Kolasiɛŋ 2:18 - Ŋ̀âla Kɔlɔ Maa Waai

¹⁸ Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolasiɛŋ 2:18 ပူးပေါင်းရင်းမြစ်များ

Zɛnɛse 3:13

Nya ƃe Yâwɛɛ Ɣâla è mò nɛnîi ma ǹyɛɛi, “Lé ƃé ŋí ƃa gɛ́i?” Nɛnîi ǹyɛɛ mai, “Galii ƃé ńdûmo ŋá mii.”

Zôo 38:2

“Lé wala-wala-laa ƃé íyêei a gɛɛ í ŋámɛni kpɛtɛɛi kpéra a í ƃoo lôno-ŋai?

Azaya 57:9

Ka káwulɔ kúŋ nɛ̃ɛ-ŋai pû kâa, ká wúlɔ kpâne sia, ká lí a gɛ́ɛ ká Molɛ ɣalai fɛli. Ká kɛ̀ ɣâla kɔ̂rii. Ka kéla-ŋa tɛ̀ɛ kwaa kôyaa-koyaa-ŋa maa ponoɔɔ ma a gɛ́ɛ dí lí dí da-ŋa kɔ́ri kâa. Ká kpîŋ kéla-ŋa tɛ̀ɛ saa táa.

Izikiɛ 13:3

M̀o dîa yɛ̂ɛ Ŋ̀wála-wâla kélee Yâwɛɛi ǹyɛɛi, “Kpalo ƃelaâi ǹɛ́ɛ-ɣala-woo ƃó-ƃelai ŋí dîa nyii-ŋai da díkpîŋ zĩ̂a-ŋa kpɛ̀tɛ a díkpîŋ mɛni kpɛtɛɛi ǹyaŋ dífe zĩ̂a káa nii.

Danîa 11:38

A pâi ŋumɛ-maa tɛɛ̂i nɔ́ ŋ̀âlai pɔ́ nyii a nûa maa-kɔ̃ɔ̂i mɛi kâai. A pâi gôo, káne, kɔ́ni da sama-sɛŋ sɔ̃ɔ kpanaŋɔɔ sala kulâi ŋ̀âlai ŋí ma nyii ǹâŋ-ni dífe kɛ́ ní a gɔlɔŋɔɔi.

Nɔŋba 25:18

mɛni nyɔ́mɔɔ-ŋai mɛni ma dí gɛ̀ a káa tãi dí kápɛ̀lɛ la, dí gɛ̀ ká kɛ́ díɣâlai Bêe fɛli Piɔ, da Kɔbi mɛni ma nyii dí bàa tãi zaa kɔlɔ-felai è pɛ̀lɛ la kâa Piɔ.”

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Lomaŋ 1:25

Dí Ɣâla ŋɔtɔ̃yâi maa fàleŋ a lɛ́ɛ. Dí núu-kpune fɛ̀li da fɛnɛ-sãa dí tíi kɛ́ dîɛ é kúla zɛŋ kélee kpɛtɛ Ɣalai pôlu, nyíi lûwa káa ma wɔ́lɔ-wɔlɔ da wɔ́lɔ-wɔlɔi! É kɛ́ ti.

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ woo-ŋa.

Kɔleŋtiɛŋ Maa-ŋuŋ 13:4

Wɛli-kɛ-maa líi kpeleɛ̂i, zɔŋ lɛ́lɛɛ. Wɛli-kɛ-maa fé tólo ní, wɛli-kɛ-maa fa yoŋka tee.

Kɔleŋtiɛŋ Maa-ŋuŋ 3:3

Kpɛ́ni fêi, kákaa nîi kákpîŋ-tua-pere nyɔŋ su. Kpɛ́ni fêi, tãi tólo káa la kásama da laa-saai, káfe kákpîŋ tua-pere-nyɔŋ pôlu, kakɛ tua a nuu-kpune tua-pere?

Kɔleŋtiɛŋ Maa-ŋuŋ 4:18

Kata-ni yoŋkai yɛ̂ɛ nyaa ƃe fé kɛ́ ní pâi kápɔ.

Kɔleŋtiɛŋ Maa-ŋuŋ 4:6

Ŋánûa, ŋa nyíŋi kélee pɔ̃yɛ é pîlaŋ ńyãa kpîŋ ma da Apolo kámɛni ma, a gɛ́ɛ ka mɛni-ŋai kélee maa kɔri kúsarâi nyíi-ŋa bɔ̃yɛɛ̂i, ka maa-tua kɛ́ a gɛ́ɛ kátɔnɔ kpîŋ káfe yoŋka tee a gɛ́ɛ kákaa a núu da-ni pɔ́ɔ ka tɔ́ɔ da-ni dîa.

Kɔleŋtiɛŋ Maa-ŋuŋ 8:1

M̀ii-sãai da dɛ̀ɛ ɣâla-pɔkɔɔŋ-ŋa pɔi, ŋa pá nâa lônoi é pîlaŋ dîa. Kú gɔ́lɔŋ a gɛ́ɛ “táre káa kúkelee kúyêei.” “Táre” a núu kɛ̀ a yoŋka-nuu, kɛ́lɛ, wɛli-kɛ-maa a núu kponôi kpanaŋ.

Kɔleŋtiɛŋ Maa-ŋuŋ 9:24

Káfe gɔ́lɔŋ a gɛ́ɛ diai kélee da gbakpa-fulɔi kɛ̀i da gɛ̀ díkelee, kɛ́lɛ, núu tɔnɔ nɔ́ ƃa m̀aa-pui sɔlɔ ƃô? Ka kîrɛ siɣe a berei tí a gɛ́ɛ ka zɔlɔ ƃo.

Kɔleŋtiɛŋ Veerɛi 11:3

Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ galii è Iî pɛ̀lɛ la a ŋɔwôyai, bere ƃe kákili-ŋa-siai a pâi kákulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Kɔleŋtiɛŋ Veerɛi 12:20

Kpɛ́ni fêi, ŋ́gaa yáôi a gɛ́ɛ tãi da ŋà pà fa kákàa yɛ̂ɛ berei ŋa ŋ̀wɛ̂lii lai, káa máŋ káfa ŋ́gaa yɛ̂ɛ berei ka ŋ̀wɛ̂lii lai. Tãi da laa-saa a pâi kɛ̂i kásama, tólo, lii-ŋwana, ŋɛi-kpala, laa-kara, laa-ƃo, lii-kɛtɛ, da woo-taa-taa.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋaisiai kɛ́ ƃo kpɛni-kpɛni.

Ifisiɛŋ 5:6

Núu da fé kápɛlɛ a wóo folo-ŋa. Kpɛ́ni fêi, nyíŋi-ŋai ƃe da pâ a Ɣâla ŋɔlii-ŋwanai nîa-pɛlɛɛi dîa dífa ŋ̀óo mɛ̀nii.

Dutɛrɔnome 29:29

“Ǹoo mɛni-ŋai kélee káa Kúɣâlai Yâwɛɛ mɛni ma. Kɛ́lɛ m̀ɛnii nyii kélee a ŋ̀wɛ̂lii kwa kúnîa-pɛlɛɛi kú gɔ́lɔŋ gáa pono ŋá. Mɛni-ŋai ŋí ƃa ŋɔtɔ̂ŋ-ŋai nyii a ŋ̀wɛ̂lii kú dímɛi kâai.

Felepiɛŋ 3:14

Ŋa kɔ̂i a gɛ́ɛ ŋa seri m̀ɛnii mâ gáa ŋ́gili ŋái, a gɛ́ɛ ŋá m̀aa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Kolasiɛŋ 2:23

Nyii-ŋai díkaa kpɔ́ yɛ̂ɛ táre a tɔ̃yâ. Da Ɣâla fɛli-pere kpanaŋ, díkɛ tɔ̂ŋ kpɛ́ díkpîŋ ma, dí ŋwana-lɔ̂ɔ kɛ́ a díkpono, kɛ́lɛ, nyíi-ŋai kélee fela-fei fé ma a gɛ́ɛ dí núu-kpune kpîŋ-tua pere-nyɔŋ kpera.

Kolasiɛŋ 2:4

Ŋa nyíŋi ƃôi a gɛ́ɛ núu da fé kápɛlɛ a la-nɛ̃ɛ-maa-lono.

Kolasiɛŋ 2:8

Ka kámɛi káa a gɛ́ɛ núu da fé káƃòo a táre-lono-ŋa da núu pɛlɛ-woo kpɛ́ni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Temete Maa-ŋuŋ 1:7

Da ŋ̀wɛli a gɛ́ɛ díkɛ a dɔ̂ŋ ŋɔsɛŋ lɛ́-ƃela, kɛ́lɛ, dífa târe m̀ɛni-ŋai su díkaa m̀ôi, kpaa máŋ m̀ɛni-ŋai díkaa lônoi gɛ pîlaŋ dîai.

Temete Maa-ŋuŋ 4:1

Mɔlêŋ a mò a zu ponoɔ a gɛ́ɛ tãi da káa pâi núu da-ni da pâi díyee kulâi naa-lai su dí díwoli tɔ́ɔ nuu-pɛlɛ mɔlêŋ-ŋa dîa da nyînaŋ nyɔ́mɔɔ-ŋa dísɛŋ-lɛɛ,

Pitɛ Veerɛi 2:14

Wulu-wulu kɛ́-nɛyaa maa-mɛni káa díkili ŋá a ŋ̀ánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!

Zɔ̂ŋ Maa-ŋuŋ 2:26

Ŋá m̀ɛnii ŋí pɔ̃yɛ ká pɔ́naa é pîlaŋ ǹûai dîa da ŋ̀wɛlii dí kápɛlɛ̂i.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 13:14

A diai pɛ̂lɛ díkaa ǹɔii sui a ŋɛi-kɛ-maa ŋai nyíi-ŋai dí nɛ̀ɛ naa a gɛɛ é tíi kɛ́ a dia zuai ŋ́ɛi-tuɛi, a dímarê kɛ̀ a gɛɛ dí pɔkɔɔŋ saa zuai mɛni ma nyíi dí ŋwàna a m̀óa-sɔkpɔi, kɛ́lɛ, gáa niî ɣele mai.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.

M̀ɛni-lɛɛi 3:11

Ŋa pâi a maa félaa. Zɛŋ gáa íyeêi, zoŋ a gbanaŋɔɔ a gɛɛ núu da fé íƃɔrɔi sôŋ íyeêi.