Kolasiɛŋ 3:23 - Ŋ̀âla Kɔlɔ Maa Waai

²³ Kà kɛ̀ tíi kélee kɛ̂i, ka gɛ́ a kálii kélee, yɛ̂ɛ kà kɛ̀ tíi kɛ̂i Kúnuu-namui mi, kɛ́lɛ, núu-kpune fei.

Kolasiɛŋ 3:23 ပူးပေါင်းရင်းမြစ်များ

Kɔlɔnikɔ Veerɛi 31:21

M̀ɛnii nyíi kélee kpɔ́ è gɛ a tíi kɛ́ɛ Ɣâla ŋɔpɛ́rɛi mu da dɔ̂ŋ é pɛlɛ Ɣâla ŋɔtɔ̂ŋ mai è gɛ̀ a woo mɛ̂ni pere. È Ɣâla nîa mɛni kɛ ŋɔtíi kɛ̂ɛi su a ǹíi kélee, m̀ɛni ma, è ƃûu-ƃo ŋɔtíi kélee su.

Wule-woo-ŋa 103:1

Ŋa pâi Yâwɛɛ láa maa tɛ̂i a ńii kélee. Ŋa pâi ǹáa maa waai maa tɛ̂i a ŋ́gbono kélee.

Wule-woo-ŋa 119:10

Ŋa íkɔ̂rii a ŋ́gili kélee. Ífe nɛ̀ɛ naa ŋá ítɔ̂ŋ-ŋai kara.

Wule-woo-ŋa 119:145

Óo Yâwɛɛ, ŋa ítôlii kpɔ́ a ńii kélee. Ŋ́oo su tòo, gɛ̀ ní ŋa pâi ítɔ̂ŋ-ŋai mɛi kâai.

Wule-woo-ŋa 119:34

Ítɔ̂ŋ ŋáa lɛ́ ḿâ, ŋa pâi m̀ɛi kâai. Ŋa pâi m̀ɛi kâai a ńii kélee.

Ikilisiati 9:10

M̀ɛnii kélee ya pɔ̂ri gɛ̂i, gɛ́ a íwala-walai kélee, kpɛ́ni fêi, núu a sàa, pɔri mâa da fa ŋɔ́nɔ kɛ̀ ǹyêei a gɛɛ é mɛni da kɛ́. Va ŋɔ́nɔ pɔri tíi da kɛ̂i, é mɛni kpɛtɛɛ da kɛ́, é kili ŋa-pono sɔlɔ ƃó mɛni da su kpaa máŋ é táre da maa kɔ́ri.

Zɛlemaya 3:10

M̀ɛni-ŋai ŋí pôlu ma, Eezuɛ ŋɔkáayɔɔi Zuda nyíi ve kɛ́ ní a deniŋ ƃôɔɔi, vé tínaŋ ní ḿbɔ naa a ǹíi kélee, vé tûa ní a téniŋ ƃô pere. Ńyãa Yâwɛɛ ƃé mò tí.”

Maafîu 6:16

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô.

Lomaŋ 14:6

Ǹúui a ŋele-kuui dɔnɔ sìɣe a maa waai a gɛ̀ tí a gɛ́ɛ é ƃâa kɛ́ Kúnuu-namui ma. Ǹúui máŋ a mii-sɛŋ sii kélee mìi, a mìi a gɛ́ɛ é ƃâa kɛ́ Kúnuu-namui ma, kpɛ́ni fêi, a Ɣâla sɛɣɛi fè. Ǹúui va mii-sɛŋ sii kélee mìi, a gɛ̀ ti a gɛ́ɛ é ƃâa kɛ́ Kúnuu-namui ma é sɛɣɛi fei tɛɛ Ɣâla pɔ.

Lomaŋ 14:8

À kɛ̀ kwà kúɣeniɛi kɛ̀, kwa gɛ̀ Kúnuu-namui yêei; à kɛ̀ kwà sàa, kwa sàa Kúnuu-namui yêei; mɛni ma à nɛ̀ɛ ma kpîŋ ku kɛ́ fulu-laa su kpaa máŋ ku sáa, kúkaa a Kúnuu-namui pɔɔ.

Ifisiɛŋ 5:22

Nɛyâa, ka kɛ́ kásinâai mu, yɛ̂ɛ berei kákaa la Kúnuu-namui mui.

Kolasiɛŋ 3:17

Mɛni kélee ka gɛ̀ a káwooi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Pitɛ Maa-ŋuŋ 1:22

Kámɔlêŋ maa waâi a dɔ̃yâi maa woo mɛniɛi gáa káyêei a gɛɛ tɔ̃yâ wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Pitɛ Maa-ŋuŋ 2:13

Ka gɔmɛnɛ-ƃelai kélee wóo mɛni da núu kpeli-ŋai díkaa kámɛi. Ka gâloŋ kɛ́tɛi woo mɛni. Kpɛ́ni fêi, ǹyaa ƃe ǹɔii mɛi,

Pitɛ Maa-ŋuŋ 2:15

Ɣâla nîa-mɛni ƃá, a gɛɛ núu é mɛni lɛ́lɛɛ kɛ́, ŋɔmɛni lɛ́lɛɛ kɛɛ̂i é m̀oo-ƃelai díƃoo-lono-ŋai kélee kpera.