Kolasiɛŋ 3:22 - Ŋ̀âla Kɔlɔ Maa Waai

²² Luɛ-ŋa, ka kámɛi-ƃelai wóo mɛ́ni mɛni kélee su, nyíi-ŋai díkaa kámɛi ǹɔii sui. Káfe núu ŋɛi-woo-mɛni kɛ̀ nɔ́ a dia a gɛ́ɛ ka núu líi láa, kɛ́lɛ, ka gɛ́ a kálii kélee Kúnuu-namui ŋɔyao-maai su.

Kolasiɛŋ 3:22 ပူးပေါင်းရင်းမြစ်များ

Zɛnɛse 42:18

Ŋ̀ele-kûui zaaƃa-ɣelei, Zosɛ è mò dîa ǹyɛɛi, “Ka nyíŋi kɛ́ a gɛɛ ká ƃálo. Kpɛ́ni fêi, ŋa yao Ɣâla ma.

Niɛmaya 5:15

Diai kɛ̀ ǹɔii kpîniŋ ŋí mɛi ńduɛi, dímaa mɛni kélee è kɛ̀ ǹûai ŋí ŋûa a kpîri wuyɛ́ɛ-ŋa. Dí m̀o dîa a gɛɛ díkɛ káne buu náaŋ tɛ̀ɛ dípɔ a ɣele kélee díŋwã̂ai da dímii sãai mɛni ma. Ǹɔii mɛi-ƃelai ŋí díyee mu-ƃelai máŋ dí fũa-fũa támaa tɔ̀ɔ Zuda-ƃelai dîa. Kɛ́lɛ fé gɛ́ ní tí, kpɛ́ni fêi ƃaa kɛ́ maa káa ńyêei Ɣâla mɛni ma.

Niɛmaya 5:9

Ŋá m̀o ŋɔ́nɔ dîa ńyɛɛi, “M̀ɛnii ka gɛ̂i, nyɔmɔɔ̂i! Fɛ̂ɛ nɔ́ kú Ɣâla wóo mɛni, kú m̀ɛnii kɛ́ ǹɛ̂lɛɛi. A kɛ̀ tí, gɛ́ ní kúkpɔara-ƃelai nyíi-ŋai dífe a Zuda-ŋai dífe pâi ɣɛ́lɛ maa kulâi kúkponôi.

Wule-woo-ŋa 123:2

Yɛ̂ɛ berei nɔ́ núu-yee mu-nuu kíli tɔɔ̂i la ŋɔnuu-namui mai, yɛ̂ɛ berei nɔ́ núu-yee mu-nɛni kíli tɔɔ̂i la m̀ɛi nûui mai, Óo Yâwɛɛ, Kúɣâlai, bere nɔ́ ƃé ŋɛ́i káa la yâ, é lɛ́ɛ la zu íku malôŋ káa.

Ikilisiati 12:13

Ŋ̀óoi gbɛɛ ŋái ká ŋí. Ka ƃaa kɛ́-maa tɛ́ɛ Ɣâla pɔ́ ká ŋɔtɔŋ-ŋai kélee mɛi káa. Ŋ̀óoi ŋí káa núu-kpune kélee mɛni ma.

Ikilisiati 5:7

See-woo da lóno támaa káa nɔ́ kpɛ́ni-kpɛni. Ka ƃaa kɛ́-maa tɛ́ɛ Ɣâla pɔ́.

Ikilisiati 8:12

Gáa a tɔ̃yâ a gɛɛ ŋ̀wana lɔ̂ɔ nuu a mɛni nyɔ́mɔɔ kɛ̀ é tɛ́ɛ ŋuŋ tɔ̂nɔ (100) ma é tûa ɣele ma. Kɛ́lɛ ǹúui a yâo Ɣâla mai, maa mɛ̂ni kélee ŋ̀aa-see a kɛ̂ a ǹɛ́lɛɛ.

Malakai 1:6

Ŋ̀wála-wâla kélee Yâwɛɛ è mò zâla láa-soŋ-ƃelai dîa ǹyɛɛi, “Lóŋ-surɔŋ a ŋumɛ-mâa tɛ̀ɛ ǹâŋ pɔ́, yée-mu-nuu kɛ́ ŋumɛ-mâa tɛ̀ɛ ŋɔmɛi-nuui pɔ́. Ńyãa ƃa kánâŋ. Lé mɛni ƃé káfa ŋumɛ-mâa tɛ̀ɛ la ḿbɔi? Ńyãa ƃa kámɛi-nûui, lé mɛni ƃé káfa ƃaa-kɛ-maa tɛ̂ɛ la ḿbɔi? Ka káŋɛi nàɣiŋ ḿɛi ǹyaŋ ká mò kâa, ‘Kwa kúŋɛi naɣîŋ-pere kɛ̂i léŋ ímɛi?’

Maafîu 6:22

“Kpono ŋɔkwaa-ponoɔi ƃa ŋ́ɛi. Mɛni ma, à kɛ̂ íŋɛi a kwaa kâa a ǹɛ́lɛɛ, gɛ̀ ní íkponoi láa a pâi kɛ̂i a vɛ́ɛ a kwaa-ponoɔɔ.

Maafîu 8:9

Kpɛ́ni fêi, ńyãa máŋ ŋ́gaa a ǹúui wala-wala-laa káa núu yêei ḿɛi. Ńyãa máŋ kɔluluƃa-ŋa díkaa ńyee mu. Ŋà mò dɔnɔ ma, ‘Lí,’ a lî. Ŋà mò da kpɛni ma, ‘Pá,’ a pâ. Ŋà kɛ̀ ŋáluɛi mâ, ‘Mɛnii ŋí kɛ́,’ a gɛ̀.”

Lûu 6:46

“Le ƃe kɛ̀ ka ńdòli a Kúnuu-namui, Kúnuu-namui? Kɛ́lɛ, káfa mɛni-ŋai kɛ̂ ŋa mòi.

Lûu 7:8

Kpɛ́ni fêi, ńyãa máŋ ŋ́gaa a ǹúui wála-wâla káa núu yêei mɛi. Ńyãa máŋ kɔkuluƃa-ŋa díkɛ ƃò ńyee mu. Ŋà máŋ mò dɔnɔ ma, ‘Lí,’ a lî. Ŋà mò da kpɛni ma, ‘Pá,’ a pâ. Ŋà kɛ̀ ŋáluɛi mâ, ‘Mɛnii ŋi kɛ́,’ a gɛ̀.”

Zia-ƃelai Kɛ́-mɛni-ŋai 2:46

Ǹaa-la-ƃelai díkɛ̀ liî Ŋ̀âla-pɛrɛ kɛ́tɛi mu gîe ma. Dímii-sãai kélee è kɛ̀ nɔ́ gîe ma. Da kâa dílaa mii gîe ma a lii-nɛ̃ɛ da lii-lɛlɛ.

Kɔleŋtiɛŋ Veerɛi 7:1

Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔlêŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.

Galesiɛŋ 1:10

Ŋ́gaa ŋɛ́i lɛ́lɛɛ̂i núu-kpune yêei, kpaa Ɣâla? Kpaa máŋ ŋ́gaa kɔ̂i a gɛ́ɛ ŋá núu-kpune líi láa? Ŋâi kɛ̀ núu-kpune líi lâai, fêi pɔ̂ri kɛ̂i a Kôrai yée-mu-nuu.

Kolasiɛŋ 3:20

Nîa-pɛlɛɛ, ka kákaa-ƃela wóo mɛ́ni mɛni kélee su, kpɛ́ni fêi, gáa a Kúnuu-namui líi láa-mɛni.

Tɛsɛlôniɛŋ Maa-ŋuŋ 2:4

Kɛ́lɛ, yɛ̂ɛ berei Ɣâla è kúlɛ̀ la a gɛ́ɛ é Duŋ Lɛ́lɛɛi lɛ́ɛ kúyêei, bere nɔ́ ƃe kwa lôno la, kúfa núu-kpune líi làa, kɛ́lɛ, kwa Ɣâla líi làa, nyíi a kúlii-ŋai su kɔ̀ɔŋ.

Falemɔŋ 1:16

Vé ŋɔ́nɔ a luɛ, kɛ́lɛ, é tée máŋ luɛ-mɛni ma, gáa a kúwɛli-kɛ-maa ƃarâŋ. Gáa a ŋáwɛli-kɛ-maa ƃarâŋ kpîŋ, kɛ́lɛ, gáa a íwɛli-kɛ-maa ƃarâŋ a zu kɛ́tɛ núu-kpune kɛ́ pere su da Kúnuu-namui kponôi.