Zerusâlɛŋ Karáa Maa Wɔ̂lɔ-wooi 1:3 - Ŋ̀âla Kɔlɔ Maa Waai

³ Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Zerusâlɛŋ Karáa Maa Wɔ̂lɔ-wooi 1:3 ပူးပေါင်းရင်းမြစ်များ

Kâloŋ Veerɛi 25:11

Ǹûai lɛ̀ɛ kɛ̀ daa-leei sui, è dí sòŋ, é pɛ́lɛ diai dîa kɛ̀ a Nɛbukinaza yée-mu-ƃelai, é lí a dia Babelɔŋ lɔii su.

Kâloŋ Veerɛi 25:21

Ama lɔii kpiniŋ kɔlɛ ma, ƃɛ́i è gɛ̀ dí dílokwa naa, dí dípaa. È kɛ̀ tí, dí lì a Zuda-ƃelai luɛ-laa su. Dífe ŋɔ́nɔ kɛ́ ní díkpɔɔi lɔii su.

Kâloŋ Veerɛi 25:4

Babelɔŋ-ŋai dí kɔ́-kɔ-ƃelai dí Zerusâlɛŋ taa-leei ŋɔgalai wôlo a maa ɣelei tí. Maa kpînii tí, Gâloŋ Zɛdikaya da ŋɔkɔ́-kɔ-ƃelai dí kɔ̀ dí pú dí tɛ́ɛ galai lá ƃɛ́i-pere nyii kɛ̀ gâloŋ ŋɔsûai su-perei. É máŋ kɛ́ tí, dí kɛ̀ a gɔ́lɔŋɔɔ a gɛɛ Babelɔŋ kɔ-kɔ-ƃelai dí kɛ̀ a dí tínaŋɔɔ daa-leei ma ǹyée toɔɔ gîei. Tãi dí kùla lai, dí zòŋ a Zɔdiŋ Ya-leei ma tiŋ-tiŋ su-pere.

Kâloŋ Veerɛi 25:5

Kɛ́lɛ Babelɔŋ kɔ-kɔ-ƃelai dí dí kpɛ̀ é lɛ́ɛ la zu dí dísoŋ Zɛleko taa-leei kɔlɛ ma. Dí gâloŋ Zɛdikaya sòŋ, kɛ́lɛ ŋɔkɔ́-kɔ-ƃelai dí pù dí táa-tâa.

Zɛlemaya 13:19

Daa-lee-ŋai dí káa Zuda kwára-perei, kɔkuluƃa-ŋa da tínaŋ dîa. Ǹyaŋ pere fé naa a gɛɛ núu da é lí naa. Diai kélee díkaa Zudai, da dísoŋ a kɔ soŋ-ŋa da lí a dia lɔii da kpɛ́ni-ŋa su.”

Zɛlemaya 16:16

Yâwɛɛ è mò ǹyɛɛi, “Ŋa pâi yá-kpɛ-ƃela tɛɛ̂i dí pá dí ǹûai ŋí sóŋ. Ŋá loŋso-ŋa tɛ̀ɛ dí lí dí dísoŋ ǹyée kpaya-kpayai da ǹyée pɛlɛɛ-pɛlɛɛi tôŋ su, gɔni wôlo-ŋai su.

Zɛlemaya 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Zɛlemaya 39:9

Nya ƃe Nɛbuzaradaŋ nyíi kɛ̀ a gɔ-kuluƃa-ŋai mɛi nuui è nâa ǹûai kpéli-ŋai kélee sòŋ a kɔ-sôŋ-ŋa da diai yâo ma dí díkpîŋ tɛɛ bɔ́i, é lí a díkelee Babelɔŋ.

Zɛlemaya 52:15

Nya ƃe Nɛbuzaradaŋ è lì a ǹûai kɛ̀ Zerusâlɛŋ, gôlo-ƃelai da-ni-ŋa, ǹyɛrɛ-ƃelai kpéli-ŋai da diai díkpîŋ tɛ̀ɛ Babelɔŋ-ŋai pɔi.

Zɛlemaya 52:8

Nya ƃe Babelɔŋ kɔ-kuluƃa-ŋai dí pɛ̀lɛ Gâloŋ Zɛdikaya kpɛ̂i é lɛ́ɛ la zu dí zòŋ diŋ-tiŋ su Zɛleko kɔlɛ ma. Ŋɔkɔ-kuluƃa-ŋai dí pú ǹyêei.

Zerusâlɛŋ Karáa Maa Wɔ̂lɔ-wooi 2:9

Ziɣãŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Zerusâlɛŋ Karáa Maa Wɔ̂lɔ-wooi 4:15

Ǹûai dí kɛ̀ lâɣii dîa dîyɛɛ dîai, “Ka kula ƃɛ́ ká lí, ká maa fé waa ní. Ka lí, káfe lɛ̀ɣɛ kúta ma.” Díkɛɛ tɛɛ-tɛɛi, ǹɔii su-ƃelai da-ŋa dí mò dîyɛɛi, “Díta fé pâi wɔ́lɔ lɛɛ̂i ǹɔii ma ƃɛ́!”

Zerusâlɛŋ Karáa Maa Wɔ̂lɔ-wooi 5:5

Kúkpɔara-ƃelai dí káa kúkpɛ̂i a gbanaŋɔɔ. Kɔlɔ a kpɛɛ kûa kɛ́lɛ dífa ǹɛɛ naa kú kúfii tɔ́ɔ.

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔkpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔkpɔ kuláa daâi.’

Dutɛrɔnome 28:48

Mɛni ma, puru, kpele wɛ̂li, seɣe saa maa da kolo-laa su kɛ́tɛ da pâi kɛ̂i nɔ́ kâa. Ka pâi tíi kɛ̂i kákpɔara-ƃelai yée mu. Da pâi yɔlɔ toôi kákɔŋ ma é lɛ́ɛ la zu ká sáa kpɔ́ kúŋ.