔ̂lɔ-wooi 2:4 ပူးပေါင်းရင်းမြစ်များ

Kɔlɔnikɔ Veerɛi 34:21

“Ka lí ká Yâwɛɛ marê kɛ́ kwa Eezuɛ-ŋai da Zuda-ƃelai gbulu-loŋ da lɛɛ̂i kúmɛni ma é pîlaŋ gɔlɔi ŋí kâa gaai ŋ̀oo ma. Yâwɛɛ a ǹíi ŋwána kûa a ŋ̀ánaa, kpɛ́ni fêi, kúnûa-pɔlɔ-ŋai dífe ŋ̀óo mɛi káa ni. Dífe tûa ní yɛ̂ɛ ŋ̀óoi gáa gɔlɔi ŋí sui.”

Kɔlɔnikɔ Veerɛi 34:25

Kpɛ́ni fêi da dípôlu tɔɔ ḿâ díkɛ kéreŋ-sɛŋ kuŋ-nɛɛ kèreŋ ɣâla da kpɛ́ni ŋa dîa. Da ǹii-ŋwana a díkpɛtɛ-sãai kélee. Ǹíi a pâi kɛ̂i a ŋwánaa dîa ŋ̀aa fá yêŋ.

Zôo 19:11

Ŋɔlii ŋwânai a ŋ́gerenîi. A kɔ̂i ḿbɔ yɛ̂ɛ núu ƃé kɔ̂i ŋɔkpɔara-nuu pɔ́.

Zôo 6:4

Ŋ̀wála-wâla kélee Ɣalai a gɛ́ ŋ́gɛ mɔ̃lɛ yɛ̂ɛ, da núu ƃòŋ a sɔla-ŋa nyii ŋɔsóli a siâi kpɔ́ gbono gwaa kélee ma. Ɣâla a gbîŋ kpɛtɛ a gɛɛ é pɛ́lɛ ḿâ a namu, ǹyaŋ m̀ɛnii ŋí a ńyaôi kpɔ́ a ŋ̀ánaa.

Wule-woo-ŋa 37:14

Ŋ̀wana-lɔ̂ɔ-ƃelai da díƃoa sɔkpɔ-ŋai kúla daai dí díkerâŋ-ŋai ŋá tɛ́, a gɛɛ dí gôlo-ƃelai da diai pɔ̂ri mâa fé dîɛi páa la, dí dɔ̃yâ mɛni kɛ́-ƃelai su tée-tee a gbua-kpua.

Wule-woo-ŋa 7:13

Aâ ŋɔkɔ́-kɔ sãa nyɔ́mɔɔ-ŋai síɣe, a dɔ̃a-ŋai lɔ́ ŋɔkerâŋ-ŋai ŋá, a ŋɔŋ sée díŋa.

Azaya 42:25

È ǹíi ŋwàna kûa yɛ̂ɛ ŋɔŋ a tèe láa kpâla ma, é gɛ́ kú mɔ̃́lɛ kɔ́ su. Ŋɔlii-ŋwânai è kúai a Eezuɛ-ŋai kúkêreŋ yɛ̂ɛ ŋɔŋ. Kɛ́lɛ kúfe m̀ɛnii ŋá káa ní kɛ̀ kɛ̂i. Kúfe mɛni da maa kɔ́ri ní a dɔnɔ kpîŋ.

Azaya 63:10

Kɛ́lɛ, da wɔ́lɔ dípôlu tɔ̀ɔ nɔ́ m̀a, díkɛ gɛ̀ Ŋɔmɔ̃̂leŋ Maa Waai líi kɛ́ tòo pôlu. Nya ƃe Yâwɛɛ è kɛ̀ a díkpɔara-nûu, é kɔ́ dípɔ.

Azaya 63:6

Ŋá ńii ŋwàna, ŋá sía ǹɔii-ŋûŋ-ŋai mɛi, ŋá dítaa-tâa. Ŋá díŋãa pû ǹɔii ma.”

Zɛlemaya 10:20

Kúpɛrɛ-ŋai da wólo. Kúɣɛli-ŋai da tée. Kúnîa-pɛlɛɛi da kula kú kɔlɛ mâ. Kúfa ŋɔ́nɔ díkâa. Núu da fé naa é kúpɛrɛ-ŋai tɔ́ɔ ŋɔ́nɔ. Núu da fé naa é kúkɛ̂i kpɛtɛ.”

Zɛlemaya 21:12

‘Káai a Deeƃé ŋɔsuui su-ƃelai, Yâwɛɛ ǹyɛɛ ká tɔ̃yâ mɛni kɛ́ a ɣele kélee. Diai ǹûai da dífilii, ka dí kúla yêei kɛ́. A wàla kɛ́ tí, ŋa pâi ńii ŋwânai kpɔ́ yɛ̂ɛ ŋɔŋ nyíi va nîiŋ, ká ŋwãna-lɔ̂ɔi mɛni ma.

Zɛlemaya 21:5

Ńyãa kpîŋ ŋa pâi kɔ̂i kápɔ a ŋáwala-wala-laai kélee kpɛ́ni fêi, ńii ŋwânai kâa a ŋánaa.

Zɛlemaya 30:14

Káwɛli kɛ-maa-ƃelai kélee da nia kâa. Dífe ŋɔ́nɔ kpáani a ká maa mɛ̂ni. Ŋa kákula maa kɛ́ a ŋ̀ánaa, kpɛ́ni fêi, ká sɔnyɔ̂ŋ támaa kɛ̀. Ǹyaŋ, ká ŋwana-lɔ̂ɔi su a kɛ́tɛ.

Zɛlemaya 36:7

Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Zɛlemaya 4:4

Ka kákili tɔ́ɔ ńyãai ŋ́gaa a Yâwɛɛ ḿâ. Káfe kálii su kpànaŋ ḿberêi. Káai a Zuda da Zerusâlɛŋ-ƃelai, ka kákpîŋ tɛɛ ḿbɔ. À wàla kɛ́ tí, ŋá líi ŋwânai a pâi kákerenîi yɛ̂ɛ ŋɔŋ nyíi núu da fa pɔ̂ri ǹiinî, zɔnyɔ̂ŋ ká kɛ̀ gɛ̂i, mɛ̂ni ma”

Zɛlemaya 42:18

“Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli mĩliɛɛ-ŋa kâai nyii pâi nûa láa kpâlai dîai. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Zɛlemaya 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, zí-sãai da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkerenii, m̀aa ŋɔŋ fa nîiŋ.”

Zerusâlɛŋ Karáa Maa Wɔ̂lɔ-wooi 1:13

“A ŋɔŋ kúla ŋ̀elei su a bú ḿâ. Ŋ̀ɔŋ ŋí a ŋ́gerenîi ŋ́gbonôi-pere. A ƃáre tɛ́ ḿberêi, a ńzoŋ a ḿbîlaŋ. A gɛ́ ŋa lɛɛ ńyãa tɔnɔ, ŋ́gɛ fôa a ɣele kélee.

Zerusâlɛŋ Karáa Maa Wɔ̂lɔ-wooi 2:5

Ǹuu-namui è Eezuɛ su-kara yɛ̂ɛ berei núu kpɔara-nuu a gɛ̀ la lai. È ŋɔkili tɔɔ maa kwaa-ŋai ma kélee su kàra, é ŋɔkâloŋ pɛrɛ-ŋai kélee wólo. È Zuda ŋɔmaloŋ toô-maai da ŋɔwɔ́lɔi su kɛ̀tɛ.

Zerusâlɛŋ Karáa Maa Wɔ̂lɔ-wooi 3:3

A ŋ́gula maa kɛ́ a ŋ̀ánaa a kpíni da fólo.

Zerusâlɛŋ Karáa Maa Wɔ̂lɔ-wooi 4:1

Ka gáa berei gôoi fé ŋɔ́nɔ fôloi lai. Gôo kpîŋ-kpiŋ maa a fáleŋ. Ŋ̀âla-pɛrɛ Kɛ́tɛi mu kɔni maa-waa-ŋai táa-taai daa lêei su.

Zerusâlɛŋ Karáa Maa Wɔ̂lɔ-wooi 4:11

Yâwɛɛ è ǹíi ŋwàna a ŋ̀ánaa, é ŋɔŋ tóo Zãiyɔŋ ma, ǹaa é kéreŋ.

Izikiɛ 13:13

M̀ɛni ma m̀ɛnii Ŋ̀wála-wâla kélee Yâwɛɛi è m̀ôi ká ŋí, “Ŋ̀a pâi ǹíi ŋwanai ŋá fãa-kɛtɛ tɛ́ɛ, ŋá tuna-kɛtɛ kɛ́ é pú, ŋá sãɔ-kɛtɛ kɛ é pú é ziɣãŋ wólo-wolo.

Izikiɛ 20:34

Ŋa pâi ka kulâi ǹûai sama, ŋa kákula ǹɔii ŋai su ƃɛɛi ŋa ká taa-taa naai a lii-ŋwana su kɛtɛ ŋánaa.

Izikiɛ 22:22

Berei da káne seɣeŋ la a filɛ-ŋɔŋ, bere ƃe ŋa pâi ká seɣeŋ ni la Zerusâlɛŋ-daa samai a kɛ ti, da pâi gɔlɔni a gɛɛ ńyãai a Yâwɛɛi ńii ŋwanâai kâa.”

Izikiɛ 24:25

Yâwɛɛ è mò ǹyɛɛi, “Núu kpune ǹóŋ, ŋa pâi díkili-tɔɔ maa kwaa-ŋai ma sonîi díyêei, nyii-ŋai díkaa a díkili-tɔɔ maa kwaa-ŋai ma da ƃɛ́i da dílaa maa tɛ̂-ŋai sɔlɔ ƃô naai da ƃɛ́i-ŋai da kɛ ǹaa kâai, díkili kɛ́ ƃò ǹaai. Ŋa pâi ŋɔ́nɔ dílônii-nɛyãai da dílônii-sinaai sonii díyêei.

Izikiɛ 36:18

M̀ɛni ma ŋá ǹíi ŋwana kpɔ́ dîa a ŋ̀ánaa ǹûai dí dípàa dílɔii sûi da ŋ̀âla-pɔkɔɔŋ-ŋai díkɛ̀ ǹɔii maa tĩa karâi lai maa mɛ̂ni ma.

Izikiɛ 5:13

“Gɛ̀ ní, ŋálii ŋwânai ŋáa a pâi yenîi. Ŋá ńii ŋwàna dîa a gɛɛ ńii é láa. Ǹyaŋ tãi ŋa pâi ńii ŋwânai la dîai, da pâi gɔ́lɔnîi a gɛɛ Ńyãa ƃa Yâwɛɛ nyii lòno dípɔ a wála-wala laai.

Izikiɛ 6:12

Ǹúui nyii gáa kwaa koyaa mai, kɔlɔ-fela nyɔmɔ a pâi baai. Ǹyaŋ ǹúui nyii gáa kwaa kpûa mai, a pâi lɛɛ̂i mòa-sɔkpɔi mu. Naa pôlu ma, ǹúui nyii pâi lɛɛ̂i ɣele mai, a pâi sâai a puru. Bere ƃé ŋa pâi ŋálii-ŋwanai lɛi la día.

Izikiɛ 7:14

Tãi da pâi gɔ-kɔ́ turuii fɛɛi lai, ǹûai da pâi díkpîŋ kpɛtɛi kɔ́kɔ mɛ̂ni ma, kɛ́lɛ núu da fé pâi liî gɔ̀-ɣenei ŋa kpɛ́ni fêi Ɣâla a pâi ǹíi ŋwanai dîa.

Levetekɔ 26:17

Ŋa pâi ḿbôlu fêi kâa a gɛɛ kákpɔara-ƃelai dí káyee mɛi ɣále díkɛ ƃò kámɛi. Ká pâi yaôi kpɔ́ ká pɛ́lɛ pûi yɛ̂ɛ ǹyaa ƃe núu da a kákpɛ̂i.

Neeuŋ 1:2

Yâwɛɛ káa a tólo Ɣala, gɛ́ mɛni nyɔ́mɔɔ kula maa kɛ̂, gɛ́ mɛni gba kùla a lii-ŋwâna pere. Yâwɛɛ a tɔ̂ŋ pù diai dîa dí tɔɔ̂i mai.

Neeuŋ 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔ̂ri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tânaŋ ma.

Samia Maa-ŋuŋ 28:16

Samia ǹyɛɛ m̀ai, “Lé mɛni ƃé ya marê kɛ̂i la, íkɛ gàa Yâwɛɛ aâ bôlu tɔɔ yâ a kɛ́ a íkpɔara-nuui?