Kolasiɛŋ 2:5 - Ŋ̀âla Kɔlɔ Maa Waai

⁵ Berei máŋ ŋ́gbono fé la kákɔlɛi, ŋ́gaa kákɔlɛ ŋámɔlêŋ su. Ńii nɛ̃ɛ̂i a gɛ́ɛ ŋa kákaa kakɛ tíi kɛ̀ gîe ma kálaa-lai su kpanaŋɔɔ Kôrai kponôi.

Kolasiɛŋ 2:5 ပူးပေါင်းရင်းမြစ်များ

Kɔlɔnikɔ Veerɛi 29:35

Gereŋ-sala sãai è kɛ̀ kpɔ́ a dámaa a ŋ̀ánaa é pɛlɛ zua-wulɔi ma nyíi kɛ̀ ǹii-sêe sama-sɛŋ mɛni mai da gbele-sɛŋ sama-sɛŋ nyíi lɛɛ gereŋ-salai pôlu ma. Tãi ŋí ƃe dí nâa pɛlɛ la Ɣâla fɛlii Yâwɛɛ ŋɔpɛ́rɛi mu ŋɔ́nɔ.

Wule-woo-ŋa 78:37

Dífe kɛ́ ní a díteniŋ ƃóɔɔ ǹyêei. Dífe díkono têe-ŋai ŋ̀aa-see kɛ́ ní.

Wule-woo-ŋa 78:8

a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Nɔŋba 7:11

Yâwɛɛ è mò Mose ma ǹyɛɛi, “Fɛ̂ɛ Eezuɛ-ŋai láa-tuɛ-ƃelai dí pá a dísama-sãai tɛi-tɛi a fólo tɛi-tɛi, núu tɔnɔ fólo tɔnɔ.”

Zia-ƃelai Kɛ́-mɛni-ŋai 2:42

Dí dítãi dámaa pù sɛŋ maa kɔ́riɛɛ su zia-ƃelai yée mu. Da dia-ni díkɛ̀ díkîe ma dí ɣala fɛli gîe ma díkɛ dílaa mii gîe ma.

Zia-ƃelai Kɛ́-mɛni-ŋai 20:21

Ŋá núu lii-peneɛɛ Ɣâla pɔ́-pere maa sêre-faa kɛ̀ Zûu-ŋai dîa, Gurii-ŋai máŋ da laa-la Kúnuu-namui Zîsɛ Kôrai mɛni ma.

Kɔleŋtiɛŋ Maa-ŋuŋ 11:34

puru à kɛ̀ núu da kélee kɛ̀i, é ǹáa míi ŋɔpɛ́rɛi mu-a gɛ́ɛ káfè pà nɔ́ kákîe-ni ma a gɛ́ɛ dí tɔ̂ŋ pu kâa. À kɛ̀ a mɛni kpeli-ŋai, ŋà pà ŋa pâi dísu kpɛtɛ̂i.

Kɔleŋtiɛŋ Maa-ŋuŋ 14:40

Kɛ́lɛ, fɛ̂ɛ m̀ɛnii kélee é kɛ́ a ǹɛ́lɛɛ gɛ ƃò a zã́a.

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Kɔleŋtiɛŋ Maa-ŋuŋ 16:13

Ka kámɛi káa, ká tɔ́ɔ a gbanaŋɔɔ kálaa-lai su, lii-kpele é kɛ́ káyêei, kákponôi é kpanaŋ.

Kolasiɛŋ 2:1

Mɛni ma ŋa ŋ̀wɛ̂lii ká gɔ́lɔŋ berei ŋa kɔ̂i la kpɔ́ a gbanaŋɔɔ kámɛni mai, da diai díkaa Leodisiɛ da diai kélee dífe niî ŋ́gaa níi,

Tɛsɛlôniɛŋ Maa-ŋuŋ 2:17

Kɛ́lɛ, ŋánûa, kúkpono fé kɛ́ ni kákɔlɛ a tãi kpua-loŋ, kɛ́lɛ, kúlii fei, kú kɛ̀ káwɛ̂lii a ŋ̀ánaa a gɛ́ɛ kwa kaa-ni kú kúŋɛi pu gîei.

Tɛsɛlôniɛŋ Maa-ŋuŋ 3:8

Ǹyaŋ kúkaa nâa fulu-laa su, à kɛ̀ kákaa Kúnuu-namui kponôi.

Ibulu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sôŋ a gbanaŋɔɔ é seri gɔ̃yɛŋ ma.

Ibulu 6:19

Gili-kɛ-zui ŋí káa yɛ̂ɛ kúmɔlêŋ soŋ-kɔli kpanaŋɔɔ a tɔ̃yâ. Gáa a gili-kɛ-zui nyíi a lɔ̂ pɔ̂rɔŋ é tɛ́ɛ zeɣe sɛ̂lɛŋɔɔ pôlu,

Pitɛ Maa-ŋuŋ 5:9

Ka kɔ́ bɔ ká tɔ́ɔ a gbanaŋɔɔ kálaa-lai su. Ka gɔlɔŋ a gɛɛ mɛni-soli tɔnɔi tí káa kánûai kponôi ǹɔii gwaa kélee.

Lûfi 1:18

Naomi kɛ́ɛ a gɔ́lɔŋ a gɛ́ɛ Lûfi líi kulâi a gɛ́ɛ da ǹyaa dí líi, vé ŋɔ́nɔ mɛni da ƃó ní.