Kolasiɛŋ 2:7 - Ŋ̀âla Kɔlɔ Maa Waai

⁷ Ka kásame píli gbonôi ka ƃɔlɔ naa, kákponôi é kpanaŋ naa-lai su, yɛ̂ɛ berei dí nɛ̀ la kâai. Sɛɣɛi-fei támaa é kɛ́ káyêei.

Kolasiɛŋ 2:7 ပူးပေါင်းရင်းမြစ်များ

Wule-woo-ŋa 1:3

Díkaa yɛ̂ɛ sí-sãa nyii-ŋai dísiɣɛ̂i yá kɔlɛi. Da kpɛ̂tɛ díkɛ ƃà tãi ma. Dílaa fa wɔ́lɔ kpàla dîa. Díkɛ mɛni kélee ŋ̀aa-see a kɛ̂ a ǹɛ́lɛɛ díyêei.

Wule-woo-ŋa 92:13

Dísiɛ̂ɛi Yâwɛɛ ŋɔpɛ́rɛi mu. Dísame a pâi lɔ̂i Ɣâla Ŋɔpɛ́rɛi Kɛ́tɛi mu díƃûu ƃó.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi laa maa tɛ̂ yokpo tôo dîa. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Zɛlemaya 17:8

Maa nûui tí káa yɛ̂ɛ ŋ̀úrui nyíi gáa tɔɔ̂i ya-ɣɛli-loŋ kɔlɛi, gɛ́ zame-ŋai lɔ̂ ǹyái mu. Va yâo a fólo-ɣele, kpɛ́ni fêi, ǹáa a kɛ̂ nɔ́ a ŋunu. Vé kpáani à kɛ̀ tuna a wàla pú. À kɛ̂ kpɔ́ nɔ́ ƃâi.

Lûu 6:48

M̀óloŋɔɔ̂i ǹúui ma nyii pɛ́rɛ tɔ̀ɔ, é ǹóa tée a ziŋɔɔ, é gɔ́ɔ pîlaŋ kɔni ŋái. Tãi ǹyá-fɛ̂ɛi è pà lai, ǹyá-ɣilîŋ è sɔ̀ɔ bɛ́rɛi ma, kɛ́lɛ, ve pɔ̂ri ní dûmoi, kpɛ́ni fêi, è kɛ̀ a dɔ́ɔ a gbanaŋɔɔ.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi wɔ́lɔ kɛ̀ noo-perei a tãi su kôyaa,

Kɔleŋtiɛŋ Maa-ŋuŋ 1:8

nyíi pâi kásonîi é lɛ́ɛ la zu gbɛɛ ŋái é pá a gɛ́ɛ ka sɔŋ fé lɛ́ɛ kâa Kúnuu-namui Zîsɛ Kôrai ŋɔɣelei mai.

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Kɔleŋtiɛŋ Veerɛi 1:21

Kɛ́lɛ, Ɣâla ƃe kwa yá kúkɛ̀ ku tɔ́ɔ a gbanaŋɔɔ Kôrai kponôi, ǹyaŋ a kúmaa waa ŋɔtíi mɛni ma.

Ifisiɛŋ 3:17

a gɛ́ɛ Kôrai é kɛ́ kálii su laa-la sarâi. A gɛ́ɛ gbɛɛ ŋái tãi kásame à lɔ̀ lai, káseêi é kpanaŋ wɛli-kɛ-maa su,

Ifisiɛŋ 4:21

À kɛ̀ ká ŋ̀óo mɛ̀ni é sɛŋ lɛ kâa yɛ̂ɛ berei tɔ̃yâ káa la Zîsɛ kponôi,

Ifisiɛŋ 5:20

Ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Kolasiɛŋ 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔ ká fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí è ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Kolasiɛŋ 3:17

Mɛni kélee ka gɛ̀ a káwooi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Tɛsɛlôniɛŋ Maa-ŋuŋ 5:18

ka sɛɣɛi-fei tɛɛ mɛni-sii kélee su. Kpɛ́ni fêi, nyíŋi káa a Ɣâla nîa-mɛni kámɛni ma Zîsɛ Kôrai kponôi.

Tɛsɛlôniɛŋ Veerɛi 2:17

É kálii ŋá nɛnɛ é dísu kpanaŋ tíi lɛ́lɛɛ kélee da wóo lɛ́lɛɛ kélee su.

Ibulu 13:15

Mɛni ma kwaa laa-maa-tɛ sala kúla Ɣâla ma a tãi kélee zarâi, ǹyaa ƃa ǹáa tóli-wooi nyíi a kúla núu lái.

Ibulu 13:9

Káfe nɛ̀ɛ naa sɛŋ-lɛɛ nina sii da kpɛni-ŋa díka kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Pitɛ Maa-ŋuŋ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee Ɣalai nyíi a kátoli ŋɔwɔlɔ-wɔlɔ fólo-laai mâ Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Zûu 1:12

Ǹûai ŋí díkaa a kúwɛli-kɛ-maa kûu-ŋai kara-ƃela, yɛ̂ɛ berei da lɔɔ-kpele-kûu kɛ̀ la gîe ma pono ŋa, díkɛ kpaaŋ nɔ́ díkpîŋ mɛni mai. Díkaa nɔ́ yɛ̂ɛ ɣele-kɔlɔŋ kole nyíi tuna fé zui nyíi fãa a tɛ̂ɛ lai. Díkaa a wúru-ŋai nyíi-ŋai dífa ƃâi. Dí sàa gîe feerɛ, díƃuleŋɔɔ.

Zûu 1:20

Kɛ́lɛ káa, ŋáwɛli-kɛ-maa-ƃelai, ka kákpîŋ tɔ̀ɔ kálaa-la kɛ́tɛ maa waai sarâi. Ka Ɣâla fɛli M̀ɔlêŋ Maa Waai ŋɔwala-wala-laai su.

Zûu 1:24

Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,