Kolasiɛŋ 3:12 - Ŋ̀âla Kɔlɔ Maa Waai

¹² Káa ƃa ǹûai Ɣâla a kálɛ, a kámaa waa, a káwɛli. Mɛni ma, maloŋ-kâa é kɛ́ káyêei, sɔŋ-lɛlɛ, maa-yeŋ, lii-lɛlɛ, da lii-kpele.

Kolasiɛŋ 3:12 ပူးပေါင်းရင်းမြစ်များ

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔlêŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Azaya 45:4

Ŋá ísìɣe zu a gɛɛ í kpɔŋ mâa tɛɛ ŋátii-kɛ ƃelai Eezuɛ-ŋai pɔ́, ǹûai nyii ŋá dísìɣe zui. Ŋá gɛ́ ƃaa kɛ́ maa támaa kɛ́ ƃò yâ, berei máŋ ífe ŋ́gɔlɔŋ lai.

Azaya 63:15

Yâwɛɛ, yái íkaa Ɣâla-taa íkwaa ma waai ma da ífolo-laai sui, lɛɛ naa í kú káa ǹɔii ma ƃɛ́. Kwa pɔ̂ri gɔ́lɔnîi léŋ a gɛɛ íkpaaŋɔ̂ɔi kú mɛni ma? Íwala-wâla laai káa mí? Íwɛ̂li-kɛ-maai da íŋɛi-maloŋ kâai káa mí? Ífe nia kûa.

Azaya 65:9

Ŋa pâi lûwa lâai Eezuɛ-ŋai nyii-ŋai kùla Zuda ŋɔsuui sui dîa. Gɛ̀ ní ǹɔii gáa ǹyée kpaya-kpayai mai, a pâi lɛɛ̂i a dílônii pɔɔ. Ǹûai nyii-ŋai ŋá dísìɣe zu, da tíi kɛ̂i ḿîi, da pâi seêi naa.

Zɛlemaya 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Zɛlemaya 31:3

ŋá kula díŋɛi kwaa kôyaa ma. Káai a Eezuɛ-ƃelai, ká wɛ́li káa kpɔ́ ḿâ a ŋ̀ánaa. M̀ɛni ma, ḿve niî ŋáwɛli kɛ́-maai su-saa-ni ká mɛni ma.

Izikiɛ 16:8

“Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Maafîu 24:22

Eêi kɛ̀ ŋele-ŋai tí su eêi wàla kpua, núu-kpune fêi ƃalo. Kɛ́lɛ, zu-ɣɛɛ-ƃelai mɛni ƃe ŋele-ŋai tí su a pâi kpuâi la.

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Maafîu 24:31

Gɛ̀ ní, a pâi Ŋɔɣâla-taa-kela-ŋai tɛɛ̂i dí tóli ƃó a túru-woo su kɛ́tɛ. Da pâi ŋɔsu-ɣɛɛ-ƃelai ŋá tɛ̂i gîe ma dí kúla ǹɔii-mela náaŋ su, é síɣe ŋele-kɔlɔŋ m̀éla tɔnɔ ma é tóo gbélii ma.

Mâki 13:20

À kɛ̀ Kúnuu-namui fé ŋ̀ele kûu-ŋai su kpua ní, núu-kpune da fêi pɔ̂ri ƃâloi. Kɛ́lɛ, è ŋ̀ele kûu-ŋai su kpua diai mɛni ma a dísiɣe zui.

Mâki 13:22

kpɛ́ni fêi, lɛ́ɛ Kôrai-ƃela da Ɣâla maa wôya lono kɛ́-ƃela da pâi pîlanii dí ŋɛi kɛ́-maa-ŋa lɛ́, da mɛni maa pɔlɔ-pɔ́lɔ-ŋa a gɛ́ɛ dí díyee láa diai dîa Ɣâla a dísiɣe zu a gbɔɔi-ƃelai.

Mâki 13:27

Gɛ̀ ní, a pâi ŋɔkéla-ŋai tɛɛ̂i é diai ŋáa tɛ́ ma, diai da kûla ǹɔii ƃéla náaŋ sui, dí kúla ǹɔii koyâŋ ma é tóo la ŋ̀elei koyâŋ ma.

Lûu 1:78

Kúɣâlai ŋɔmaloŋ kaai sârai, tãi ɣele-ƃɔ́i a pâi pâi la kúmɛi é kúla ɣelei póŋ-póŋ,

Lûu 18:7

Ɣâla fé pâi ŋɔsu-ɣɛɛ-ƃelai kulâi mɛni su diai da wɔ̂lɔ ma ɣele-ƃɔ́ɔ da kpini yée mui? A pâi díkɛ̂i dí maa kpɛŋ a zu kôyaa?

Lomaŋ 1:7

Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ. Kúnâŋ Ɣâla da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.

Lomaŋ 13:14

Kɛ́lɛ, ka Kúnuu-namui Zîsɛ Kôrai siɣe kálii su. Káfe kwaa ma lɛ̀ɛ kákponôi mɛni ma a gɛ́ɛ é ǹîa-mɛni kɛ́ naa.

Lomaŋ 9:11

Berei máŋ dífe niî kɛ̀ nîa-pɛlɛɛ maa sɔlɔ ƃo ni lai, ǹyaŋ nîa-pɛlɛɛi kpîŋ dífe niî kɛ̀ mɛni lɛ́lɛɛ kpaa máŋ mɛni nyɔ́mɔɔ kɛ́ níi, Kúnuu-namui è mò Lubɛka ma, “Nìa-nuui a pâi tíi kɛ̂i ǹeɣe-nuui mi.” Ɣâla a pâi kɛ̂i nɔ́ niî núu lɛ̂i yɛ̂ɛ berei a ŋ̀wɛ̂lii lai. Ve pâi dílɛ̂i díkɛ-mɛni ma, kɛ́lɛ, a pâi dílɛ̂i nɔ́, kpɛ́ni fêi, a dítoli.

Kɔleŋtiɛŋ Maa-ŋuŋ 13:4

Wɛli-kɛ-maa líi kpeleɛ̂i, zɔŋ lɛ́lɛɛ. Wɛli-kɛ-maa fé tólo ní, wɛli-kɛ-maa fa yoŋka tee.

Kɔleŋtiɛŋ Veerɛi 6:6

a maa-waa-laa, a táre, a lii-kpele, a sɔŋ lɛ́lɛ, a M̀ɔlêŋ Maa Waai, a tɔ̃yâ wɛli-kɛ-maa,

Galesiɛŋ 5:6

Kpɛ́ni fêi, diai díseɛɛi kpono mai da diai dífe see-ní, kpono mai, dímaa-mɛni fé a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sarâi.

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ifisiɛŋ 4:2

da maa-yeŋ-pere, ƃɛlɛ-laa, é pɛ́lɛ lii-kpele ma, a gɛ́ɛ ká kálii kpele kákîe-ni yêei wɛli-kɛ-maa su.

Ifisiɛŋ 4:24

Ka dua-pere ninâi siɣe, nyíi Ɣâla è gbɛ̀tɛ a molôŋ maa tɔ̃yâ laa-la sãa su da maa-waa-laai.

Ifisiɛŋ 4:32

Sɔŋ-lɛlɛ da lii-lɛlɛ dí kɛ́ káyêei kákîe-ni mɛni ma. Ka kákîe-ni su-mɛni lɛɛ nɔ́ yɛ̂ɛ berei Ɣâla è kasu-mɛni lɛɛ la Kôrai sarâi.

Felepiɛŋ 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Kolasiɛŋ 3:10

Ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ berei zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Tɛsɛlôniɛŋ Maa-ŋuŋ 5:15

Ka gáa a gɛ́ɛ káfe mɛni nyɔ́mɔɔ gba kula a mɛni nyɔ́mɔɔ, kɛ́lɛ, ka kɔ́ a tãi kélee a gɛ́ɛ ká mɛni lɛ́lɛɛ kɛ́ a kákîe-ni da núu kélee.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Temete Veerɛi 2:10

Mɛni ma ŋa mɛni-soli káâi diai mɛni ma Ɣâla è dílɛ̀i, a gɛ́ɛ dîa máŋ dí malo-laai sɔlɔ ƃo da ŋwɔlɔ-wɔlɔ folo-laai, nyíi-ŋai da pâ Zîsɛ Kôrai sarâi.

Taitɔ 1:1

Ńyãa Pɔ̂ɔ, ŋ́gaa a Ɣâla yée-mu-nuu, ŋ́gɛ ƃò ŋɔ́nɔ a Zîsɛ Kôrai ŋɔsia-nuu. Diai Ɣâla è dílɛ̀i, kwa dîa-ni kúlaa-lai káa zu tɔnɔɔ da dɔ̃yâi maa-tarei gáa díyêei nyíi da Ɣâla mɛni-kɛɛ díkaa zu tɔnɔi.

Pitɛ Maa-ŋuŋ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔlêŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe díkɛ káyêei a damaa.

Pitɛ Veerɛi 1:10

Mɛni ma ŋánûa, ká kɔ́ kpɔ́ a gbanaŋɔɔ a gɛɛ ká kátolii da kálɛi maa-mɛni é kɛ́ a tɔ̃yâ, kpɛ́ni fêi, à kɛ̀ kà nyíŋi kɛ̀, gɛ̀ ní káfe pâi wɔ́lɔ toôi.

Zɔ̂ŋ Maa-ŋuŋ 4:19

Wɛli-kɛ-maa káa kúyêei, kpɛ́ni fêi, ǹyaa fulɔi è kúwɛ̀li.

Zɔ̂ŋ Veerɛi 1:13

Ísaaƃɔlɔ-nɛnii nyíi Ɣâla è ǹɛi, ǹônii dí fâa kâa.

M̀ɛni-lɛɛi 17:14

Da pâi kɔ́ pɛlɛ̂i M̀ála-loŋ mâ. M̀ála-loŋ a pâi díyee mɛi ɣálêi, kpɛ́ni fêi, gáa a nuu-namu kélee Mɛi-nuu-namu, gɛ ƃo a kâloŋ-ŋa kélee Mɛi-kaloŋ. Diai díkaa gɔlɛi, dítoliɛ̂i, dílɛɛ, dísã́a.”