Zerusâlɛŋ Karáa Maa Wɔ̂lɔ-wooi 1:9 - Ŋ̀âla Kɔlɔ Maa Waai

⁹ M̀aa lîƃi-pere a too pono ŋá. Vé kpîŋ kpáaŋ ní a m̀ɛnii pâi kɛ̂i lai. Berei è tòo la pôlui, è kɛ̀ a zu kɛ́tɛ. Núu da fé kpáaŋ ní kɛ̀ m̀ɛni ma. Gbɔara-ƃelai da ǹyée mɛi ɣále. Ǹyaŋ a wɔ̂lɔi Ɣâla Yâwɛɛ ma a gɛɛ é m̀alôŋ káa.

Zerusâlɛŋ Karáa Maa Wɔ̂lɔ-wooi 1:9 ပူးပေါင်းရင်းမြစ်များ

Samia Veerɛi 16:12

Ɣele da Yâwɛɛ a pâi ŋámɛnii kpɔ̂lui kâai é mɛni lɛ́lɛɛ kɛ́ mî ǹónoi a gɛ̂i ḿâi m̀ɛni ma.”

Kâloŋ Veerɛi 14:26

Yâwɛɛ è berei kàa Eezuɛ-ƃelai kélee díkɛ̀ la mɛni kpɔ̂lu su a zu kɛ́tɛ, diai kɛ̀ a luɛ-ŋai da diai kɛ̀ a díŋuŋ ma ƃóɔɔi. Núu da fé kɛ́ ní naa a gɛɛ é kpɔŋ-mâa tɛɛ dípɔ.

Niɛmaya 9:32

“Óo Kúɣâlai, yá ƃa Ŋ̀wála-wâla kélee Ɣalai. Ya zûgbɛlɛ-gbɛlɛ da ŋɛi-kɛ́ maa mɛni kpaya-kpaya ŋa kɛ̀. Ya kono têe kɛ̀, ífaa íwoo maa fâleŋ. Íwɛli kɛ́-maai kóyɛŋ fé ma. M̀ɛni kpɔ̂lui kélee kwa tɛ̀ɛ zu é síɣe Asiria kaloŋ ŋɔtãi ma, é tóo sâa mai, ífe íŋɛi nàɣiŋ dímɛi. Kwa mɔ̃lɛ kwa kúnûai, kúlɔii kâloŋ-ŋai, kúlaa túɛ-ƃelai, zâla láa soŋ-ƃelai da ílono kɛ́-ƃelai, é pɛ́lɛ kúnûa pɔ̂lɔ-ŋai dîa.

Wule-woo-ŋa 119:153

Ŋá mɔ̃́lɛ-laai káa, í ḿalo mî, kpɛ́ni fêi, ḿve niî ńyee kula ní ítɔ̂ŋ-ŋai mu.

Wule-woo-ŋa 140:8

Óo Yâwɛɛ, ífe ǹɛɛ naa ŋ̀wana-lɔ̂ɔ-ƃelai dí dínîa sɛŋ sɔlɔ ƃó. Ífe nɛ̀ɛ naa díŋwana-lɔ̂ɔ mɛni-ŋai ŋàa sèe é kɛ́.

Wule-woo-ŋa 25:18

Ŋá mɛni kpɔ̂lui da ŋá lii too pôlu káa, í ńzu mɛni lɛɛ zɔnyɔ̂ŋ-ŋai mɛ̂ni ma ŋa gɛ̀i.

Wule-woo-ŋa 69:21

Puru à kɛ̀ ḿbaâi, da ḿbaa sɛŋ tɛ̀ɛ ḿbɔ. Kpele-wɛ̂li à kɛ̀ ḿâ, dí ŋwã̂ai kpona tɛɛ ḿbɔ.

Ɛsedɔ 3:17

Ǹyaŋ ŋa gbɛtɛ ŋ́gili ŋá a gɛɛ ŋá díkula Ize lɔii su ƃɛ́i díkaa mɛni-sôli kâai naai, ŋá pá a dia Keena-ŋai, Ita-ŋai, Amɔra-ŋai, Pɛriza-ŋai, Iva-ŋai da Zɛbusi-ŋai dílɔii su nyii gáa a lɔii lɛ́lɛɛi.

Ɛsedɔ 3:7

Nya ƃe Yâwɛɛ è mò m̀a ǹyɛɛi, “Ŋa ŋánûai dímɛni-sôlii káa nyii-ŋai díkaa Ize. Ŋa díwɔlɔ-wooi mɛ́ni kpɔŋ-maa mɛni ma dímɔ̃lɛ-ƃelai yêei. Ŋá dímɔ̃lɛi kɔ́lɔŋ.

Ɛsedɔ 4:31

Ǹûai dí làa a mɛni-ŋai Eelɔŋ è m̀oi. Tãi dí mɛ̀ni la a gɛɛ Yâwɛɛ è Eezuɛ-ŋai nàa kàa lai a gɛɛ ŋɔ́nɔ a dímɛni-solii káai, dí díŋuŋ ma pìlaŋ dí Ɣâla fɛli.

Ikilisiati 4:1

Ŋá ŋ́gili ŋá sìa ŋá gáa a gɛɛ wôya mɛni támaa káa ŋ̀éniɛi ŋí su. Ŋá ǹúui da-ŋa kàa wɔ̂lɔi núu fé naa é díŋaa nɛnɛ. Núu da fé naa é kpɔ́ŋ dîa kpɛ́ni fêi, ǹûai dí lúanîi, díwala-walai a ŋánaa.

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Azaya 37:17

Yâwɛɛ, íwoli tɔ́ɔ kûa í m̀ɛnii káa gáa kɛ̂i a kúai. Íwoli tɔ́ɔ m̀ɛnii Sinasɛri a m̀ôi é pîlaŋ yái íkaa a gɛ-ɣele ma Ɣalai yâi.

Azaya 37:23

Gbɛ̂ɛ ƃé ílâai la ya ɣɛ́lɛ maa kulâi gbonôi, íkɛ lóno nyɔ́mɔɔ kɛ̀ mai? Gbɛ̂ɛ ƃé íkɛ̀ lâɣii mai? Gbɛ̂ɛ ƃé íkɛ̀ íŋɛi pilîi la ɣelêi? Ya ƃâa kula ḿâ, Ńyãai a Eezuɛ Ŋɔɣâla Maa Waai.

Azaya 37:29

Ŋà ílii ŋwâna-wooi da íŋɛi-tɛ̂ lono-wooi mɛ̂ni. M̀ɛni ma, ŋa pâi kpawɔ pilîi ísũai, ŋá kpawɔ-kôlo too íla, ŋá lí a yá pôlu a berei íkùla la íkɛ pá ƃɛ́i.’ ”

Azaya 37:4

Tãi ta, Káɣâlai Yâwɛɛ aâ Asiria kaloŋ ŋɔkɔ-kuluƃa-ŋai láa-tuɛ nuui wóo mɛ́ni gɛ́ ɣɛ́lɛ-maa kûla gɛ̀-ɣele mâ Ɣalai kponôi. Tɔ́ɔ Yâwɛɛ Káɣâlai é m̀ɛni-ŋai ŋí mɛ́ni, é ǹuui nyii kélee m̀aa-kula ḿaa-woo-ŋai ŋí ƃoi kúla maa kɛ́. M̀ɛni m̀a, ka Ɣâla fɛli kúnûai nyii-ŋai lɛ̂ɛi, dímɛni ma.”

Azaya 40:2

Ka Zerusâlɛŋ-ƃelai kíli kúla. Ka m̀ó dîa a gɛ́ɛ da mɔ̃́lɛ a zu kôyaa. Ŋa dísu-mɛni lɛɛ dísɔnyɔ̂ŋ-ŋai mɛ̂ni ma. Ŋá díkula maa kɛ̂ é seri gɔyaŋ ma zɔnyɔ̂ŋ-ŋai dí gɛ̀i mɛ̂ni ma.”

Azaya 47:7

Íkɛ gâai ya pâi lɛɛ̂i ǹɛnî kâloŋ-laai su wɔ́lɔ-wɔlɔ da wɔ́lɔ-wɔlɔ. M̀ɛni ƃé í ínûai sòŋ la a ǹyɔ́mɔɔ. Ífe íkili ŋá sia ní a gɛ́ɛ mɛni kélee kóyaŋ káa ma.

Azaya 51:19

Mɛni kpɔ̂lu seɛ́ɛ gîe mɛi feerɛ ŋánaa a láa kâa. Kɔ́ a kálɔii su kara, puru kɛ́ kápàa, Kámalôŋ káa nuu da fé ŋɔ́nɔ ma.

Azaya 54:11

Yâwɛɛ a m̀ôi ǹyɛɛi, “Óo Zerusâlɛŋ taa-leei, yái pɔ̂ri mâa fé yɛ̂, íkɛ mɔ̃lɛi, nyii núu da fé naa é íŋa-nɛnɛi, ŋa pâi íkpoŋ seêi sãai kɛ̂i a kɔni sɔ̃ɔ kpanaŋɔɔ-ŋa.

Zɛlemaya 13:27

Ŋá íkàa íkɛ ŋumɛ tûa támaa kɛ̀ nyíi m̀ɛlɛ kpɛɛ̂i ŋ́goi. Ŋá íkàa íkɛ ɣâla-da-kpɛni-ŋa fɛ̀li ǹyée-ŋai dîa ǹɔɔi-su, yɛ̂ɛ berei sinaa da kɛ̂ la díƃarâai dínɛyâai pôlui. Kpaa máŋ yɛ̂ɛ berei soo-sîrɛ a kɛ̂ la soo sâa-ŋa pôlui. Káai a Zerusâlɛŋ-ƃelai, kpalo ƃelaâi kâa. Lé tãi ƃé ka pâi kɛ̂i la a ká maa-waai?”

Zɛlemaya 16:7

Núu da fé pâi mii-sɛŋ da tɛɛ̂i zaa-wɔ̂lɔ kɛ́-ƃelai pɔ́ é dí ŋáa-nɛnɛ zaa-mɛnii ḿâ, kpaa máŋ é yá tɛ́ɛ dípɔ dínâŋ da dílee saa mɛni ma.

Zɛlemaya 2:34

Gôlo-ƃelai da diai dífe mɛni nyɔ́mɔ kɛ́ níi, díŋãa kɔ́-kɔ̂ɔi káseɣe-ŋai dîa, berei káfe dísoŋ ní la ŋúma kɛ̂i. “Kɛ́lɛ, nyíŋi kélee pôlu ma,

Zɛlemaya 48:26

Yâwɛɛ è mò ǹyɛɛ, “Ka gɛ́ Môa é ŋwãai kpele é gɛ́, kpɛ́ni fêi, a tɔɔ ḿâ. Môa a pâi gɔŋ pilîi é tóo zu gɛ́ kɔ̀ kɔ̀. À kɛ̀ tí, nûa da pâi ɣɛ̂lɛi m̀a.

Zɛlemaya 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Zɛlemaya 50:29

“M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Zerusâlɛŋ Karáa Maa Wɔ̂lɔ-wooi 1:17

“Ŋa ńyee sãa, núu da fa pâ é kpɔŋ ḿâ. Yâwɛɛ a gɛ́ nûa da tɔɔ ḿâ ƃéla kélee ma. Da ńzoŋ yɛ̂ɛ sɛŋ maa liƃiɛɛ.

Zerusâlɛŋ Karáa Maa Wɔ̂lɔ-wooi 1:21

“Nṹa da ńyiɣɛ woo mɛnîi kɛ́lɛ díta fé naa é ŋ́aa nɛnɛ. Ŋ́gbɔara-ƃelai da ŋámɛni-solii maa mɛni mɛnîi. Da lii-nɛ̃ɛ kulâi m̀ɛnii ya gɛ́ a ńyãai, m̀ɛni ma. Yɛ̂ɛ berei í íkono tèe la ńyêei, dia máŋ díkula maa kɛ́ díwɔ̂ sɔnyɔ̂ŋ mɛni ma yɛ̂ɛ berei í gɛ̀ la a ńyãai.

Zerusâlɛŋ Karáa Maa Wɔ̂lɔ-wooi 2:13

Óo Zerusâlɛŋ, ŋáwɛli kɛ́-maa taa-leei, yɛ̂ ŋá kɛ́ lé yâ? Ŋa pɔ̂ri íŋanɛnɛ pere kɛ̂i léŋ? Núu da fé tá mɛni-soli káa ní ŋí. Ímɛni kpɔ̂lui su kɛ̂tɛi yɛ̂ɛ yúo. Gbɛ̂ɛ ƃa pɔ̂ri kpɔŋ mâa tɛɛ̂i ípɔi?

Zerusâlɛŋ Karáa Maa Wɔ̂lɔ-wooi 4:1

Ka gáa berei gôoi fé ŋɔ́nɔ fôloi lai. Gôo kpîŋ-kpiŋ maa a fáleŋ. Ŋ̀âla-pɛrɛ Kɛ́tɛi mu kɔni maa-waa-ŋai táa-taai daa lêei su.

Zerusâlɛŋ Karáa Maa Wɔ̂lɔ-wooi 5:1

Óo Yâwɛɛ, m̀ɛni kpɔ̂lui a láa kûai, maa mɛni kíli é lɛ́ɛ íkili-ŋa. Kúkaa, í m̀baa kula-maai káa sɛ̀lɛŋ kûai.

Osia 2:14

Yâwɛɛ è mò ǹyɛɛ, “M̀ɛni ma, ŋa pâi ǹíi kula woo ƃôi ŋá pá la vɛ̃ɛ-kpâlaŋ su, ŋá lóno bɔ́ a ǹɛ́lɛɛ.

Zɛfɛnâya 2:10

Nyíŋi a pâi kɛ̂i a dítɔ̂ŋ kpɛ́-maai, díyoŋka téɛɛi mɛni ma, kpɛ́ni fêi, da ɣɛ́lɛ-maa kúla Ŋ̀wála-wâla kélee Yâwɛɛi ŋɔnûai kponôi díkɛ yoŋka tèe dímɛi.

Zɔ̂ŋ 11:19

Zûu-ŋai dámaa dí pà Mere da Maatɛ pɔ a gɛɛ dí díŋa-kpɛ́ dísaaƃɔlɔ mɛni ma.

Dutɛrɔnome 26:7

Nya ƃe kú wɔ̀lɔ Yâwɛɛ ma nyii gáa a kúnâŋ-ni Díɣâlai. È kúmɔ̃lɛi da mɛni-sôli-ŋai naa kàa é ǹyée sée kúwɔlɔ-wooi mû.

Dutɛrɔnome 32:27

Kɛ́lɛ, mvé ŋ̀wɛ̂lii a gɛɛ díkpɔara-ƃelai dí yoŋka tée diɛ dia ƃe ŋánûai yée mɛi ɣàle, a mɛ nɛ̃ɛ kɛ̀ ńyãa kpîŋ ƃé ŋánûai yée mɛi ɣàle.’

Dutɛrɔnome 32:29

Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Pitɛ Maa-ŋuŋ 4:17

Kpɛ́ni fêi, mɛni-ŋa tee tãi a pá a gɛɛ gɔ́ɔ é pîlaŋ Ɣâla ŋɔpɛ́rɛi mu ƃelai dîa, ǹyaŋ à kɛ̀ gɔ́ɔ à pîlaŋ kûa, gɛ̀ ní lé ƃe pâi kɛ̂i a diai dífa díwoli tɔ̀ɔ Ɣâla Ŋɔtuŋ lɛ́lɛɛi mai?

Samia Maa-ŋuŋ 1:11

È góno tèe ǹyɛɛi, “Óo Yâwɛɛ, Ŋ̀wála-wâla kélee Ɣalai, à kɛ̀ yà pâi ŋámɛni sôlii kâai, ŋ́gili é lɛ́ɛ íŋa, í lóŋ surɔŋ tɛ̀ɛ ḿbɔ, ŋa pâi dɛɛ̂i ípɔ pôlu. Ŋuŋ ƃó kɔli da kélee fé pâi lɔ̂i ŋ̀ûa ŋɔfúlu-laai su.”