Kolasiɛŋ 3:16 - Ŋ̀âla Kɔlɔ Maa Waai

¹⁶ Ka Kôrai ŋɔwóoi lɛ́ɛ naa é kɛ́ kálii su a dámaa táre kélee su. Ka sɛŋ lɛ́ kákîe-ni dîa, ka kákîe-ni lia-woo ƃo, wule-woo-ŋa su da Ɣâla-wule-ŋa, kákɛ sɛɣɛi-fei-wule too kálii su Ɣâla ma.

Kolasiɛŋ 3:16 ပူးပေါင်းရင်းမြစ်များ

Kâloŋ Maa-ŋuŋ 3:28

Gɛ́ɛ Eezuɛ-ƃelai da mɛni ŋá teɛɛ̂i ŋí duŋ mɛni nyíi Saloma è gɛ̀i, dí yào gâloŋ ma, kpɛ́ni fêi, dí gàa a gɛ́ɛ ŋɔtárei è kùla Ɣâla yêei mɛni-sâa ŋá tée mɛni ma a zãa.

Kɔlɔnikɔ Maa-ŋuŋ 25:7

Zinâa puu káo náaŋ ŋí kélee díkɛ a wule too-ƃela pɔlɔ-ŋa. Díƃarâa Liiva-ŋai dia máŋ dí kɛ̀ a wule too-ƃela pɔlɔ-ŋa. Díkelee díkɛ̀ a núu ŋ̀uŋ feerɛ pôlu buu lɔ́ɔlu mɛi saaƃa káo lɔ́ɔlu mɛi saaƃa (288).

Niɛmaya 12:46

Deeƃé da Asafa dítãi ma Ŋ̀âla-pɛrɛ Kɛ́tɛi mu wule too-ƃela láa túɛ nuu kɛ́tɛ è kɛ̀ ma. Da kâa laa maa tɛ̂ da sɛɣɛ-fêi wule ŋa tòo Ɣâla ma.

Zôo 23:12

M̀ɛnii nyii kélee è mò ḿâ a gɛɛ ŋá gɛ́i, ŋá gélee kɛ̀ a teniŋ ƃô-pere.

Wule-woo-ŋa 119:11

Ŋà ítɔ̂ŋ láa ŋ́gili ŋá a gɛɛ fé sɔnyɔ̂ŋ kɛ̀ a yá.

Wule-woo-ŋa 119:54

Gɛ̀ ɣéniɛ kpuai ŋa gɛ́ ɣele mai, ŋa wule támaa pɔ̃yɛɛ a pîlaŋ ítɔ̂ŋ-ŋai dîa.

Wule-woo-ŋa 138:1

Óo Yâwɛɛ, ŋa ísɛɣɛ̂i fêi a ŋáwala-wala laai kélee. Ŋa wule toôi yâ ŋ̀âla-ŋai kélee ŋɛ́i-tuɛ.

Wule-woo-ŋa 28:7

Yâwɛɛ ƃa ŋákponoi kpânaŋ da ŋáƃoa-sɔkpɔ ŋá-ɣale kɔli-kalaŋ. Ǹyaa ƃé ńâai là. A kpɔŋ mâa tɛ̀ɛ ḿbɔ gɛ́ gɛ̀ ŋ́gɛ lii-nɛ̃ɛ kùla. M̀ɛni ma, ŋa pâi laa ma tɛ̂ wule lɛ́lɛɛ-ŋa toôi a ǹáa.

Wule-woo-ŋa 32:7

Yá ƃé ŋa ǹoo íninîŋ mu. Ya pâi ŋ́uŋ ma ƃôi ŋámɛni kpɔ̂lui su. Ŋa pâi wule toôi yâ a ŋ́oo su kɛ́tɛ, kpɛ́ni fêi, ya ŋ́uŋ ma ƃó.

Wule-woo-ŋa 71:23

Ŋa pâi lâɣii ɣelêi-pere a lii-nɛ̃ɛ, tãi ŋa kɛ̀ ílaa ma tɛ̂i lai, kpɛ́ni fêi, ya ŋ́uŋ ma ƃó.

Táre-woo-ŋa 14:8

Táre-nuu a dûa-pere maa kpɛ̂ɛ, ƃoo-nuu kɛ́ gàa nɔ́ yɛ̂ɛ ǹyaa ƃé dáreɛɛ̂i kɛ́lɛ vé táre-ni.

Táre-woo-ŋa 18:1

Ƃɛlɛ kpɛɛ-goi-nuu kpáaŋɔɔ̂i nɔ́ gbîŋ mɛni ma, va fâa núu da kpɛ́ni ŋɔmɛni kpɛtɛɛ lɛ́lɛɛ ma.

Wule-ŋa Kélee Mɛi Wûle 1:1

Ŋ̀ule-ŋai mɛi wûle lɛ́lɛɛ-ŋai ŋí, Gâloŋ Saloma ƃé wɔ́lɔ dòo.

Azaya 10:2

Ka dee lônii, bɔɔ-nɛyãai, da gôlo-ƃelai dímɛni sâai ŋá tèe a wôya-pere. Ka gɛ̀ tí a gɛɛ ká díkɔ̃liŋ kula díyêei.

Azaya 26:1

Ɣele da a pâi pâi nûa da pâi kɛ̂i ŋ̀ulei ŋí toôi Zuda lɔii su: Kútaa-lêei wála-wâlai! Ɣâla ǹyaa kpîŋ ƃa ŋɔsiɣãŋ maa kɔ̃̂ɔ.

Azaya 30:29

Kɛ́lɛ káai a Ɣâla ŋɔnûai, lii-nɛ̃ɛ su-kɛ́tɛ a pâi kɛ̂i kâa a ŋ̀elei ka pâi káɣele-kûu maa waai maa kûui kɛ̂i lai. Kálii a pâi kɛ̂i nɛ̃ɛ̂i yɛ̂ɛ nûa ƃé mãlâi ƃɔɔ fɛ́ɛ-woo ma díkɛ lì Yâwɛɛ nyii gáa a Eezuɛ ŋɔkɔnii, Ŋɔpɛ́rɛ maa waai lá.

Azaya 5:1

Tɔɔ ŋá wule tóo ŋáwɛli kɛ́-maa nuui ma. Ŋáwɛli kɛ́-maa wulei pîlaŋɔɔi ŋɔkpɔmɔ kpâlaŋ ma. Ŋáwɛli kɛ́-maa nuui ŋɔkpɔmɔ kpâlaŋ è kɛ̀ lɔii lɛ́lɛɛ ma yée pɛ́rɛ ma.

Zɛlemaya 15:16

Tãi ŋá íwoo mɛ̀ni lai, ŋá ńyee sèe mù. Nya ƃe íwooi è gɛ̀ níi é nɛ̃ɛ, kpɛ́ni fêi, ŋ́gaa a ípɔɔ óo Ŋ̀wála-wâla kélee Yâwɛɛ.

Maafîu 26:30

Nya ƃe dí wule tɔnɔ tòo dí li Ŋulɔ-wuru Yeei ma.

Lûu 2:51

Gɛɛ ti, da dîa-ni dí lì, dí pa Nâzarɛ, gɛ díwoo siɣe. Kɛ́lɛ, ǹee e ŋ̀óo-ŋai ŋi kélee lâai kɛ̀ ǹíi su.

Zɔ̂ŋ 15:7

Kà kɛ̀ ŋ́gbonôi, ŋ́oo-ŋai kɛ́ ƃò kákponôi, sɛŋ kélee kamare-kɛ̂ɛ kɛ̀ nyii gáa kákili ŋái, a pâi kɛ̂i kámɛni ma.

Lomaŋ 10:17

Mɛni ma laa-la a pâ a mɛnii núu a mɛ̀nii, ǹyaŋ mɛnii núu a mɛ̀nii, Kôrai maa-tuŋ lɛ́lɛɛi ƃa pâ la.

Lomaŋ 15:14

Ŋánûa, ńyãa kpîŋ ńii lâai kámɛni ma a gɛ́ɛ káa kpîŋ kálaa fɛɛ̂i a lɛ́lɛ-laa, kálaa fɛ́ɛ a táre kélee, pɔ̂ri kɛ́ ƃo káa a gɛ́ɛ ka sɛŋ lɛ kákîe-ni dîa.

Kɔleŋtiɛŋ Maa-ŋuŋ 14:15

Lé ƃe ŋa pɔ̂ri gɛ̂i? Ŋa pâi Ɣâla fɛlîi a ŋámɔlêŋ, ŋá Ɣâla fɛli a ŋákili-ŋa-siai máŋ. Ŋa pâi wule toôi a ŋámɔlêŋ, ŋá wule tóo a ŋákili-ŋa-siai máŋ.

Kɔleŋtiɛŋ Maa-ŋuŋ 14:26

Lé ƃe ŋaŋ, ŋánûa? Kà pà kákîe ma, ǹúui da-ni wule káa díla, da-ni sɛŋ lɛ́ɛ kɛ́ ƃo díyêei, da-ni sii-woo da kpɛni ƃó pere kɛ́ ƃo díyêei nyíi núu fa târe zui, da-ni la-woo su-kulaa kɛ́ ƃo díyêei. Tɔɔ mɛni kélee é kɛ́ mɛni lɛ́lɛɛ mɛni ma.

Ifisiɛŋ 1:17

a gɛ́ɛ Kúnuu-namui Zîsɛ Kôrai Ŋɔɣâlai nyíi gáa a fólo-laa-Naŋ é táre tɛ́ɛ kámɔlêŋ pɔ́ da mɛni-ŋa-kaa m̀aa-mɛni kɔlɔŋ mɛni ma,

Ifisiɛŋ 5:17

Maa-mɛni ma káfe ƃoo. Kɛ́lɛ, ka táre Kúnuu-namui ńîa-mɛnii su.

Ifisiɛŋ 5:19

Ka lóno kákîe-ni pɔ wule-woo-ŋa su da Ɣâla-wule-ŋa, kakɛ wule too kakɛ pêle kɛ̀ Kúnuu-namui ma a kálii kélee.

Ifisiɛŋ 5:26

a gɛ́ɛ é m̀aa waai. È m̀aa wâa a yá da ŋ̀óoi,

Kolasiɛŋ 1:28

Kwa maa-mɛni ƃò, kúkɛ núu kélee lia-woo ƃo, kúkɛ sɛŋ lɛ̂ núu kélee ma táre kélee su, a gɛ́ɛ kú núu kélee lɛ́ a ǹáa fɛ́ɛ Kôrai kponôi.

Kolasiɛŋ 1:9

Mɛni ma é síɣe tãi ma kú mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa é fɛ́ɛ a ǹîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Kolasiɛŋ 4:6

Ká lono-woo é kɛ́ a ǹɛ́lɛɛ, ǹɛ̃ɛ núu wólii yɛ̂ɛ kpolo liyeŋ, a gɛ́ɛ ká berei kɔlɔŋ ka pɔ̂ri núu kélee ŋɔmare-kɛɛ su kulâi lai.

Tɛsɛlôniɛŋ Maa-ŋuŋ 1:8

Kpɛ́ni fei, Masadonia da Ɛkeya dífe Kúnuu-namui ŋɔwóoi mɛni ni nɔ́ kásarâi, kɛ́lɛ, naa-lai gáa káyêei Ɣâla kponôi a lí kwaa kélee a sɛŋ nyíi maa fé nɛ̃ɛ ni kú lóno é pîlaŋ mai.

Tɛsɛlôniɛŋ Maa-ŋuŋ 4:18

Mɛni ma ká kákîe-ni ŋáa nɛnɛ a ŋ̀óo-ŋai ŋí.

Tɛsɛlôniɛŋ Veerɛi 3:15

Káfe gáa a kákpɔara nuu, kɛ́lɛ, ka nia-woo ƃó yɛ̂ɛ káƃarâŋ-nuu.

Temete Maa-ŋuŋ 6:17

À kɛ̀ a ŋ̀éniɛi ŋí su tɔɔ-ƃelai, m̀ó dîa a gɛ́ɛ dífe yoŋka tèe, kpaa máŋ dífe díkili-kɛ-zui pu tɔɔ-sãa dîa, nyíi-ŋai núu fa gíli pu dîai, kɛ́lɛ, dí díkili-kɛ-zui pú Ɣâla ma nyíi a sɛŋ kélee tɛ̀ɛ kúpɔ a zu-kɛtɛ a gɛ́ɛ kú kúnîa kɛ́ a diai.

Temete Veerɛi 3:15

da berei é síɣe íloloŋ tãi ma ya gɔlɔ-pɔ̃yɛ maa-waa-ŋai kɔ́lɔŋ la, nyíi-ŋai da pɔ̂ri ítenîŋ tɔɔ̂i íƃalo-laai mɛni ma laa-la sarâi Zîsɛ Kôrai kponôi.

Taitɔ 3:6

È M̀ɔlêŋ Maa Waai pù kúkponôi a dámaa Kúƃalo-nuui Zîsɛ Kôrai sarâi,

Zĩi 1:5

À kɛ̀ táre à wàla kɛ́ káyêei, ka Ɣâla marê kɛ́, nyíi a sɛŋ tɛ̂ɛ núu kélee pɔ́ kpɛ́ni-kpɛni va maa-lôno kɛ̀ mài, gɛ̀ ní a pâi dɛɛ̂i kápɔ.

Zĩi 3:17

Kɛ́lɛ, dárei nyíi a kûla ŋ̀elei sui, m̀ɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tíi-lɛlɛ, woo-kɛ-ńâ-feerɛ fé zu, kiri-mɛni fé zu.

Zĩi 5:13

Mɛni-soli káa-nuu káa kásama? Tɔɔ é Ɣâla fɛ̀li. Lii-nɛ̃ɛ kula-nuu káa kásama? Tɔɔ é laa-maa-tɛ-wule too.

Zɔ̂ŋ Maa-ŋuŋ 2:14

Ŋa kɔlɔ pɔ̃yɛ kápɔ naa, ńâŋ-ni, kpɛ́ni fêi, ka ǹúui kɔ́lɔŋ é kùla gɔ́ɔ pîlanii. Ŋa kɔlɔ pɔ̃yɛ kápɔ naa, nyaŋkpa-ŋa, kpɛ́ni fêi, kákponôi kpanaŋɔɔ̂i, Ɣâla ŋɔwóoi kɛ́ ƃo kákponôi, ǹyaŋ ka ŋwana-lɔ̂ɔ-nuui yée mɛi ɣále.

Zɔ̂ŋ Maa-ŋuŋ 2:24

M̀ɛnii ká mɛ̀ni gɔ́ɔ pîlanii, tɔɔ é kɛ́ kákponôi. À kɛ̀ m̀ɛnii ká mɛ̀ni gɔ́ɔ pîlanii à kɛ̀ kákponôi, gɛ̀ ní, káa kpîŋ ka pâi kɛ̂i Nòŋ-nuui kponôi da Nàŋ-nuui.

Zɔ̂ŋ Maa-ŋuŋ 2:27

Kɛ́lɛ, ŋulɔ-puɔɔ-ŋuai ká zɔlɔ ƃô ǹyêei, gáa kákponôi, ǹyaŋ vé a sɛŋ núu da é sɛŋ lɛ́ kâa. Kpɛ́ni fêi, ŋɔwùlɔ-pu-ŋuai a mɛni kélee lɛ́ káa é pîlaŋ sɛŋ kélee ma, ǹyaŋ gáa a tɔ̃yâ, lɛ́ɛ fé zu, yɛ̂ɛ berei è ǹɛ la kâai, ka kɛ́ gbonôi.

Zɔ̂ŋ Veerɛi 1:2

dɔ̃yâi kúkponôi mɛni ma nyíi pâi kɛ̂i kúyêei wɔlɔ-wɔlɔ da wɔlɔ-wɔlɔi.

M̀ɛni-lɛɛi 14:3

Dí kɛ̀ wule nina toôi gâloŋ see-sɛŋ ŋ́ɛi-tuɛ da vúlu-sãa náaŋ, é pɛ́lɛ ǹúu-pɔlɔ ŋai dîa. Núu da fa pɔ̂ri ŋulei tí maa kɔ̂rii fɛ̂ɛ nɔ́ nuu wála ŋuŋ tɔnɔ pôlu buu náaŋ kao náaŋ (144,000), nyíi-ŋai dí dímaa têe dí díkula ǹɔii sui.

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kélee Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi Kaloŋ!

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.

M̀ɛni-lɛɛi 5:9

Ǹya ƃe dí kɛ̀ wule nina toôi, díyɛɛi, “Ímaa nɛ̃ɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.