Zerusâlɛŋ Karáa Maa Wɔ̂lɔ-wooi 2:2 - Ŋ̀âla Kɔlɔ Maa Waai

² Ǹuu-namui è ǹíi ŋwàna Zeeka ŋɔnûai dîa é dí kɛ̂i kara. Vé dímalôŋ káa ní. Ziɣãŋ-ŋai kɛ̀ a dínaŋɔɔ ŋɔlɔii mai, è gélee wòlo. È ƃâa kùla ŋɔlɔii ma da m̀ɛi kâloŋ-ŋai.

Zerusâlɛŋ Karáa Maa Wɔ̂lɔ-wooi 2:2 ပူးပေါင်းရင်းမြစ်များ

Zôo 2:3

Nya ƃe Yâwɛɛ è Sêtɔŋ marê kɛ̀ ŋɔ́nɔ ǹyɛɛ mai, “Í ŋátii kɛ́-nuui Zôo kàa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ. Í ŋ́gɛ a gɛɛ ŋá ǹɛɛ naa í vũa-fũa yɛ̂ɛ muluŋ nyii ŋuŋ fé kɛ́ ní ma, kɛ́lɛ vé mɛni nyɔ́mɔɔ kélee da kɛ́ ni.”

Wule-woo-ŋa 21:9

Tãi a pâ lai, a pâi ŋɔkpɔara-ƃelai su karâi a ŋɔŋ. Yâwɛɛ a pâi ǹíi ŋwânai dîa, é dísu-kara a ŋɔŋ sôŋ.

Wule-woo-ŋa 74:7

Dâa Ípɛrɛ Kɛ́tɛi maa tĩa kara, da ƃɛ́i kwa kâa ílaa maa tɛ̂ naai kéreŋ.

Azaya 22:5

Mɛni-kpɔ̂lu ká ŋí Ǹuu-namui Ŋ̀wála-wâla kélee Yâwɛɛ a ǹáa kûai. Yao támaa káa kúkponôi, kúyee fa ŋɔ́nɔ pɔri núu da ma, kúlii toɔɔ pôlu a ŋ̀ánaa zĩ̂a tiŋ-tiŋ su. Kútaa-lêei ma siɣãŋ kélee su a kara. Kúwɔlɔ-woo a kɛ́ nɔ́ yɛ̂ɛ ŋɔni-ŋa fáa woo wolâ sáma. Ŋ̀wála-wâla kélee Yâwɛɛ ƃé m̀ɛnii ŋí kɛ̀ a kúa.

Azaya 23:9

Yâwɛɛ, Ŋ̀wála-wâla kélee Ɣalai ƃé mɛni kpɛtɛ́ɛi ŋí kɛ̀. È gɛ̀ tí a gɛɛ é ǹyoka-ƃelai díyoŋka tuai kpéra, é ƃâa kula dîa.

Azaya 25:12

Yâwɛɛ pâi Môa taa-lee-ŋai dísiɣãŋ-ŋai kélee wôloi, é dífũa-fũa.

Azaya 26:5

Diai díyoŋkai a díŋa-yèŋ, daa-lêei da zui é maa taa-leei su-kara, ǹaa é lɛ́ɛ a muluŋ su.

Azaya 27:11

Ǹaa wuru-ŋai kélee da kpála, díkɛ ɣàle-ɣale. Nɛyâai da lî naa dí kɔi síɣe. Ɣâla nyíi ǹûai ŋí kpɛ̀tɛi, dífe kpáaŋ ní m̀ɛni m̀a. M̀ɛni ma, Ɣâla fé pâi wɔ́lɔ dímalôŋ kâai.

Azaya 43:28

dí ŋákwaa ma waai maa tĩa kàra. M̀ɛnii ŋí ƃé gɛ̀ ŋá ǹɛɛ naa kákpɔara-ƃelai dí ƃâa kula kâa, dí ká su-kara.”

Azaya 47:6

Ŋá ńii ŋwàna ŋánûai dîa, ŋá tûa a dia yɛ̂ɛ ǹyaa ƃé dífe a ŋánûa, ŋá dítɛɛ ípɔ. Kɛ́lɛ ífe díŋɛi malôŋ káa ní. Ífe kpîŋ ǹúu pɔlɔ-ŋai ŋɛ́i malôŋ káa ní. Í kpîri wuyɛɛ-ŋa làa díŋûa.

Zɛlemaya 13:14

À kɛ̀ tí, ŋa pâi dítôoi ŋá díwolo yɛ̂ɛ gònoŋ-ŋa da sɔ̀ɔ díkîe-ni dîa. Ŋa m̀ɛni ŋí kɛ̂i a ǹúu pɔ̂lɔ-ŋai da ǹyáŋkpa-ŋai kélee. Ḿve pâi díŋɛi malôŋ kâai a dɔnɔ kpîŋ. Ŋa pâi dípaâi.”

Zɛlemaya 19:15

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋá téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Zɛlemaya 21:7

Ǹaa pôlu ma, ŋa pâi Zuda kaloŋ Zɛdikaya, ǹyée mu-ƃelai da daa lêei su-ƃelai nyíi-ŋai dífe pâi lɛɛ̂i gɔlɔ-felai, ƃóa-sɔ̂kpɔ da puru díyee mui, tɛɛ̂i Babelɔŋ kaloŋ Nɛbukinaza pɔ́ da díkpɔara-ƃelai nyíi-ŋai dítɔɔ̂i diai. Nɛbukinaza a pâi dípaâi a ƃóa-sɔ̂kpɔ. Vé pâi dímalôŋ kâai. Vé pâi dítɔnɔ kpîŋ lɛɛ̂i.

Zɛlemaya 5:10

Ka lí díkpɔmɔ-ƃa kpalaŋ ŋá ká da-ni su kara. Kɛ́lɛ káfe gélee kpúŋ su kàra. Díwoŋo-ŋai nɔ́ ƃé ká dée dîa kpɛ́ni fêi, dífe a Yâwɛɛ pɔ́ɔ.

Zerusâlɛŋ Karáa Maa Wɔ̂lɔ-wooi 2:17

M̀ɛnii Yâwɛɛ è gbɛ̀tɛi, aâ gɛ́. Aâ ŋ̀óoi ŋ̀aa-see kɛ́ nyii è m̀aa kôno-tee kɛ̀ kóraŋ támaa tɛɛ pôlu mai. È ísu kàra, vé íŋɛi malôŋ káa ní. È gɛ̀ íkpɔara-ƃelai dí íyee mɛi ɣále, dí sée ímɛi.

Zerusâlɛŋ Karáa Maa Wɔ̂lɔ-wooi 2:21

Ǹîa-pɛlɛɛi da ǹúu-pɔlɔ-ŋai da lâani bere-ŋai ma muluŋ su a dí poma. Da ǹyaŋkpa-ŋai da nɛnî-kpela-ŋai paâi a ƃóa-sɔ̂kpɔ. Ílii ŋwânai su, í gɛ̀ dí dípaa. Ífe dímalôŋ káa ní.

Zerusâlɛŋ Karáa Maa Wɔ̂lɔ-wooi 2:5

Ǹuu-namui è Eezuɛ su-kara yɛ̂ɛ berei núu kpɔara-nuu a gɛ̀ la lai. È ŋɔkili tɔɔ maa kwaa-ŋai ma kélee su kàra, é ŋɔkâloŋ pɛrɛ-ŋai kélee wólo. È Zuda ŋɔmaloŋ toô-maai da ŋɔwɔ́lɔi su kɛ̀tɛ.

Zerusâlɛŋ Karáa Maa Wɔ̂lɔ-wooi 3:43

“Ya ílii ŋwána, íkɛ kú kpɛ́, íkɛ kú su kàra. Ífe kúmalôŋ káa ní.

Izikiɛ 5:11

“M̀ɛni ma, Ŋ̀wála-wâla kélee Ɣalai è mò ǹyɛɛi, ‘Tɔ̃yâ ma, tãi nɔ́ ka ŋápɛrɛ-maa waai maa tĩa kara la a ɣâla-pɔkɔɔŋ-ŋa da sâla nyɔ́mɔɔ-ŋa kulaai, ŋa pâi ǹyée kulâi ká mu. Ḿve pâi ká malôŋ kâai a dɔnɔ kpîŋ.

Izikiɛ 7:4

Ḿve pâi ká sɔnyɔ̂ŋ-ŋai su mɛni lɛɛ̂i, kpaa máŋ ŋá ká ŋ̀ɛ́i maloŋ káa. Ŋá pâi ká kula maa kɛ̂i ká mɛni nyɔmɔɔ̂i maa mɛ̂ni ma. À kɛ̀ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 7:9

Ḿve pâi kásɔnyɔ̂ŋ-ŋai su mɛ̂ni lɛɛ̂i, kpaa máŋ ŋá káŋɛi maloŋ káa. Ŋa pâi ká kula maa kɛ̂i yɛ̂ɛ berei ka sɔnyɔ̂ŋ kɛ̀ lai a gɛɛ ká gɔ́lɔŋ a gɛɛ ńyãa ƃa Yâwɛɛ nyii gáa ká kula maa kɛ̂i.”

Izikiɛ 8:18

M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Maka 5:14

Ŋa pâi díɣâlai Asira ŋɔpɔkɔɔŋ wôloi ŋá dítaa-lêe-ŋai su kara.

Malakai 1:4

À kɛ̀ Isɔɔ ŋɔnûai Idɔŋ-ŋai da mò dîyɛɛ, “Da kútaa-ŋai wólo kɛ́lɛ kwa pâi dɔɔ̂i ŋɔ́nɔ pôlu,” gɛ̀ ní Yâwɛɛ a pâi zu toôi ǹyɛɛ, “Tɔɔ dí dɔɔ pôlu, ŋa pâi díwôloi ŋɔ́nɔ. Nûa da pâi dílɔii tôlii a ŋwana-lɔ̂ɔ lɔii, maa lɔii tí su-ƃelai ƃé Yâwɛɛ líi ŋwanâai dîa wɔ́lɔ-wɔlɔ da wɔ́lɔ-wɔlɔ.”

Maafîu 18:33

Maloŋ-kaa fêi pɔ̂ri kɛ̂i íyeêi íƃarâŋ-yee-mu-nuui tí mɛ̂ni ma yɛ̂ɛ berei máŋ ŋá ímalôŋ kàa lai?’

Kɔleŋtiɛŋ Veerɛi 10:4

Kúkɔ-kɔ-sãai dífe a ŋ̀éniɛi ŋí su-kɔ-kɔ-sãa, kɛ́lɛ, Ɣâla ŋɔwála-walai káa díyêei a gɛ́ɛ dí siɣãŋ wólo.

Dutɛrɔnome 28:52

Da pâi daa-lee-ŋai kélee kulâi káyêei ǹɔii su Káɣâlai Yâwɛɛ è dɛ̀ɛ kápɔi dí maa siɣãŋ-ŋai wólo.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tânaŋ ma.