Kolasiɛŋ 3:1 - Ŋ̀âla Kɔlɔ Maa Waai

¹ À kɛ̀ ǹyaŋ ka Kôrai-ni ká kámu siɣe saa yêei gîe ma, gɛ̀ ní ka zãâi kɔ̂ri nyíi-ŋai díkaa kúmɛi-perei, ƃɛi Kôrai káa naa seêni Ɣâla laa-mii-yee mɛi.

Kolasiɛŋ 3:1 ပူးပေါင်းရင်းမြစ်များ

Wule-woo-ŋa 110:1

Yâwɛɛ è m̀o ŋánuu-namui ma ǹyɛɛi, “See ǹúu-pɔlɔ-ŋai see kwaai ma ńaa mii yee mɛi-pere. Ŋa pâi íkpɔara-ƃelai pûi íkɔɔ mu.”

Wule-woo-ŋa 16:11

Ya vúlu-laa perei lɛ́ ḿâ. Ŋà kɛ̀ íŋɛi-tuɛ, lii-nɛ̃ɛ káa ḿâ. Ŋà kɛ̀ ílaa mii-yee mɛi-pere, ńii a kɛ́ a ǹáa wɔ́lɔ-wɔlɔ da wɔ́lɔ-wɔlɔ.

Táre-woo-ŋa 15:24

Táre-nuu a sîa fúlu-laa pere su. Va sîa berei ma nyii a lî saa-taai.

Ikilisiati 10:2

Gáa a ɣéniɛ mɛni. Táre-nuu a táre mɛni kɛ̀, ƃòo-nuu kɛ́ ƃòo mɛni kɛ̀.

Maafîu 22:44

‘Nùu-namui-nuui è mò Ŋánuu-namui ma, See ńaa-mii-yee mɛi é lɛ́ɛ la zu ŋá íkpɔara-ƃelai pú íkɔɔ mu?’

Maafîu 26:64

Zîsɛ è mò m̀a, ǹyɛɛi, “Yâa m̀ó. Kɛ́lɛ, ŋá m̀ó yâ, é síɣe tãi ŋí mâ ka pâi núu-kpune Ǹóŋ kâai seêni Ŋ̀wála-wâla-laai láa-mii-yee mɛi, gɛ pa ŋele-kɔlɔŋ kole-ŋai su.”

Maafîu 6:20

Kɛ́lɛ, ka kátɔɔ-sãai lâai kɛ́ Ɣâla-taa kákpîŋ mɛni ma, ƃɛi fili da kpɛ̃ɛ dífa pɔ̂ri garâi naai, da ƃɛi ŋúma-ƃela dífa pɔ̂ri liî naa dí ŋumai.

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Mâki 12:36

Deeƃé ǹyaa kpîŋ è m̀o M̀ɔlêŋ Maa Waai sârai, ǹyɛɛi, ‘Nùu-namu-nuui è m̀o Ŋánuu-namui ma, See ńaa-mii-yee mɛi, é lɛ́ɛ la zu ŋá íkpɔara-ƃelai pú íkɔɔ mu.’

Mâki 14:62

Zîsɛ ǹyɛɛ m̀ai, “Ńyãa ƃa ǹyaa. Ka pâi núu-kpune Ǹóŋ kâai seêni Ŋwála-wala-laai láa-mii-yee mɛi, gɛ́ ƃò ŋ̀ele-kɔlɔŋ kole-ŋai su gɛ̀ pà.”

Mâki 16:19

Kúnuu-namu Zîsɛ kɛ́ɛ a lóno dípɔi, è tɛ̀ Ɣâla-taa, é sée Ɣâla láa-mii-yee mɛi.

Lûu 12:33

Ka kákɔ̂liŋ-ŋai kɔ́lɛ, ka sama-sã̂a tɛɛ gôlo-ƃelai pɔ́. Ka bɛ̂bɛ-ŋa kpɛtɛ kákpîŋ mɛni ma nyii ve pâi wɔ́lɔ pɔlɔ̂i, gáa a laai-kɛ-sɛŋ Ɣâla-taa nyii ve pâi fɛɣɛ̂i, ƃɛi ŋuma-nuu fé pâi pâi nàa kɔlɛ mai, kpaa fili fa zu karai.

Lûu 20:42

Kpɛ́ni fêi, Deeƃé ǹyaa kpîŋ e mò Ŋ̀ule-woo kɔlɔi su, ǹyɛɛi, ‘Nùu-namu-nuui è mò Ŋánuu-namui ma, “See ǹáa-mii-yee mɛi,

Lûu 22:69

Kɛ́lɛ, é kúla tãi ŋi ma, núu-kpune Ǹóŋ a pâi kɛ̂i seêni Ɣâla ŋɔwala-walai láa-mii-yee mɛi-pere.”

Zia-ƃelai Kɛ́-mɛni-ŋai 2:34

Deeƃé fé tɛ́ ní Ɣâla-taa, kɛ́lɛ, ǹyaa kpîŋ è mò, ǹyɛɛi, ‘Nuu-namui è mò Ŋánuu-namui ma, “See ƃɛ́ ńaa mii-yee mɛi-pere

Zia-ƃelai Kɛ́-mɛni-ŋai 7:55

Kɛ́lɛ, gbono è kɛ̀ a ǹáa fɛ́ɛ a M̀ɔlêŋ Maa Waai. E ŋ̀elei su kàa kpɔ́ é Ɣâla ŋɔfóloi káa é Zîsɛ káa tɔ̂ɔni Ɣâla láa mii yée mɛi,

Lomaŋ 8:34

gbɛ̂ɛ ƃa mɛni lɛ̂ɛ núu mai? Zîsɛ Kôrai ƃe nyíi sàa e ŋɔ́nɔ mu siɣe máŋ saa yêei, nyíi gáa seêni Ɣâla laa-mii-yee mɛi, nyíi a tɔ̂ɔ kúmɛni ma Ɣâla ŋɛi tuɛi?

Lomaŋ 8:6

Ǹyaŋ núu kíli puɔɔ gbîŋ-tua-perei ma káa a saa, kɛ́lɛ, núu kíli puɔɔ M̀ɔlêŋ ma káa a fulu-laa da lii-sêe.

Kɔleŋtiɛŋ Veerɛi 4:18

Kpɛ́ni fêi, kúkili fé zãâi dîa nyíi-ŋai kwa díkaâi, kɛ́lɛ, kúkili káa zãâi dîa nyíi-ŋai kúfa díkaâi. Kpɛ́ni fêi, zãâi kwa díkaâi da pâi tɛɛ̂i, kɛ́lɛ, zãâi kúfa díkaâi díkaa nɔ́ naa wɔlɔ-wɔlɔ.

Ifisiɛŋ 4:10

Ǹúui nyíi yèŋ ǹyaa ƃa ǹúui máŋ tɛ̀ ŋ̀elei su póŋ-póŋ, a gɛ́ɛ é sɛŋ kélee láa fɛɛi.

Ifisiɛŋ 5:22

Nɛyâa, ka kɛ́ kásinâai mu, yɛ̂ɛ berei kákaa la Kúnuu-namui mui.

Kolasiɛŋ 2:20

À kɛ̀ ka Kôrai-ni ká sàa, ǹyaŋ káŋuŋ mâ a nâa ƃó ŋ̀éniɛi su tua-perei yêei, lé mɛni ƃe ŋaŋ kákaa tuâi la yɛ̂ɛ kà kɛ̀ a ŋ̀éniɛi pɔ́ɔi? Lé mɛni ƃe ka kákpîŋ kɛ̀ ŋ̀éniɛi su-tɔŋ-ŋai mu,

Kolasiɛŋ 3:2

Ka kákili kɛ́ zãâi dîa díkaa kúmɛi-pere. Káfe kákili kɛ́ ǹɔii su-sãai dîa.

Ibulu 1:13

Kɛ́lɛ, ŋ̀âla-taa kelai nênɛ ƃe Ɣâla a wɔ́lɔ m̀ó ma, nyɛɛi, “See ńaa-mii-yee mɛi, é lɛ́ɛ la zu ŋa íkpɔara-ƃelai pú íkɔɔ mui”?

Ibulu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Ibulu 10:12

Kɛ́lɛ, tãi Kôrai è zâla tɔnɔi kùla la zu tɔnɔ sɔnyɔ̂ŋ kélee mɛni mai, è sèe Ɣâla láa-mii-yee mɛi

Ibulu 12:2

Kwaa kúŋɛi kɛ́ Zîsɛ ma nyíi kúlaa-lai kɔ́ɔ pìlaŋ é maa waai, nyíi zaa-wurui siɣe a ǹii-nɛ̃ɛi nyíi kɛ̀ ŋ̀ɛi-tuɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Ibulu 8:1

M̀ɛnii kpîŋ gáa m̀ɛnii ŋí su kwa m̀ôi ǹyaa ká ŋí. Sâla láa soŋ-nuu kɛ́tɛ kɛ́ɛ ŋí káa kúyêei, nyíi gáa seêni Ŋ̀wála-wâla kélee Ɣalai ŋɔsee-sɛŋ láa-mii-yee mɛi-pere Ɣâla-taai.

Pitɛ Maa-ŋuŋ 3:22

nyíi a lí Ɣâla-taa gáa seêni Ɣâla láa-mii-yee mɛi da ŋ̀âla-taa kela-ŋai, núu-mɛi-ƃelai, é pɛ́lɛ ŋwála-wala-ƃelai dîa nyíi-ŋai díkaa mui.