Kolasiɛŋ 3:5 - Ŋ̀âla Kɔlɔ Maa Waai

⁵ Mɛni ma ǹɔii su-mɛni-ŋai díkaa kákponôi ka dípaa, dîa ƃa wulu-wulu kɛ́ɛ, mɛni maa liƃiɛ, tua-pere-nyɔŋ maa-sɛŋ wɛliɛ, kili-ŋa-sia nyɔ́mɔɔ, da sɛŋ maa-lii teɛɛ, nyíi gáa a ɣâla da kpɛni fɛliɛɛi.

Kolasiɛŋ 3:5 ပူးပေါင်းရင်းမြစ်များ

Ɛsedɔ 37:22

Laŋpo see-wuruii da kɔ̂pu-ŋai é pɛ́lɛ M̀eɣêŋ-ŋai dîa dí kɛ̀ nɔ́ a dí kpɛtɛɛ a gôo tɔnɔ nyii dí ŋàle a kpɔ́kpɔi.

Maafîu 15:19

Kpɛ́ni fêi, núu líi su ƃe kili-ŋa-sia nyɔ́mɔɔ-ŋa da kûla naa, núu-paa-mɛni, wulu-wulu-kɛɛ, goyaŋ-wulu-wulu-kɛɛ, ŋuma-mɛni, wôya-sere-faa-kɛ́ɛ, da tɛ-ŋɛi-kɛ́ɛ a Ɣâla.

Lomaŋ 1:26

Sapoi ŋí ƃé Ɣâla è dílɛ̀ɛ la naa a gɛ́ɛ dí díƃâa-kula maa tua-ŋai wɛ́li a ŋ̀ánaa. Dínɛyâai dí dísinâai lɛ̀ɛ dí díkîe-ni kɛ́ a dísinâa.

Lomaŋ 1:29

Dí kɛ̀ sɔnyɔ̂ŋ sii támaa kɛ̂i, ŋ̀wana-lɔ̂ɔ, sɛŋ maa-lii téɛɛ, da ŋɛi-kpala, tólo, núu paá, yeli tɔ́ɔ, núu pɛlɛɛ, kpɔara da laa-ƃo kɛ́ɛ.

Lomaŋ 6:13

Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Lomaŋ 6:6

Kú gɔ́lɔŋ a gɛ́ɛ kúkpîŋ tua-pere pɔlɔ-ŋai da wɔ́lɔ saa a díkpamoɔɔ zaa-wurui ma da dîa-ni, a gɛ́ɛ kúsɔnyɔ̂ŋ kpono-ŋai su é kara, a gɛ́ɛ é síɣe sâa ma kúfe wɔ́lɔ ŋɔ́nɔ pâi kɛ̂i a sɔnyɔ̂ŋ ŋɔluɛ,

Lomaŋ 7:23

Kɛ́lɛ, ŋa tɔ̂ŋ da kpɛni kâa ŋ́gbonôi gɛ kɔ dɔ̂ŋ pɔ nyíi gáa ŋ́gili ŋái, nyíi a ŋ́gɛ̀ a luɛ a gɛ́ɛ ŋá kɛ́ sɔnyɔ̂ŋ ŋɔtɔ̂ŋ mu nyíi gáa ŋ́gbonôi.

Lomaŋ 7:5

Tãi ku kɛ̀ niî la kúkpîŋ tua-perei pôlui, dɔ̂ŋ è kúsɔnyɔ̂ŋ wɛ̂li-lii-ŋai mu siɣe, nyíi-ŋai gɛ̀ kú saai.

Lomaŋ 8:13

kpɛ́ni fêi, kà tùa a kákpîŋ tua-perei, ka pâi saâi. Kɛ́lɛ, kà gbonoi ŋɔtûa-perei kélee pàa a M̀ɔlêŋ, ka pâi kɛ̂i ɣele ma.

Kɔleŋtiɛŋ Maa-ŋuŋ 5:1

Tɔ̃yâ ma kú mɛni a gɛ́ɛ wulu-wulu kɛ́ɛ káa kásama, ŋwulu-wului nyíi ve diai dífe láa ní a Ɣalai dísamai. Kpɛ́ni fêi, núu tɔnɔ káa kásama ǹâŋ ŋɔnɛnii káa ǹyêei.

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Kɔleŋtiɛŋ Maa-ŋuŋ 6:13

“Mii-sɛŋ káa núu koi mɛni ma, núu koi kɛ́ ƃo mii-sɛŋ mɛni ma.” Ǹyaŋ Ɣâla a pâi dífeerɛ dísu karâi. Núu kpono fe wulu-wulu kɛ́-mɛni ma, kɛ́lɛ, gáa Kúnuu-namui mɛni ma, ǹyaŋ Kúnuu-namui kɛ́ ƃo núu kpono mɛni ma.

Kɔleŋtiɛŋ Maa-ŋuŋ 6:18

Káfe káyee pìli wulu-wulu kɛ́ɛ su. Sɔnyɔ̂ŋ da kpɛni kélee núu a gɛ̀i, gáa kpono ŋíni ŋa-pere; kɛ́lɛ, wulu-wulu kɛ-nuu a sɔnyɔ̂ŋ kɛ̀ a gbîŋ kpono.

Kɔleŋtiɛŋ Veerɛi 12:21

Ŋ́gaa yáôi a gɛ́ɛ ŋà pà ŋɔ́nɔ Ŋáɣâlai a pâi ḿaa yenîi káŋɛi. Ǹyaŋ tãi da fɛ̂ɛ ŋá wɔ́lɔ diai da sɔnyɔ̂ŋ kɛ́ a maa-ŋuŋ dámaa mɛni ma, nyíi-ŋai dífe niî dípôlu tɔɔ̂ni mɛni-maa-liƃiɛ-ŋa dia, wulu-wulu kɛ́ɛ, da wolii-kpɔlɔ, nyíi-ŋai da m̀aa kɔ́rii.

Galesiɛŋ 5:24

Ǹyaŋ diai díkaa Zîsɛ Kôrai kponôi da núu ŋɔtùa-pere-nyɔŋ paa da ŋɔtûa-pere-nyɔŋ maa-sɛŋ-wɛliɛ.

Ifisiɛŋ 4:19

Dífe kpaaŋ ni mɛni da kélee ma, da díkpîŋ kula a wolii-kpɔlɔ-ƃela díkɛ ŋ̀wɛli a gɛ́ɛ dí mɛni nyɔ́mɔɔ-sii kélee kɛ́.

Kolasiɛŋ 2:11

Dí kásee kpono mâ máŋ gbonôi. Ǹyaŋ dífe kásee-ní kpono mâ a díyee. Kɛ́lɛ, Kôrai è kásee kpono mâ a kákpîŋ-tua-pere-nyɔŋ kúlaa kâa.

Tɛsɛlôniɛŋ Maa-ŋuŋ 4:3

Kpɛ́ni fêi, Ɣâla nîa-mɛni ká ŋí a gɛ́ɛ ká kɛ́ a maa-waa-ƃela a gɛ́ɛ ká kákɛ̂i kôyaa wulu-wulu-kɛɛ ma,

Tɛsɛlôniɛŋ Maa-ŋuŋ 4:5

ve gula pere sii nyɔ́mɔɔ su yɛ̂ɛ diai dífe nîi láa ní a Ɣâlai,

Temete Maa-ŋuŋ 6:10

Kpɛ́ni fêi, sɛŋ-kao wɛ́liɛɛ káa a sɔnyɔ̂ŋ sii kélee same. Zɛŋ wɛli sii ŋí ƃa gɛ́ núu da-ni da kúla naa-lai ma, maloŋ-mɛni támaa a dílii láa fɛ́ɛ.

Ibulu 12:16

Ka gáa a gɛɛ núu da kélee fé kɛ̀ a goyaŋ-wulu-wulu kɛ-nuu, kpaa máŋ núu da kélee fé kɛ̀ a ǹúui Ɣâla-mɛni fé ǹíi sú yɛ̂ɛ Isɔɔ, nyíi ŋɔpɔɔ-sɛŋ kɔlɛ mii-sɛŋ miî tɔnɔ kpéŋ pôlui.

Ibulu 13:4

Tɔɔ nɛnî-kula-mɛni é kɛ́ a ƃaa-kɛ-maa pere sii kélee su. Ǹɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Ibulu 13:5

Sɛŋ-kao-wɛli fé kɛ̀ kâa káfulu-laai su. Zɛŋ nyíi gáa káyêei, kálii é láa m̀ɛni ma. Kpɛ́ni fêi, Ɣâla è mò, nyɛɛi, “Fé pâi wɔ́lɔ têei yâ, kpaa máŋ fé pâi ńyee kulâi ímu.”

Zĩi 4:1

Lé ƃe pà a ǹaa-sâai da namu-kɔ̂ɔi kásamâi? Vé a kátûa-pere-nyɔŋ maa-sɛŋ-wɛliɛi nyíi gáa namu kɔ̂i kákponôi?

Pitɛ Maa-ŋuŋ 2:11

Ŋáwɛli-kɛ-maa ƃelai, káai a ŋɔ̃yâ-ŋai da ǹɔii da kpɛni su-ƃelai, ŋa kákpera fêi a gɛɛ ká síɣe núu-kpune ŋɔkɛ-pere nyɔŋ maa-sɛŋ wɛliɛi kɔlɛ nyíi gáa kɔ̂i kámɔlêŋ pɔi.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́ ƃelai, da ŋwulu-ƃelai, da ŋ̀âla-pɔkɔɔŋ fɛli-ƃelai, da nɛ́ɛ ƃelai kélee, díwɔ̂i a pâi kɛ̂i ŋɔŋ kɛ́tɛi su, nyíi sɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.