Kolasiɛŋ 2:4 - Ŋ̀âla Kɔlɔ Maa Waai

⁴ Ŋa nyíŋi ƃôi a gɛ́ɛ núu da fé kápɛlɛ a la-nɛ̃ɛ-maa-lono.

Kolasiɛŋ 2:4 ပူးပေါင်းရင်းမြစ်များ

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Maafîu 24:4

Nya ƃe Zîsɛ è díwoo su tòo, ǹyɛɛ diai, “Ka kámɛi káa a gɛɛ núu da fé kápɛ̀lɛ.

Mâki 13:22

kpɛ́ni fêi, lɛ́ɛ Kôrai-ƃela da Ɣâla maa wôya lono kɛ́-ƃela da pâi pîlanii dí ŋɛi kɛ́-maa-ŋa lɛ́, da mɛni maa pɔlɔ-pɔ́lɔ-ŋa a gɛ́ɛ dí díyee láa diai dîa Ɣâla a dísiɣe zu a gbɔɔi-ƃelai.

Zia-ƃelai Kɛ́-mɛni-ŋai 20:30

káa kpîŋ kásama máŋ nûa da pâi kulâi naa díkɛ lɛ́ɛ mɛni-ŋa ƃo a gɛ́ɛ dí dípôlu-ƃela kɛ́ ma.

Kɔleŋtiɛŋ Maa-ŋuŋ 2:4

Ńono-woo da m̀ɛnii ŋá kɛ̀ m̀ôi dífe kɛ́ ni nɔ́ a la-nɛ̃ɛ maa-tare woo-ŋa, kɛ́lɛ, dí kɛ̀ a M̀ɔlêŋ ŋɔmɛni-ŋa-lɛɛ da ŋɔwála-walai,

Kɔleŋtiɛŋ Veerɛi 11:3

Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ galii è Iî pɛ̀lɛ la a ŋɔwôyai, bere ƃe kákili-ŋa-siai a pâi kákulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Galesiɛŋ 2:4

Dífe nyíŋi kɛ́ ni, berei máŋ diai díkpîŋ kɛ̀ a káƃarâa wôya-pere sui dí pà la loo-pere su a gɛ́ɛ dí kúŋuŋ mâ-ƃoi káa nyíi gáa kúyêei Zîsɛ Kôrai kponôi a gɛ́ɛ dí li a kúa luɛ-laa sui.

Ifisiɛŋ 4:14

Gɛ̀ ní kúfe ŋɔ́nɔ pâi kɛ̂i yɛ̂ɛ nîa-pɛlɛɛ. Sɛŋ-lɛɛ nina kélee maa-fãai fé pâi kulâi ƃɛ-pere kpaa manaa-pere, kpaa máŋ é kútinâŋ-tinaŋ. Zɛŋ-lɛɛ ninai ŋí a kûla nûa díwôya-pere su, dítare-kiri, da dínuu-pɛlɛ lɛ̂ɛ-ŋai.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋaisiai kɛ́ ƃo kpɛni-kpɛni.

Ifisiɛŋ 5:6

Núu da fé kápɛlɛ a wóo folo-ŋa. Kpɛ́ni fêi, nyíŋi-ŋai ƃe da pâ a Ɣâla ŋɔlii-ŋwanai nîa-pɛlɛɛi dîa dífa ŋ̀óo mɛ̀nii.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolasiɛŋ 2:8

Ka kámɛi káa a gɛ́ɛ núu da fé káƃòo a táre-lono-ŋa da núu pɛlɛ-woo kpɛ́ni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Temete Veerɛi 2:16

Ífe íyee píli moo-lono kɛɛ-ŋai ti su nyíi-ŋai dímaa fé waa ni, kpɛ́ni fêi, a pâi nûa kɛ̂i dí dípôlu tɔɔ Ɣâla mɛni kɛ́ɛ ma a gbanaŋɔɔ.

Temete Veerɛi 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Zɔ̂ŋ Maa-ŋuŋ 2:18

Nîa-pɛlɛɛ, tãi gbɛɛ ŋái káa yɛ̂ɛ berei ka mɛni la a gɛɛ Kôrai ŋɔtɔɔ-maa-nuu a pâi, ŋɔtɔɔ-maa-ƃela támaa da nâa pá. M̀aa mɛni ma kwa gɔ́lɔŋ a gɛɛ gáa a tãi gbɛɛ ŋái.

Zɔ̂ŋ Maa-ŋuŋ 2:26

Ŋá m̀ɛnii ŋí pɔ̃yɛ ká pɔ́naa é pîlaŋ ǹûai dîa da ŋ̀wɛlii dí kápɛlɛ̂i.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.

Zɔ̂ŋ Veerɛi 1:7

Núu-pɛlɛ ƃela támaa da lí ǹɔii sú, dia ƃa ǹûai dífa fâa Zîsɛ Kôrai pá mɛni ma núu-kpune kponôi. Ǹúu sii ŋai ŋí ƃe díkaa a ǹúu-pɛlɛ ƃelai da Kôrai ŋɔtɔɔ-maa ƃelai.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.

M̀ɛni-lɛɛi 20:3

é bìli ǹóai sú é ǹá tɛ́ a ǹyée-pɔɔ a gɛɛ vé ŋɔ́nɔ ǹɔii-ŋuŋ-ŋai pɛlɛ é lɛ́ɛ la zu góraŋ wála tɔnɔi (1,000) é kpɛ̀ɛ. Nyíti pôlu ma, fɛ̂ɛ dí vuloŋ a tãi kpua-loŋ.

M̀ɛni-lɛɛi 20:8

Ǹyaŋ a pâi kulâi a gɛɛ é ǹɔii-ŋuŋ-ŋai pɛlɛ, nyíi-ŋai díkaa ǹɔii-ƃela náaŋ mai. Zu-kulâi ƃa Gɔ̂ɔ da Magɔɔ, a gɛɛ é díŋa tɛ́ díkîe-ni dîa kɔ́-kɔ mɛni ma. Dítamaâi yɛ̂ɛ yúoi-ŋɛya.