Kolasiɛŋ 3:15 - Ŋ̀âla Kɔlɔ Maa Waai

¹⁵ Tɔɔ Kôrai ŋɔlii-sêei é tíi kɛ́ kálii su. Sâpoi ká ti Ɣâla a kátoli la a gɛ́ɛ ká kɛ́ kpono tɔnɔ su. Sɛɣɛi-fei é kɛ́ káyêei.

Kolasiɛŋ 3:15 ပူးပေါင်းရင်းမြစ်များ

Wule-woo-ŋa 100:4

Ka lɔ́ ŋɔpɛ́rɛi mu ká sɛɣɛ-fei tɛɛ bɔ́, ka lí ŋɔpɛ́rɛi ŋɛ́i-tuɛ ká ǹáa maa tɛ́. Ka sɛɣɛi-fei tɛɛ bɔ́, ká ǹáa maa tɛ́.

Wule-woo-ŋa 107:22

Fɛ̂ɛ dí sɛɣɛi fêi sala-ŋa kula, dí lii-nɛ̃ɛ wule-ŋa too, dí gɛ́-mɛni kpaya-kpayai maa mɛ̂ni ƃó.

Wule-woo-ŋa 116:17

Ŋa pâi sɛɣɛi-fêi sala kulâi Yâwɛɛ ma ŋá vɛ̀li.

Wule-woo-ŋa 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

Azaya 26:3

Yâwɛɛ, yâ lii-see tɛ̀ɛ diai pɔ́ dí lâai a yá, díkili tɔɔ yâi.

Azaya 27:5

À kɛ̀ gbɔara-ƃelai da kɛ̀ ŋ̀wɛ̂lii ŋá dímaa kɔ̃ɔ dí pá ḿbɔ lii-see pere su. Díkɛ a díkpîŋ kpɛtɛɛ lii-see mɛni ma. Dí pá ḿbɔ lii-see pere su.”

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔ̂i, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 57:19

Ŋa lii-sêe tɛ̀ɛ núu kélee pɔ́, diai díkaa kwaa kôyaa mai, da diai dílɛɣɛ̂ɛi a ńyãai. Ŋa pâi ŋánûai ƃâloi. Ńyãa Yâwɛɛ ƃé m̀o tí.

Zôna 2:9

Kɛ́lɛ ńyãai sɛɣɛ-fêi-woo káa ńai, ŋa pâi sâla kulâi mà. M̀ɛnii ŋá maa-kono-tee kɛ̀i, ŋa pâi gɛ̂i. Ŋuŋ-ma-ƃô a kûla Yâwɛɛ yêei.”

Zɔ̂ŋ 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Zɔ̂ŋ 16:33

Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Lomaŋ 1:21

Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, díkili ŋá púɔɔ.

Lomaŋ 14:17

Kpɛ́ni fêi, Ɣâla ŋɔkâloŋ-laai su-kulai fa nɔ́ a mìi-sɛŋ da kpele-sɛŋ. Kɛ́lɛ, zu-kulai ƃa tɔ̃yâ laa-la, lii-sêe, da lii-nɛ̃ɛ M̀ɔlêŋ Maa Waai kponôi.

Lomaŋ 15:13

Gili-kɛ-zu Ɣalai é kálaa fɛ́ɛ a líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Kɔleŋtiɛŋ Maa-ŋuŋ 10:17

Gbóloi káa tɔnɔɔ berei máŋ Kútamaâi lai, kúkelee kúkaa a kpono tɔnɔ, kpɛ́ni fêi, ku gbólo tɔnɔi tí mii.

Kɔleŋtiɛŋ Maa-ŋuŋ 7:15

Kɛ́lɛ, à kɛ̀ ǹúui nyíi laa-la fé ǹyêei é gbɛtɛ gíli ŋá a gɛ́ɛ dí táa, tɔɔ dí táa. Bere sii ti su, kúƃarâŋ-nuui tí, é máŋ kɛ́ a nɛnî kpaa surɔ̂ŋ, zɔŋ fé zu. Kpɛ́ni fêi, Ɣâla a kútoli lii-sêe ma.

Kɔleŋtiɛŋ Veerɛi 4:15

Gáa kákelee kámɛni ma a gɛ́ɛ berei ƃɛlɛ-sêe a lî la núu támaa pɔi, a sɛɣɛi-fei ƃɔlɔ Ɣâla ŋɔfólo-laai mɛni ma.

Kɔleŋtiɛŋ Veerɛi 9:11

A pâi kákɛ̂i ká kɛ́ a tɔɔ-ƃela pere-sii kélee su, kpɛ́ni fêi, ká ƃɛlɛ-sêe kɛ̀ a dámaa, nyíi pâi nûa kɛ̂i dí sɛɣɛi-fei tɛɛ Ɣâla pɔ kúsarâi,

Ifisiɛŋ 4:16

Kúkponôi kélee puɔɔ̂i gîe ma, ŋoŋo-ŋai kélee díkaa mɛni mai díɣiriɛ ma, Kôrai sarâi. Tãi kúkponôi ŋɔwoŋo-ŋai kélee da tíi kɛ̀ la gîe ma a ǹɛ́lɛɛi, gɛ̀ ní kúkponôi a ƃɔ̂lɔ, é gbîŋ tɔɔ wɛli-kɛ-maa su.

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Ifisiɛŋ 5:1

Mɛni ma ka kɛ́ a Ɣâla-pɔkɔɔŋ-ƃela yɛ̂ɛ wɛli-kɛ-maa nîa-pɛlɛɛ,

Ifisiɛŋ 5:20

Ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Kolasiɛŋ 1:12

Ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ kú kɛ́ a Ŋ̀âla-ƃelai tûa-perei da kɛ-ƃela gwaa-ponoɔi sui.

Kolasiɛŋ 2:7

Ka kásame píli gbonôi ka ƃɔlɔ naa, kákponôi é kpanaŋ naa-lai su, yɛ̂ɛ berei dí nɛ̀ la kâai. Sɛɣɛi-fei támaa é kɛ́ káyêei.

Kolasiɛŋ 3:17

Mɛni kélee ka gɛ̀ a káwooi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Tɛsɛlôniɛŋ Maa-ŋuŋ 5:18

ka sɛɣɛi-fei tɛɛ mɛni-sii kélee su. Kpɛ́ni fêi, nyíŋi káa a Ɣâla nîa-mɛni kámɛni ma Zîsɛ Kôrai kponôi.

Temete Maa-ŋuŋ 2:1

Maa-ŋuŋ ŋa m̀ôi a gɛ́ɛ sɛŋ maa-mare-kɛɛ kɛ́ɛ, Ɣâla-fɛliɛ, da sɛɣɛi-féi é kɛ́ núu kélee mɛni ma.

Temete Maa-ŋuŋ 6:12

Namu lɛ́lɛɛ kɔ́ ǹaa-lai mɛni ma. Ŋ̀wɔlɔ-wɔlɔ fulu-laai sóŋ a gbanaŋɔɔ nyíi Ɣâla è ítòli ma tãi í ílaa-lai maa-mɛni ƃò la a ǹɛ́lɛɛ sere támaa ŋɛi.

Ibulu 13:15

Mɛni ma kwaa laa-maa-tɛ sala kúla Ɣâla ma a tãi kélee zarâi, ǹyaa ƃa ǹáa tóli-wooi nyíi a kúla núu lái.

M̀ɛni-lɛɛi 7:12

díyɛɛi, “É kɛ́ tí! Lûwa, fólo-laa, táre, sɛɣɛ-féi, ƃaa-kɛ-maa, wala-wala-laa da kpanaŋ-laa dí kɛ̀ Kúɣâlai ma wɔ́lɔ-wɔlɔ da wɔlɔ-wɔlɔ! É kɛ́ tí.”