Kolasiɛŋ 2:2 - Ŋ̀âla Kɔlɔ Maa Waai

² a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolasiɛŋ 2:2 ပူးပေါင်းရင်းမြစ်များ

Kâloŋ Maa-ŋuŋ 3:28

Gɛ́ɛ Eezuɛ-ƃelai da mɛni ŋá teɛɛ̂i ŋí duŋ mɛni nyíi Saloma è gɛ̀i, dí yào gâloŋ ma, kpɛ́ni fêi, dí gàa a gɛ́ɛ ŋɔtárei è kùla Ɣâla yêei mɛni-sâa ŋá tée mɛni ma a zãa.

Wule-woo-ŋa 133:1

Maa-nɛ̃ɛi, gɛ́ ƃò a mɛni lɛ́lɛɛ a gɛɛ Ɣâla ŋɔnûai díkɛ díkîe ma woo lâa-maa su.

Azaya 32:17

Mɛi-kâa laa lɛ́lɛɛ mɛni da lii-sêe da pâi kɛ̂i ǹɔii su. A pâi kɛ̂i tí, kpɛ́ni fêi, nûa da pâi kɛ̂i tɔ̃yâ da teniŋ-ƃô mɛni-ŋa kɛ̂i a díkîe-ni.

Azaya 40:1

Kúɣâlai a m̀ôi ǹyɛɛi, “Ka ŋánûai ŋánɛnɛ. Ka díŋa-nɛnɛ!

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Zɛlemaya 9:24

Kɛ́lɛ zɛŋ é gíli tɔ́ɔ mai, ǹyaa ƃa Ńyãa Yâwɛɛ, é tela ŋ́gɔlɔŋ a Ɣâla, dáreɛɛ ḿaa mɛ̂ni su. É kɛ́ tela a gɔ́lɔŋɔɔ a gɛɛ ńyãa ƃa Yâwɛɛ nyíi ŋáwɛli kɛ́-maai kpanaŋɔ̂ɔi, ńdeniŋ ƃôɔɔ, ŋ́gɛ mɛni ŋá tèe a tɔ̃yâ-pere ǹɔii ŋí su. É kɛ́ a gɔ́lɔŋɔɔ a gɛɛ mɛni-ŋai ŋí ƃé ǹɛ̂lɛɛi a ńîa. Ńyãa Yâwɛɛ ƃé mò tí.”

Maafîu 11:25

Maa-tãi tí su Zîsɛ è zu tòo, ǹyɛɛi, “Ŋa ísɛɣɛ̂i fêi, Ńâŋ, ŋelei da ǹɔii dínuu-namu, a gɛɛ ya mɛni-ŋai ŋí lóo dáre-ƃelai dîa da zɛŋ-kɔlɔŋ-ƃelai, ya ǹɛ́ ǹîa-pɛlɛɛi dîa.

Maafîu 11:27

Nàŋ-nuui a sɛŋ kélee tɛ́ɛ ḿbɔ. Núu da fé Nòŋ-nuui kɔ́lɔŋ fɛ̂ɛ Nàŋ-nuui, kpaa máŋ núu da fé Nàŋ-nuui kɔ́lɔŋ fɛ̂ɛ Nòŋ-nuui, bɛlɛɛ ǹúui ma nyii Nòŋ-nuui a zìɣe a gɛɛ é ǹɛ́ mài.

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Lûu 1:1

Berei nɔ́ núu támaa-ɣele da díyee pú la zu a gɛɛ dí mɛni-pɔ̂lɔ-ŋa pɔ̃yɛ dí bú gîe-ma é pîlaŋ m̀ɛni-ŋai dîa nyii-ŋai da kɛ́ kúsamai,

Zɔ̂ŋ 10:30

Kwa Nàŋ-nuui kúkaa tɔnɔɔ.”

Zɔ̂ŋ 10:38

Kɛ́lɛ, à kɛ̀ ŋà díkɛ̀, berei máŋ káfe lâai a ńyãai, ka láa a díi-ŋai, a gɛɛ ká gɔ́lɔŋ ká táre zu a gɛɛ Nàŋ-nuui káa ŋ́gbonôi ńyaŋ ŋ́gaa Nàŋ-nuui kponôi.”

Zɔ̂ŋ 16:15

Nyii kélee gáa Nàŋ-nuui yêei díkaa a ḿbɔɔ. Maa-mɛni ma ŋá mò, ńyɛɛ, a pâi ḿbɔɔ siɣêi é ǹɛ kâa.

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Zɔ̂ŋ 5:17

Kɛ́lɛ, Zîsɛ è zu tòo, ǹyɛɛi, “Ńâŋ káa niî tíi kɛ̂i, ńyãa máŋ ŋ́gaa tíi kɛ̂i.”

Zɔ̂ŋ 5:23

a gɛɛ ǹúui kélee dí ƃâa kɛ́ Nòŋ-nuui ma yɛ̂ɛ berei nɔ da ƃâa kɛ̀ la Nàŋ-nuui ma. Ǹúui nyii va ƃâa kɛ̀ Nòŋ-nuui ma, va ƃâa kɛ̀ Nàŋ-nuui ma nyii dɛ̀ɛi.

Zɔ̂ŋ 6:69

ǹyaŋ kwa láa la kwa gɔ̀lɔŋ a gɛɛ ƃia ƃe íkaa a Ɣâla Ŋɔnúu Maa Waai.”

Zia-ƃelai Kɛ́-mɛni-ŋai 4:32

Nàa-laa-ƃelai dí kɛ̀ zu tɔnɔ da dímɔ̃leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Lomaŋ 15:13

Gili-kɛ-zu Ɣalai é kálaa fɛ́ɛ a líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi wɔ́lɔ kɛ̀ noo-perei a tãi su kôyaa,

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Kɔleŋtiɛŋ Maa-ŋuŋ 14:31

Kpɛ́ni fêi, kákelee ka pɔ̂ri Ɣâla-woo ƃôi tɔnɔ́-tɔnɔ́ a gɛ́ɛ ǹúui kélee dí sɛŋ kɔ́lɔŋ, lii-kpele é kɛ́ ǹúui kélee yêei.

Kɔleŋtiɛŋ Maa-ŋuŋ 2:12

Kúfe niî ŋ̀éniɛi ŋí su tua-perei sɔlɔ ƃo ni, kɛ́lɛ, kwa M̀ɔlêŋ sɔlɔ ƃo nyíi kùla Ɣâla yêei a gɛ́ɛ ku táre zama-sɛŋ maa-mɛnii su Ɣâla e dɛ̀ɛ kúpɔi.

Galesiɛŋ 3:28

Zûu-nuu fé ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî. Kpɛ́ni fêi, kákelee kákaa tɔnɔ Zîsɛ Kôrai kponôi.

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sarâi, nyíi zu-kulâi ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Ifisiɛŋ 3:16

a gɛ́ɛ berei è ŋɔfólo-laai kɛ̂tɛi lai, é kákɛ kákponôi é kpanaŋ a wála-wala-laa núu-kpune kponôi Ŋɔmɔlêŋ sarâi,

Ifisiɛŋ 3:3

berei noo-mɛnii a lɛ́ la mâ Ɣâla ŋɔmɛni-lɛɛi sarâi, yɛ̂ɛ berei ŋá mò la kâa nɔ́ a gbuâi.

Ifisiɛŋ 6:22

Ŋá dɛ̀ɛ kápɔ naa m̀ɛnii ŋí ma a gɛ́ɛ ká gɔ́lɔŋ berei kúkaa la, a gɛ́ɛ ŋɔ́nɔ é kálii kpele.

Felepiɛŋ 2:1

Mɛni ma à kɛ̀ ŋa-nɛnɛ káa Kôrai kponôi, wɛli-kɛ-maa kpɔŋ-maa, kámɔlêŋ ni ka-kɛ-zu-tɔnɔɔi, da wɛli-kɛ-maa, é pɛ́lɛ maloŋ-kaa ma,

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Kolasiɛŋ 1:26

nyíi kɛ̀ a loo-mɛni ŋ̀éniɛi-su-ƃelai dia a tãi su kôyaa, kɛ́lɛ, a nâa lɛ́ Ŋ̀âla-ƃelai diai.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolasiɛŋ 1:9

Mɛni ma é síɣe tãi ma kú mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa é fɛ́ɛ a ǹîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Kolasiɛŋ 2:19

Va gbonoi Ŋuŋ sôŋ a gbanaŋɔɔ, nyíi a gbonoi da ŋoŋo-ŋai ŋá kɔ̀ŋ é díɣiri díkîe ma gbulɔ̂ŋ-ŋai da ǹúu sarâi. Gbonoi ŋɔƃɔlɔi a kûla Ɣâla yêei.

Kolasiɛŋ 3:14

Nyii-ŋai kélee mɛi-ŋɔi ƃa wɛli-kɛ-maa é kɛ́ káyêei, nyíi a mɛni kélee kɛ̀ tɔnɔ a tɔ̃yâ kpîŋ.

Kolasiɛŋ 4:3

Ka Ɣâla fɛli kúmɛni ma máŋ a gɛ́ɛ Ɣâla é ŋ̀óoi ŋɔkpôŋ lá ƃo kûɛ a gɛ́ɛ kú Kôrai ŋɔloo-mɛnii lɛ́, nyíi ŋ́gaa kpini-pɛrɛ mu mɛni mai,

Kolasiɛŋ 4:8

Ŋá dɛ̀ɛ kápɔ naa sâpoi ŋí kpîŋ ma a gɛ́ɛ ka gɔ́lɔŋ berei kúkaa lai, a gɛ́ɛ ŋɔ́nɔ é kálii kpele.

Tɛsɛlôniɛŋ Maa-ŋuŋ 1:5

kpɛ́ni fêi, kútuŋ lɛ́lɛɛi fé pá ní nɔ́ kápɔ lóno-wôo su, kɛ́lɛ, è pà máŋ kápɔ wála-wala-laa su da M̀ɔlêŋ Maa Waai é pɛ́lɛ Laa-la kpanaŋɔɔ ma. Ká gɔ́lɔŋ ǹûai kú kúkpîŋ lɛ̀ kásama a gɛ́ɛ kúkaa la kámɛni mai.

Tɛsɛlôniɛŋ Maa-ŋuŋ 3:2

Kú kúƃarâŋ Temete tɛ̀ɛ, nyíi gáa a Ɣâla yée-mu-nuu Kôrai ŋɔtuŋ lɛ́lɛɛi ƃó mɛni mai. Kú dɛ̀ɛ a gɛ́ɛ é kálaa-lai kpanaŋ é kália-woo ƃo

Tɛsɛlôniɛŋ Maa-ŋuŋ 5:14

Kwa kália-woo ƃôi, ŋánûa, a gɛ́ɛ diai dífe tíi kɛ̂i, ká dília-woo ƃó. Diai dílii toɔɔ̂i pôlui, ku dílii-kpele-woo ƃó. Ka kpɔŋ-mâa tɛɛ vii-kpɛɛ-ƃelai pɔ́. Lii-kpele é kɛ́ káyêei díkelee mɛni ma.

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Ibulu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Ibulu 6:11

Kwa ŋ̀wɛ̂lii a gɛɛ vɔrɔ-fɔlɔ-tii tɔnɔi tí é kɛ́ káyêei tɛi-tɛi a gili-kɛ-zui maa-laa-la kpanaŋ gáa káyêei é lɛ́ɛ la zu gbɛɛ ŋá-tãi é seri.

Pitɛ Veerɛi 1:10

Mɛni ma ŋánûa, ká kɔ́ kpɔ́ a gbanaŋɔɔ a gɛɛ ká kátolii da kálɛi maa-mɛni é kɛ́ a tɔ̃yâ, kpɛ́ni fêi, à kɛ̀ kà nyíŋi kɛ̀, gɛ̀ ní káfe pâi wɔ́lɔ toôi.

Pitɛ Veerɛi 1:3

Ŋɔɣâla-laai su wala-walai a sɛŋ kélee tɛ́ɛ kúpɔ nyíi-ŋai díkaa fúlu-laa da Ɣâla-mɛni kɛ́-mɛni mai, dárei sarâi nyíi kùla ǹúui yêei kútòli a gbîŋ-folo-laai da ŋɔkɛ́tɛ-laai.

Pitɛ Veerɛi 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ tí.

Zɔ̂ŋ Maa-ŋuŋ 3:19

Nyíŋi su ƃe kwa pâi gɔ́lɔnîi naa a gɛɛ kúkaa a dɔ̃yâi pɔ́ɔ. Lii-kpele a pâi kɛ̂i kúlii su ŋ̀ɛ́i,

Zɔ̂ŋ Maa-ŋuŋ 5:7

Mɔ̂leŋ ƃa zere-faa kɛ̀, kpɛ́ni fêi, Mɔ̂leŋ ƃa dɔ̃yâi.