Kolasiɛŋ 4:6 - Ŋ̀âla Kɔlɔ Maa Waai

⁶ Ká lono-woo é kɛ́ a ǹɛ́lɛɛ, ǹɛ̃ɛ núu wólii yɛ̂ɛ kpolo liyeŋ, a gɛ́ɛ ká berei kɔlɔŋ ka pɔ̂ri núu kélee ŋɔmare-kɛɛ su kulâi lai.

Kolasiɛŋ 4:6 ပူးပေါင်းရင်းမြစ်များ

Kɔlɔnikɔ Maa-ŋuŋ 16:24

Ka ŋɔmaa waa-laai maa mɛni ƃó ǹɔii ŋuŋ-ŋai kélee su. Ka ŋɔwála-wala-laai maa mɛni ƃó ǹûai kélee dîa.

Wule-woo-ŋa 105:2

Laa-maa tɛ̂ wule too Yâwɛɛ ma. M̀ɛni maa-pɔlɔ-pɔlɔɔ-ŋai a gɛ̀i, duŋ too.

Wule-woo-ŋa 119:13

Dɔ̂ŋ-ŋai ya dɛ̀ɛ kúpɔi, ŋa pâi m̀ɛni ƃôi nûa dîa.

Wule-woo-ŋa 119:46

Ŋa pâi ítɔ̂ŋ-ŋai maa mɛ̂ni ƃôi kâloŋ-ŋai dîa, ǹyaŋ ŋumɛ fé pâi ŋ́gɛ̂i.

Wule-woo-ŋa 45:2

Yá ƃa zurɔ̂ŋ lɛ́lɛɛi ŋ̀éniɛi su sinaai kélee sáma. Ya lôno a zu ponoɔɔ. M̀ɛni ma, Ɣâla a lûwa láa yâ wɔ́lɔ-wɔlɔ da wɔ́lɔ-wɔlɔ.

Wule-woo-ŋa 66:16

Káai ka ƃaa kɛ́-maa tɛ̂ɛ Ɣâla pɔ́i, ka lɛɣɛ a ńyãa ká káwoli tɔ́ɔ ḿâ. Ŋa pâi m̀ɛnii ƃôi kâa a gɛ́ ḿîi.

Táre-woo-ŋa 10:21

Tɔ̃yâ-nuu lóno-woo a kpɔŋ-maa tɛ̀ɛ núu támaa pɔ́, kɛ́lɛ ƃoo-nuu lóno-woo a gbîŋ pàa.

Táre-woo-ŋa 15:4

Ŋánɛnɛ-woo a pâ a ƃalo-laa, kɛ́lɛ ŋwana-lɔ̂ɔ-woo a núu líi su kàra.

Táre-woo-ŋa 15:7

Táre-nuu a lia-woo lɛ́lɛɛ kɛ̀, kɛ́lɛ lia-woo lɛ́lɛɛ fé ƃoo-nuu lá.

Ikilisiati 10:12

Táre-nuu a lôno a ƃaa kɛ́-maa pere, kɛ́lɛ ƃaa kɛ́-maa fé ƃoo-nuu lóno-woo su.

Izikiɛ 43:24

ká pá a dia ŋ́ɛi-tuɛ. À kɛ̀ tí, zâla láa-soŋ-ƃelai dí mii-kpolo kpɛ́mɛŋ dîa ká díkula a kéreŋ-sala ḿaa mɛni ma.

Levetekɔ 2:13

Kpolo lîyeŋ pú m̀ii-sɛŋ sama-sãai kélee dîa. Ífe nɛ̀ɛ naa kpolo lîyeŋ nyii gáa a gbanaŋ-wooi ŋɔŋɛi kɛ́-maa ka Yâwɛɛ káloai, é kpɛ́ɛ ímii-sɛŋ sama-sãai dîa. Ímii-sɛŋ sama-sãai kélee kpɛtɛ a kpolo lîyeŋ.

Maafîu 5:13

“Káa ƃa ǹɔii ŋɔkpolo-liyeŋ. Kɛ́lɛ, à kɛ̀ gbolo-liyeŋ à ǹíyeŋ làŋ, a pɔ̂ri gɛ̂i leŋ é ǹíyeŋ sɔlɔ ƃo pôlu? Vé ŋɔnɔ lɛlɛ ní sɛŋ da kélee mɛ̂ni ma, fɛ̂ɛ nɔ dí bili núu é ƃɔlɔŋ ma a gɔ́ɔ.

Mâki 9:50

Kpolo-lîyeŋ lɛ̂lɛɛi. Kɛ́lɛ, à kɛ̀ gboloi à ǹíyeŋ làŋ, a pɔ̂ri gɛ̂i léŋ é líyeŋ ŋɔ́nɔ? Tɔɔ kpolo-liyeŋ é kɛ́ kâa kákɛ-ɣeniɛi su, a gɛ́ɛ ka káƃarâai ká kɛ́ ƃò kwaa tɔnɔ ma lii-sêe su.”

Lûu 4:22

Díkelee dí ǹáa maa tɛ̂. Dípɛlɛ e pù e pìlaŋ mɛlɛ-see woo-ŋai dîa kùla ǹái. Nya ƃe dí mò, dîyɛɛi, “Zosɛ ǹóŋ fei ŋi?”

Ifisiɛŋ 4:29

Káfe ǹɛɛ naa lono nyɔ́mɔɔ é kúla kála, kɛ́lɛ, lono nɔ́ a nyíi a lii-laa tɛ̀ɛ núu pɔi, nyíi ǹɛ́lɛɛ̂i mɛnii ka gɛ̂i mɛni mai, a gɛ́ɛ kálono-wooi é lûwa láa diai dîa da káwoo mɛnii.

Dutɛrɔnome 11:19

Ka dílɛ kánîa-pɛlɛɛi dîa. Ka kɛ́ lônoi é pîlaŋ dîa a tãi kà kɛ̀ seêni la kápɛrɛ-ŋai lá, tãi ka kɛ̀ siâi lai, tãi kà kɛ̀ laâni lai da tãi ka kɛ̀ ká mu-siɣei lai.

Kolasiɛŋ 3:16

Ka Kôrai ŋɔwóoi lɛ́ɛ naa é kɛ́ kálii su a dámaa táre kélee su. Ka sɛŋ lɛ́ kákîe-ni dîa, ka kákîe-ni lia-woo ƃo, wule-woo-ŋa su da Ɣâla-wule-ŋa, kákɛ sɛɣɛi-fei-wule too kálii su Ɣâla ma.

Pitɛ Maa-ŋuŋ 3:15

Kɛ́lɛ, ka Kôrai siɣe kálii su a maa-waa yɛ̂ɛ Nuu-namui. Ka kɛ́ a kákpɛtɛɛ a tãi kélee a gɛɛ ká kákpîŋ maa kɔ̃ɔ núu kélee yêei nyíi a kátoli a gɛɛ ká kákili-kɛ-zui maa-sapoi lɛ̂i, é máŋ kɛ́ tí ka gɛ́ a maa-yeŋ-pere yao-mâa-pere su.