Kolasiɛŋ 3:24 - Ŋ̀âla Kɔlɔ Maa Waai

²⁴ Ka gɔ́lɔŋ a gɛ́ɛ ka pâi bɔɔ-sɛŋ sɔlɔ ƃôi Kúnuu-namui yêei a káfela-fei. Kákaa tíi kɛ̂i Kúnuu-namui Kôrai mi.

Kolasiɛŋ 3:24 ပူးပေါင်းရင်းမြစ်များ

Zɛnɛse 15:1

Mɛni-ŋai ŋí kélee pôlu ma, Yâwɛɛ è lòno Eberaŋ pɔ́ zĩ̂a su ǹyɛɛ mai, “Eberaŋ, ífe yào. Ŋa pâi ímaa kɔ̃ɔ̂i. Ífela-fei a pâi kɛ̂i a gɛ́tɛ.”

Táre-woo-ŋa 11:18

Ŋwana-lɔ̂ɔ-nuu ŋɔfela-fei káa nɔ́ kpɛ́ni-kpɛni, kɛ́lɛ tɔ̃yâ-nuu ŋɔfela-fêi a lɛ̂ɛ ǹyêei.

Maafîu 10:41

Ǹúui a ǹyée sèe Ɣâla ŋɔlóno-kɛ-nuu mu, kpɛ́ni fêi, gáa a Ɣâla ŋɔlóno-kɛ-nuui, maa-nûui a pâi Ɣâla ŋɔlóno-kɛ-nuui ŋɔsama-sɛŋ sɔlɔ ƃôi. Ǹúui a ǹyée sèe tɔ̃yâ-nuu mu, kpɛ́ni fêi gáa a tɔ̃yâ-nuui, a pâi tɔ̃yâ-nuu ŋɔsama-sɛŋ sɔlɔ ƃôi.

Maafîu 5:12

Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.

Maafîu 5:46

Kpɛ́ni fêi, à kɛ̀ ka diai wɛ̀li nɔ dí káwɛli níi, lé ƃe ka pâi gulâi zu? Ŋuŋ-fela-fei kula-ƃelai dífa gɛ tí dia máŋ?

Maafîu 6:16

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô.

Maafîu 6:5

“Yà kɛ̀ Ɣâla fɛlîi, ífe gɛ̀ yɛ̂ɛ giri-ƃelai. Kpɛ́ni fêi, da ŋ̀wɛli dí tɔɔ Ŋ̀âla-fɛli kêre-ŋai mu da bere-tãaŋ-ŋai lá díkɛ Ɣâla fɛ̀li a gɛɛ nûa dí díkaa. Ŋá tɔ̃yâ ƃoi kâa, da dífela-fei sɔlɔ ƃô.

Lûu 14:14

Gɛ̀ ní, lûwa a pâi kɛ̂i yâ. Kpɛ́ni fêi, dífa pɔ̂ri íwɔ̂i bɔɔ-tee fei. Ya pâi ífela fei sɔlɔ ƃôi a Dɔ̃yâ-ƃelai mu-siɣe-ɣele.”

Lûu 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Zɔ̂ŋ 12:26

À kɛ̀ núu da à tíi kɛ̀ mîi, fɛ̂ɛ é pîlaŋ ḿbôlu; ƃɛi ŋ́gaa naai naa ƃe ǹyée-mu-nuui a pâi kɛ̂i naa máŋ; à kɛ̀ núu da ǹyaŋ à tíi kɛ̀ mîi, Nàŋ-nuui a pâi ƃâa kɛ̂i ma.

Zia-ƃelai Kɛ́-mɛni-ŋai 20:32

Ǹyaŋ ŋa kátɛɛ Ɣâla pɔ́ da ŋɔƃɛlɛ-see wooi. Pɔri káa mì a gɛ́ɛ é káƃɔlɔ kámɔlêŋ su, é ŋɔ́nɔ kákɛ a pɔɔ-sɛŋ mɛi-ƃela diai kélee sáma dímaa waâi.

Lomaŋ 1:1

Ńyãa Pɔ̂ɔ, ŋ́gaa a Zîsɛ Kôrai yée mu-nuu. È ńdòli a gɛ́ɛ ŋá kɛ́ a ŋɔsia-ƃelai da. E ńziɣe a gɛ́ɛ ŋá Ɣâla ŋɔtuŋ lɛ̂lɛɛi ƃó,

Lomaŋ 14:18

Ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

Kɔleŋtiɛŋ Maa-ŋuŋ 11:23

Kpɛ́ni fêi, zɛŋ ŋa dɛ̀ɛ kápɔi, ŋa zɔlɔ ƃô máŋ Kúnuu-namui yêei, a gɛ́ɛ Kúnuu-namui Zîsɛ gbínii dí gɔ̀lɛ lai, è kpólo sìɣe,

Kɔleŋtiɛŋ Maa-ŋuŋ 3:8

Ǹúui a zí-sɛŋ sii, da ǹúui a yá pù mai dípɔrîɛi, da dífela-fei sɔlɔ ƃô yɛ̂ɛ berei dítii-ŋai káa lai.

Kɔleŋtiɛŋ Maa-ŋuŋ 7:22

Kpɛ́ni fêi, ǹúui dí dòli Kúnuu-namui kponôi yɛ̂ɛ luɛi, gáa a Kúnuu-namui ŋɔŋuŋ-ma-ƃo. Bere nɔ́ ƃe è kɛ̀ la a ǹúui kɛ̀ a ŋuŋ ma ƃóɔ tãi dí dòli lai, gáa a Kôrai ŋɔluɛ.

Galesiɛŋ 1:10

Ŋ́gaa ŋɛ́i lɛ́lɛɛ̂i núu-kpune yêei, kpaa Ɣâla? Kpaa máŋ ŋ́gaa kɔ̂i a gɛ́ɛ ŋá núu-kpune líi láa? Ŋâi kɛ̀ núu-kpune líi lâai, fêi pɔ̂ri kɛ̂i a Kôrai yée-mu-nuu.

Ifisiɛŋ 6:6

Káfe nuu-ŋɛi-woo mɛni kɛ̀ nɔ́ a dia. Káfè kɛ̀ nɔ́ a núu lii-laa-ƃela. Kɛ́lɛ, ka kɛ́ yɛ̂ɛ Kôrai yée-mu-ƃela, ká kɛ́ Ɣâla nia-mɛni kɛ̀ é kúla kálii su.

Ifisiɛŋ 6:8

Kpɛ́ni fêi, ká gɔ́lɔŋ m̀ɛnii kélee núu a gɛ̀i, é kɛ́ ni a luɛ, kpaa máŋ luɛ fei, a pâi maa-mɛni-ŋai ti sɔlɔ ƃôi Kúnuu-namui yêei.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Ibulu 10:35

Mɛni ma káfe kálaa-lai pîli, nyíi fela-féi kɛ́tɛ káa zui.

Ibulu 11:6

Núu fa pɔ̂ri Ɣâla líi lâai laa-la ŋ́ɛi pôlu. Kpɛ́ni fêi, ǹúui ŋ̀wɛ̂lii é lɛ́ɣɛ Ɣâla kɔlɛi, fɛ̂ɛ é láa la a gɛɛ Ɣâla káa ɣele ma a gɛɛ é diai líi laa da gɔ̀rii.

Ibulu 9:15

Mɛni ma, gáa a gbanaŋ-woo-kɛɛ ninai tɛɛ-nuu, a gɛɛ diai a dítôlii, dí ŋwɔlɔ-wɔlɔ pɔɔ-sɛŋ sɔlɔ ƃó nyíi Ɣâla è góno tèe la díyêei. Kpɛ́ni fêi, saa-mɛni a pá nyíi a díkula dísɔnyɔ̂ŋ-ŋai su nyíi kɛ̀ gbanaŋ-woo-kɛɛi maa-ŋuŋ mui.

Pitɛ Maa-ŋuŋ 1:4

kwa kɛ́ a pɔɔ-sɛŋ sɔlɔ ƃo-ƃela nyíi va wɔ́lɔ tɛ̀ɛ, m̀aa fé kara ni, vé tela pâi karâi, ǹáâi kɛɛ̂i Ɣâla-taa kámɛni ma,

Pitɛ Veerɛi 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛɛi dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Zûu 1:1

Ńyãa Zûu, ŋ́gaa a Zîsɛ Kôrai yée-mu-nuu, ŋ́gɛ ƃo a Zĩi ǹêɣe, Diai Ɣâla è dítòli, nyíi-ŋai Ɣâla Nàŋ-nuui è díwɛli, nyíi-ŋai Ɣâla è díkɛ̀ naa Zîsɛ Kôrai mɛni mai.

Lûfi 2:12

M̀ɛnii ƃa gɛ́i Kúnuu-namui é maa fela-fei tɛ́ɛ ípɔ. Fela-fêi kɛ́tɛ é pá ípɔ é kúla Eezuɛ-ŋai Dínuu-namui Ɣâla yêei nyíi í pà bɔ́ a gɛ́ɛ é ímaa kɔ̃ɔi!”