Kolasiɛŋ 3:9 - Ŋ̀âla Kɔlɔ Maa Waai

⁹ Káfe lɛ́ɛ kɛ̀ kákîe-ni dîa, kpɛ́ni fêi, ka nâa kákpîŋ tua-pere pɔlɔ-ŋai lɛɛ da dímaa kɔ̂ri-pere.

Kolasiɛŋ 3:9 ပူးပေါင်းရင်းမြစ်များ

Táre-woo-ŋa 13:5

Tɔ̃yâ-nuu fé lɛ́ɛ-mɛni wɛ́li ní, kɛ́lɛ ŋwana-lɔ̂ɔ-nuu tûa-pere a pâ a wôya-mɛni da ŋumɛ.

Azaya 63:8

Yâwɛɛ è m̀o ǹyɛɛi, “Díkaa a ŋánûa, dífe pâi ḿbɛlɛ̂i.” M̀ɛni ma, è díŋuŋ mâ ƃò,

Levetekɔ 19:11

“Káfe ŋuma, fili kpaa máŋ lɛ́ɛ kɛ̀ kákîe-ni dîa.

Zɛfɛnâya 3:13

Diai lɛ̀ɛ pôlu Eezuɛi, dífe pâi mɛni nyɔ́mɔɔ kɛ̂i, dífe pâi lɛ́ɛ kɛ̂i, dífe pâi lɛ́ɛ kɛ̂i kpaa máŋ núu-pɛlɛ-wôo é kúla díla. Da pâi dílaa miî dí nyíi, sɛŋ da fé pâi dímaa yaôi.”

Zɛkɛrâya 8:16

M̀ɛni-ŋai káa ŋí maa nɛ̃ɛ̂i ká gɛ́i: Ka tɔ̃yâ ƃó kákîe-ni dîa, ká mɛni-sâa ƃó a tɔ̃yâ nyii a pâ a lii-sêei.

Zɔ̂ŋ 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Lomaŋ 6:6

Kú gɔ́lɔŋ a gɛ́ɛ kúkpîŋ tua-pere pɔlɔ-ŋai da wɔ́lɔ saa a díkpamoɔɔ zaa-wurui ma da dîa-ni, a gɛ́ɛ kúsɔnyɔ̂ŋ kpono-ŋai su é kara, a gɛ́ɛ é síɣe sâa ma kúfe wɔ́lɔ ŋɔ́nɔ pâi kɛ̂i a sɔnyɔ̂ŋ ŋɔluɛ,

Ifisiɛŋ 4:22

a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Kolasiɛŋ 3:8

Kɛ́lɛ, ka tée nyíi-ŋai kélee dîa máŋ, lii-ŋwana, kpɔara, laa-kara, larâŋ woo-ŋa dí kula kála.

Temete Maa-ŋuŋ 1:10

wulu-wulu kɛ-ƃela, zinâai da díkîe-ni kɛ̀ a nɛyâai, nuu ŋuma-ƃela, lɛ́ɛ-ƃela, wôya-kperɔ mii-ƃela, da m̀ɛni-ŋai kélee dífe dɔ̃yâ sɛŋ-lɛɛi ŋɔperei mai,

M̀ɛni-lɛɛi 21:27

Kɛ́lɛ, sɛŋ nyíi kélee maa fé waa níi, vé pâi lîi zu, kpaa máŋ núu kélee a ŋwana-lɔ̂ɔ maa kɔ̂rii, kpaa máŋ wôya-mɛni, kɛ́lɛ, fɛ̂ɛ nɔ́ diai dílaa pɔ̃yɛɛ̂i M̀ála-loŋ ŋɔfúlu-laa-kɔlɔi sui.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́ ƃelai, da ŋwulu-ƃelai, da ŋ̀âla-pɔkɔɔŋ fɛli-ƃelai, da nɛ́ɛ ƃelai kélee, díwɔ̂i a pâi kɛ̂i ŋɔŋ kɛ́tɛi su, nyíi sɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.