Kolasiɛŋ 2:8 - Ŋ̀âla Kɔlɔ Maa Waai

⁸ Ka kámɛi káa a gɛ́ɛ núu da fé káƃòo a táre-lono-ŋa da núu pɛlɛ-woo kpɛ́ni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Kolasiɛŋ 2:8 ပူးပေါင်းရင်းမြစ်များ

Wule-ŋa Kélee Mɛi Wûle 2:15

Gɛlɛ̂ŋ-ŋai sôŋ, da bɛ̀lɛɛ-pɛlɛɛi dífa la kúkpɔmɔ kpâlaŋ-ŋai ŋá kara la kpɛ́ni fêi bòa tãi a seri.

Zɛlemaya 29:8

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai nyíi-ŋai díkaa kásamai dîa. Dífa lâa ká pɛ́lɛ la, kpaa máŋ núu da kpɛ́ni kélee ma nyíi môi a gɛɛ a tínaa-tuɛ mɛni ƃôi. Káfe káwoli tɔ̀ɔ dísee-woo-ŋai dîa.

Maafîu 10:17

Kɛ́lɛ, ka kámɛi káa a núu-kpune-ŋa. Kpɛ́ni fêi, da pâi kátɛɛ̂i koyâŋ-ŋa su, dí kálôkwa a ŋánaa Díɣâla-fɛli kêre-ŋai mu.

Maafîu 16:6

Nya ƃe Zîsɛ è mò dîa, ǹyɛɛi, “Ka kámɛi káa a Faresii-ŋai da Sâdusii-ŋai díkpolo-tɛ-sɛŋ.”

Maafîu 7:15

“Ka kámɛi káa a Ɣâla-maa-wôya lono-kɛ-ƃela. Da pâ kápɔ ƃála-kɔlɔ su, kɛ́lɛ, díkponôi kɛ́ ƃo a kɔ́li lii-ŋwánaa-ŋa.

Zia-ƃelai Kɛ́-mɛni-ŋai 17:18

Da Ɛpikureaŋ tare-ƃelai da-ŋa da Sitoi tare-ƃelai dí pɛ̀lɛ díkîe ni lá sia toôi. Díta-ni dí mò, dîyɛɛ, “Le ƃe moo-lono kɛ́-naloŋ ŋí a ŋ̀wɛ̂lii é m̀oi?” Da-ŋa dîyɛɛi, “Gɛ̂ɛi yɛ̂ɛ ǹyaa ƃé gáa mɛni lɛ̂i é pîlaŋ lɔii da kpɛ́ni su ɣâla-ŋa dîa.” Dí m̀o tí, kpɛ́ni fêi, è kɛ̀ Duŋ Lɛ́lɛɛi ƃôi é pîlaŋ Zîsɛ ma da mu-siɣeɛ saa-yeei.

Zia-ƃelai Kɛ́-mɛni-ŋai 17:32

Pɔ̂ɔ lónoɔɔ é pîlaŋ m̀u-siɣe yêei saa yêei mɛni mai, ǹúui da-ŋa dí ɣɛ́lɛ maa kùla gbonôi, gbéli-ŋai dí mò, dîyɛɛi, “Kwa pâi íwoo mɛnii ŋɔ́nɔ é pîlaŋ mɛnii ŋí ma.”

Lomaŋ 16:17

Ŋa kákpera fêi, ŋánûa, a gɛ́ɛ ka kámɛi káa a diai da pâ a ŋa-kɔlɛ-mɛni da mɛni-kpanaŋ nyɔ́mɔɔ-ŋa, nyíi-ŋai dítɔɔ̂i zɛŋ-lɛɛi ma ka zɔlɔ ƃôi; ka yao dîa.

Kɔleŋtiɛŋ Maa-ŋuŋ 10:12

M̀ɛni ma ǹúui gáa gíli ŋá a gɛ́ɛ a pɔ̂ri tɔɔ̂i, tɔ́ɔ é m̀ɛi káa va lâ too la.

Kɔleŋtiɛŋ Maa-ŋuŋ 8:9

M̀ɛnii ka pɔ̂ri gɛ̂i nya ƃa ka kámɛi káa. A wàla kɛ́ tí, gɛ̀ ní káŋuŋ-ma-ƃoi a pâi kɛ̂i a vii kpɛɛ-ƃelai perêi kpáaŋ-sɛŋ.

Kɔleŋtiɛŋ Veerɛi 10:5

Kwa sia-mɛni kélee su kàra, kúkɛ yoŋka-mɛni kélee su kara nyíi a tɔ̂ɔ Ɣâla maa-tarei ŋɛi tuɛi, kúkɛ kili-ŋa-sia kélee kɛ́ a gɛ́ɛ ku Kôrai wóo mɛni.

Galesiɛŋ 1:14

Ńdɔɔ̂i è kɛ̀ kpɔ́ a gɛ́tɛ Zûu-ŋai Díɣâla-mɛnii su é tɛ́ɛ ḿbɔri támaa ma ŋánûai sama. Maa-mɛni ƃe ŋá kɔ̀ kpɔ́ la a gbanaŋɔɔ ŋánûa-pɔlɔ-ŋai tua-perei maa-mɛni ma.

Galesiɛŋ 4:3

Bere nɔ́ ƃe kúa máŋ, tãi kú kɛ̀ la a nîa-pɛlɛɛi, kú kɛ̀ la a luɛ-ŋa ŋ̀éniɛi su-ƃelai tûa-perei yée mu.

Galesiɛŋ 4:9

Kɛ́lɛ, ka nâa Ɣâla kɔ́lɔŋ, ǹyaŋ m̀ɛnii gbanaŋɔɔ̂i ƃa, Ɣâla a nâa kákɔlɔŋ. Ka pɔ̂ri tínaŋ-pere kɛ̂i leŋ ŋɔ́nɔ ŋ̀éniɛi-su-ƃelai tua-pere fii-kpɛɛ-ŋai dîa nyíi-ŋai díkaa nɔ́ kpɛ́ni-kpɛni, ká kɛ́ ŋ̀wɛli a gɛ́ɛ ká kɛ́ ŋɔ́nɔ a díluɛ-ŋai?

Galesiɛŋ 5:15

Kɛ́lɛ, ká kákîe-ni nyìŋ, kákɛ kákîe-ni mii, ká kámɛi káa a gɛ́ɛ káfe kákîe-ni su kara.

Ifisiɛŋ 2:2

Ká sia tɔ̂ŋ karaa su da sɔnyɔ̂ŋ a maa-ŋuŋ. Ká kɛ́ ŋ̀éniɛi ŋí su tua-perei pôlu, ká kɛ́ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 4:20

Kɛ́lɛ, káfe Kôrai mɛni maa kɔri ni a bere-sîi-ŋai ti!

Ifisiɛŋ 5:6

Núu da fé kápɛlɛ a wóo folo-ŋa. Kpɛ́ni fêi, nyíŋi-ŋai ƃe da pâ a Ɣâla ŋɔlii-ŋwanai nîa-pɛlɛɛi dîa dífa ŋ̀óo mɛ̀nii.

Dutɛrɔnome 6:12

Mɛni ma, káfe ǹia Káɣâlai Yâwɛɛ ma. Ǹyaa ƃé kákùla ǹuɛ-laa su Ize lɔii su.

Felepiɛŋ 3:2

Ka kámɛi káa a ŋ̀îla-ŋai. Ka kámɛi káa a díi nyɔ́mɔɔ-kɛ-ƃelai. Ka kámɛi káa a diai da dísua tèe-tee diai.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolasiɛŋ 2:20

À kɛ̀ ka Kôrai-ni ká sàa, ǹyaŋ káŋuŋ mâ a nâa ƃó ŋ̀éniɛi su tua-perei yêei, lé mɛni ƃe ŋaŋ kákaa tuâi la yɛ̂ɛ kà kɛ̀ a ŋ̀éniɛi pɔ́ɔi? Lé mɛni ƃe ka kákpîŋ kɛ̀ ŋ̀éniɛi su-tɔŋ-ŋai mu,

Kolasiɛŋ 2:22

Día ƃa sɛŋ nyíi kélee da tíi kɛ̀ la é kpɛ́ɛi. Nyíŋi káa yɛ̂ɛ núu-kpune ŋɔtɔ̂ŋ-ŋai da ŋɔsɛŋ-lɛɛ-ŋai.

Kolasiɛŋ 2:23

Nyii-ŋai díkaa kpɔ́ yɛ̂ɛ táre a tɔ̃yâ. Da Ɣâla fɛli-pere kpanaŋ, díkɛ tɔ̂ŋ kpɛ́ díkpîŋ ma, dí ŋwana-lɔ̂ɔ kɛ́ a díkpono, kɛ́lɛ, nyíi-ŋai kélee fela-fei fé ma a gɛ́ɛ dí núu-kpune kpîŋ-tua pere-nyɔŋ kpera.

Temete Maa-ŋuŋ 6:20

Óo Temete, zɛŋ dí nɛ̀ɛ íyeêi, m̀ɛi káa. Ƃoo-lono nyíi maa fé waa ni, íkɛ̂i kôyaa ma, da sîa-mɛnii nyíi da dòli a táre lɛ́ɛ-perei sui,

Temete Veerɛi 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Ibulu 13:9

Káfe nɛ̀ɛ naa sɛŋ-lɛɛ nina sii da kpɛni-ŋa díka kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Ibulu 3:12

Ḿarâai, ka kámɛi káa, à wàla kɛ́ tí mɛni nyɔ́mɔɔ a pâi kɛ̂i kákponôi, líi nyíi ve a laa-la-lii é kɛ́ kákoi, nyíi pâi kákɛ̂i ká kákɛ̂i kôyaa vulu-laa Ɣalai mai.

Pitɛ Maa-ŋuŋ 1:18

Ka gɔlɔŋ a gɛɛ dí kámaa tèe mɛni kpɛ́ni-kpɛni ŋai sú nyii-ŋai ká gùla kánâŋ-ni yêei. Dífe kámaa tée ní a zãâi nyíi-ŋai da tɛ̂ɛi, yɛ̂ɛ káne da gôo.

Pitɛ Veerɛi 3:17

Mɛni ma, ŋáwɛli-kɛ-maa ƃelai, yɛ̂ɛ berei ká nyíŋi kɔ́lɔŋ la nàa tuɛi, ka kámɛi káa, à wàla kɛ̀ tí ŋ̀wana-lɔ̂ɔ-ƃelai dítûa-pere nyɔŋ a pâi kákulâi berei ma é kákili-tɔɔ maa tɔnɔi láŋ káyêei.

Zɔ̂ŋ Veerɛi 1:8

Ka kákpîŋ mɛi káa a gɛɛ zɛŋ ká maa-tii kɛ̂i káfe nàŋ, kɛ́lɛ, a gɛɛ ká m̀aa fela-féi lá fɛ́ɛ sɔlɔ ƃo.