Kolasiɛŋ 3:8 - Ŋ̀âla Kɔlɔ Maa Waai

⁸ Kɛ́lɛ, ka tée nyíi-ŋai kélee dîa máŋ, lii-ŋwana, kpɔara, laa-kara, larâŋ woo-ŋa dí kula kála.

Kolasiɛŋ 3:8 ပူးပေါင်းရင်းမြစ်များ

Wule-woo-ŋa 37:8

Ílii fé sɛ̀lɛŋ kpaa máŋ í ílii ŋwána. Lii-sɛlɛŋ da lii-ŋwana da gɛ̀ núu kɛ́ ƃò mɛni kpɔ̂lu su.

Táre-woo-ŋa 17:14

Laa-saa kɔ́ɔ pîlanii káa yɛ̂ɛ yá a ya-galaŋ ƃɔ̀ a guro, gbera, à wàla kɛ̀ tí, zu a kɛ̂tɛ.

Táre-woo-ŋa 19:19

Fɛɛ lii-ŋwâna-nuu é ŋɔlii ŋwânai vela-fei sɔlɔ ƃó, kpɛ́ni fêi, ƃà gùla mɛnîi, da pâi ŋɔ́nɔ ítôlii a gɛɛ í ŋuŋ ma ƃó.

Táre-woo-ŋa 29:22

Lii-ŋwana-nuu a pâ a laa-saa, lii-fãa-goi-nuu kɛ́ pà a sɔnyɔ̂ŋ támaa.

Maafîu 5:22

Kɛ́lɛ, ŋá m̀ôi kâa, ǹúui kélee a ǹíi ŋwâna gɔlɛ-ma-nuui ḿâ kpɛni-kpɛnii, maa nɛ̃ɛ̂i dí tɔ̂ŋ kpɛ́ maa-nuui tí ma. Ǹúui kélee a gɔlɛ-ma-nuui ŋumɛ̂i, maa nɛ̃ɛ̂i maa-nuui tí é tɔ́ɔ mɛni-ŋá-tee-kpɔŋ ŋ́ɛi-tuɛ. Ǹúui kélee a m̀ó, ‘Íƃoɔɔ̂i!’ maa nɛ̃ɛ̂i maa-nuui tí é kɛ́ Dɛ̂ƃele-taa ŋɔŋ ŋɔmɛni-kpɔ̂lui su.

Mâki 7:22

sɛŋ maa líi téɛɛ, sɔnyɔ̂ŋ kɛ́ɛ, núu pɛ́lɛɛ, wolii-kpɔ́lu, ŋɔ̃lɛ kɛ́ɛ, laa-kara, yoŋka da ƃoo-tua-ŋa kɛ́ɛ.

Lomaŋ 13:13

Kwaa sia a tenîŋ-ƃo yɛ̂ɛ núu à kɛ̀ siâi a ɣele-ƃɔ́ɔ. Ƃoo-pele kɛ́ɛ fei, da lɔɔ ŋɔnúu kɛ́ɛ, wulu-wulu kɛ́ɛ, wolii-kpɔlɔ, laa-sâa, é pɛlɛ tólo ma.

Kɔleŋtiɛŋ Maa-ŋuŋ 3:3

Kpɛ́ni fêi, kákaa nîi kákpîŋ-tua-pere nyɔŋ su. Kpɛ́ni fêi, tãi tólo káa la kásama da laa-saai, káfe kákpîŋ tua-pere-nyɔŋ pôlu, kakɛ tua a nuu-kpune tua-pere?

Kɔleŋtiɛŋ Veerɛi 12:20

Kpɛ́ni fêi, ŋ́gaa yáôi a gɛ́ɛ tãi da ŋà pà fa kákàa yɛ̂ɛ berei ŋa ŋ̀wɛ̂lii lai, káa máŋ káfa ŋ́gaa yɛ̂ɛ berei ka ŋ̀wɛ̂lii lai. Tãi da laa-saa a pâi kɛ̂i kásama, tólo, lii-ŋwana, ŋɛi-kpala, laa-kara, laa-ƃo, lii-kɛtɛ, da woo-taa-taa.

Galesiɛŋ 5:15

Kɛ́lɛ, ká kákîe-ni nyìŋ, kákɛ kákîe-ni mii, ká kámɛi káa a gɛ́ɛ káfe kákîe-ni su kara.

Galesiɛŋ 5:20

ɣâla-pɔkɔɔŋ fɛliɛ, wúlu-mɛni, kpɔara, laa-sâa, tólo, lii-ŋwâna, woo-taa-taa, ŋa-kɔlɛ, núu-kpulu-ŋa,

Galesiɛŋ 5:26

Kúfe kɛ́ a yoŋka-ƃela, kúfe kúkîe-ni líi ŋwana-mɛni kɛ̀, kpaa máŋ kú tólo kúla kúkîe-ni dîa.

Ifisiɛŋ 4:22

a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Ifisiɛŋ 4:26

Kálii à ŋwàna, káfe sɔnyɔ̂ŋ kɛ̀. Kálii-ŋwanai fé lɛ̀ɛ zu fólo é li.

Ifisiɛŋ 4:29

Káfe ǹɛɛ naa lono nyɔ́mɔɔ é kúla kála, kɛ́lɛ, lono nɔ́ a nyíi a lii-laa tɛ̀ɛ núu pɔi, nyíi ǹɛ́lɛɛ̂i mɛnii ka gɛ̂i mɛni mai, a gɛ́ɛ kálono-wooi é lûwa láa diai dîa da káwoo mɛnii.

Ifisiɛŋ 5:4

Lono maa liƃiɛ, ƃoo-lono, da ŋumɛ-lono fè kɛ̀ kásama, nyíi-ŋai dífe lɛlɛ níi. Kɛ́lɛ, sɛɣɛi-fei é kɛ́ káyêei.

Kolasiɛŋ 3:5

Mɛni ma ǹɔii su-mɛni-ŋai díkaa kákponôi ka dípaa, dîa ƃa wulu-wulu kɛ́ɛ, mɛni maa liƃiɛ, tua-pere-nyɔŋ maa-sɛŋ wɛliɛ, kili-ŋa-sia nyɔ́mɔɔ, da sɛŋ maa-lii teɛɛ, nyíi gáa a ɣâla da kpɛni fɛliɛɛi.

Kolasiɛŋ 3:9

Káfe lɛ́ɛ kɛ̀ kákîe-ni dîa, kpɛ́ni fêi, ka nâa kákpîŋ tua-pere pɔlɔ-ŋai lɛɛ da dímaa kɔ̂ri-pere.

Temete Maa-ŋuŋ 1:13

Berei máŋ ŋá wɔ́lɔ tɛ-ŋa-woo ƃò la é pîlaŋ mà ŋá gbɔara ŋá ŋ̀ɛ́i falai, kɛ́lɛ, ŋá maloŋ-kaa sɔlɔ ƃô ǹyêei, kpɛ́ni fêi, mɛni-ŋai ŋá kɛ̀ gɛ̂i, fé kɛ́ ni a gɔ́lɔŋɔɔ. Laa-la fé kɛ́ ni ńyêei.

Temete Maa-ŋuŋ 1:20

Ǹûai ŋí da ƃa Ɣaimɛneeyɔ da Alezaŋda, nyíi-ŋai ŋa dítɛ̀ɛ Sêtɔŋ pɔ a gɛ́ɛ dífe ŋɔ́nɔ tɛ-ŋa-woo ƃo e pîlaŋ Ɣâla mai.

Ibulu 12:1

Mɛni ma tãi nɔ́ sére támaa tínaŋɔɔ̂i la kûa yɛ̂ɛ ɣele-kɔlɔŋ kolei, fɛ̂ɛ nɔ́ kúa máŋ kú gbîri-wuyɛɛ-ŋai láa da zɔnyɔ̂ŋ ŋai nyíi-ŋai da kúkpàaŋ kú gba-kpa fúlɔi maa kîrɛ siɣe kpɔ́ a gbanaŋɔɔ nyíi gáa kútuɛi.

Zĩi 2:7

Dia fa ǹúui nyíi-ŋai da lôno a nyɔ́mɔɔ é pîlaŋ maa-kɛ-maa laai nyíi Ɣâla é zèe kaai mai?

Pitɛ Maa-ŋuŋ 2:1

Mɛni ma ka tée lii-ŋwana kélee ma da wôya-mɛni kélee. Ka kɛ́ a tɔ̃yâ-ƃela. Ka tée tólo ma da laa kara mɛni kélee.

Pitɛ Veerɛi 2:18

Kpɛ́ni fêi, díkɛ ƃoo-yoŋka têei nɔ́ a díwoo su kɛ́tɛi. Da nûa líi pene a núu ŋɔkɛ-pere nyɔŋ maa-sɛŋ wɛliɛi woli-kpɔlɔ pere su. Diai da dílii pènei dia ƃa ǹûai da pú díkɛ kùla diai yêei da díɣeniɛi kɛ̀ pere sii nyɔ́mɔɔ sui.

Pitɛ Veerɛi 2:7

È dɔ̃yâ-nuui La kula-yeei kɛ̀ nyíi ǹíi a kɛ̀ sɛ̂lɛnii kpɔ́ a ŋ̀ánaa a ŋwana-lɔ̂ɔ-ƃelai díwolii-kpɔlɔ mɛnii.

Zûu 1:13

Berei yúo a tôo la gɛ̀ fúle-fulei bere nɔ́ ƃe díkpîŋ a lɛ̂ la fíeŋ ŋá. Díkaa nɔ́ yɛ̂ɛ pɛmɛlɛŋ-kao-ŋa ƃe siâi, ǹyaŋ Dɛ̂ƃele-taa-kpini káa naa dímɛni ma wɔlɔ-wɔlɔ da wɔlɔ-wɔlɔ.

Zûu 1:8

Kɛ́lɛ, é máŋ kɛ́ tí, bere sii tɔnɔi ŋí su, ǹûai ŋí máŋ da núu kpono kara díkili-ŋa-sia nyɔ́mɔɔi su. Dífa díwoli tɔ̀ɔ ǹúu-tuɛ-ƃelai dîa, díkɛ lóno nyɔ́mɔɔ kɛ̀ gɛ́ pîlaŋ Kôrai ŋɔfólo-laai ma.

M̀ɛni-lɛɛi 16:9

Ŋɔŋ ŋɔzi-zii è núu-kpune kèreŋ, ǹyaŋ dí Ɣâla láai naɣâŋ làa, nyíi wala-wala è kɛ̀ ǹyêei m̀ɛni-kpɔ̂lu sii-ŋai ŋí mɛi. Dífe dílii pene ni. Dífe ǹaa-maa tɛ́ ní.