Kolasiɛŋ 2:9 - Ŋ̀âla Kɔlɔ Maa Waai

⁹ Kpɛ́ni fêi, Ɣâla Ŋɔɣâla-laai kélee káa gbonôi.

Kolasiɛŋ 2:9 ပူးပေါင်းရင်းမြစ်များ

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Lûu 14:22

Ǹyée-mu-nuui e mò, ǹyɛɛi, ‘Ńâmu, mɛnii í mòi aâ kɛ́, kɛ́lɛ, núu-seei káa niî ƃɛ.’

Lûu 3:22

M̀ɔlêŋ Maa Waai e yeŋ tòloŋ kponôi e pîlaŋ ma, nya ƃe wóo e kùla Ɣâla-taa, ǹyɛɛi, “Ya ƃa Ŋáwɛli-kɛ-maa-Loŋ. Ńii lâai a ímaa-mɛ̂ni.”

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Zɔ̂ŋ 1:16

Ǹyaŋ ŋɔlaa-fɛ̂ɛi su kúkelee kwa ƃɛlɛ-sêe támaa sɔlɔ ƃó gîe mɛi.

Zɔ̂ŋ 10:30

Kwa Nàŋ-nuui kúkaa tɔnɔɔ.”

Zɔ̂ŋ 10:38

Kɛ́lɛ, à kɛ̀ ŋà díkɛ̀, berei máŋ káfe lâai a ńyãai, ka láa a díi-ŋai, a gɛɛ ká gɔ́lɔŋ ká táre zu a gɛɛ Nàŋ-nuui káa ŋ́gbonôi ńyaŋ ŋ́gaa Nàŋ-nuui kponôi.”

Zɔ̂ŋ 14:20

Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Zɔ̂ŋ 17:21

Ŋa ífɛlîi a gɛɛ díkelee dí kɛ́ zu tɔnɔ, yɛ̂ɛ berei la yá Ńâŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Zɔ̂ŋ 2:21

Kɛ́lɛ, e kɛ̀ faâi gbîŋ-kponoi ma yɛ̂ɛ Ɣâla-pɛrɛ kɛ́tɛ.

Zia-ƃelai Kɛ́-mɛni-ŋai 17:29

Berei máŋ kúkaa la a Ɣâla ǹônii, kúfe Ɣâla ƃòloŋ gôo ma, kpaa káne, kpaa máŋ kɔni nyíi nuu-kpune a gbɛ̀tɛ a ǹyée, kpaa ŋɔkili-ŋa-siai.

Kɔleŋtiɛŋ Veerɛi 5:19

Zu-kulai ƃa Ɣâla è kɛ̀ Kôrai kponôi, tãi ǹyaa Ɣâla è kɛ̀ díloai kpɛ́tɛ̂i la da ŋ̀éniɛi su-ƃelai, ve dítɔ̂ŋ-karaa-ŋai siɣe ni a dísɔŋ. È loai-kpɛtɛɛ maa-worɛ-woo tɛ́ɛ kúpɔ.

Kolasiɛŋ 1:19

Kpɛ́ni fêi, Ɣâla è ŋ̀wɛli a gɛ́ɛ Ŋɔɣâla-laai kélee é kɛ́ gbonôi.

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa mɛni fólo-laa su,

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

Zɔ̂ŋ Maa-ŋuŋ 5:7

Mɔ̂leŋ ƃa zere-faa kɛ̀, kpɛ́ni fêi, Mɔ̂leŋ ƃa dɔ̃yâi.