Kolasiɛŋ 2:16 - Ŋ̀âla Kɔlɔ Maa Waai

¹⁶ Mɛni ma káfe ǹɛɛ naa núu da é kámɛni ŋá tee a mii-sɛŋ ka mii, kpaa máŋ gbele-sɛŋ ka gbelei, kpaa máŋ a kúu kɛ́ɛ, kpaa máŋ ŋáloŋ ninai maa-mɛni, kpaa máŋ Vii-tɔɔ-ɣelei.

Kolasiɛŋ 2:16 ပူးပေါင်းရင်းမြစ်များ

Kâloŋ Veerɛi 4:23

Ŋɔsurɔ̂ŋ è marê kɛ̀ ǹyɛɛ mai, “Íkaa liî bɔ́naa sâa lé mɛni ma? Vé a ŋ̀áloŋ ninai kpaa máŋ Vii-tɔ̂ɔ Ɣelei.” Ǹyaŋ è ŋ̀óo su tòo ǹyɛɛi, “Kú nia nyíti ma. Tɔɔ nɔ́ ŋá lí.”

Kɔlɔnikɔ Maa-ŋuŋ 23:31

Da kâa wule tòo Yâwɛɛ m̀a da kɛ̀ kéreŋ sala kulâi m̀a a Vii-tɔɔ-ɣelei, Ŋ̀áloŋ Ninai da gúu-ŋai da kpɛ́ni-ŋai kélee ŋ̀ele yɛ̂ɛ berei m̀aa nɛ̃ɛ̂i kɛ̀ dí gɛ́ la a ɣele kélee Yâwɛɛ ŋɛ́i-tuɛi.

Kɔlɔnikɔ Veerɛi 31:3

Galoŋ è sãa kula gɔ̃lîŋ su a ɣele-wala da ɣele-wulii kéreŋ sala mɛni ma, da kɛ́ ƃó kéreŋ sala kula mɛ̂ni ma vii-tɔɔ ɣelei mɛni ma, ŋ̀áloŋ ninai da gúu-ŋai mɛni ma yɛ̂ɛ berei è kɛ a bɔ̃yɛɛ la Yâwɛɛ ŋɔtɔ̂ŋ sui.

Niɛmaya 10:31

Kúfe pâi pɔni tɔɔ̂i núu da kélee yêei a Vii-tɔɔ-ɣelei da Ɣâla ŋɔɣele maa wáa da kpɛ́ni-ŋai. Dɔ̂ŋ nyii m̀o a gɛɛ ǹɔii é víi tɔ́ɔ a góraŋ ǹɔ́ɔlu mɛi feerɛi, kwa pâi maa tɔ̂ŋ mɛi kâai. Kúfe pâi kpâlaŋ ŋá tii kɛ̂i a maa kôraŋ tí. Diai kélee kúkpa káa dîai, kwa pâi kúyee kulâi maa kpa-ŋai tí su a góraŋ tí.

Niɛmaya 10:33

Kwa pâi kɛ̂i zãâi ŋí tɛɛ̂i Ŋ̀âla-pɛrɛ Kɛ́tɛi ŋɔtíi-ŋai kɛ́ mɛni ma, zâla kula kpôlo maa-waai, mii-sãai díkaa ŋ̀ele kélee salai kula mɛni mai, daa tulɛ-ŋai díkaa géreŋ sala-ŋai kula mɛni ma a ɣele kéleei, da Vii-tɔɔ ɣele-ŋai ma sâla sãai. Kwa pâi kɛ̂i zãâi ŋí tɛɛ̂i máŋ, Ŋ̀áloŋ ninai maa kûu kula sãai da gúu da kpɛ́ni-ŋa kula sãai, Eezuɛ ŋɔsɔnyɔ̂ŋ-ŋai su-mɛni-lɛɛ sâla sãai é pɛ́lɛ zãâ kpéle-ŋai kélee díkaa Ɣâla fɛli mɛni ma Ŋ̀âla-pɛrɛ Kɛ́tɛi mu tii-ŋai kɛ́ mɛni mai dîa.

Niɛmaya 8:9

Tãi ǹûai dí Mose ŋɔtɔ̂ŋ-ŋai ŋí lóno woo mɛ̀ni lai, díkelee dí wɔ̀lɔ a zu kɛ́tɛ. Nya ƃe Zuda lɔii kpiniŋ mɛi nuui Niɛmaya, zâla láa soŋ nuui Ɛzura, nyii kɛ̀ a dɔ̂ŋ-ŋai lɛ́ nuui dɔnɔi da Liiva-ŋai nyii-ŋai kɛ̀ dɔ̂ŋ-ŋai ŋá lɛ̂i ǹûai dîai, dí mò dîa dîyɛɛi, “Ŋ̀elei ŋí maa waai Káɣâlai Yâwɛɛ mɛni ma. M̀ɛni ma, káfe sèe a malôŋ pere, kpaa máŋ ká wɔ́lɔ.”

Wule-woo-ŋa 42:4

Ŋa ŋ́gili ŋá sìa é pîlaŋ ŋ̀ele-ŋai dîa ŋá kâa kɛ̀ ḿarâai téniŋ tɔɔ̂i la kúkɛ lɔ̀ Ɣâla ŋɔpɛ́rɛi mui, ńii a tòo pôlu a ŋ̀ánaa. Berei da kâa kɛ̀ Ɣâla láa ma tɛ̂i la ɣelêi perei, maa koi-nɛ̃ɛ wooi tíŋ káa niî ŋ́ôlii.

Wule-woo-ŋa 81:3

Ka túru fɛ́ɛ gúu kɛ́tɛi su ŋáloŋ a tɔ̀ɔ a nina da tãi ǹá a fɛ̂ɛ lai.

Azaya 1:13

Ƃâa fé kásama-sãai dîa. Kákereŋ sãa kú nɛ̃ɛi kúŋ ƃɛlɛ fé ŋ́goi. Ka ŋ̀áloŋ nina kuui kûla, ká kɛ́ Vii-tɔɔ ɣelei mɛi kâa, ká kɛ́ káɣâla mɛni kɛ́ kpɔŋ-ŋai tôo. Kɛ́lɛ kásɔnyɔ̂ŋ a gɛ̀ ƃâa fé ŋɔ́nɔ gúu-ŋai ŋí kélee dîa.

Izikiɛ 4:14

Nya ƃe ŋá mò ńyɛɛi, “Kpao, Yâwɛɛ Ɣâla! É síɣe ǹoloŋ tãi ma ḿve tá ŋ́gbîŋ maa tĩa kara ní a fɛnɛ-sɛŋ nyii sàa gbɔɔi-yee mai, kpaa máŋ nyii fɛnɛ-sɛŋ da kpɛ́ni è baai da miɛɛ. Naa pôlu ma, ḿve ta fɛnɛ-sɛŋ da mii ní nyii íkɛ yɛ̂ m̀aa fé waa nii.”

Izikiɛ 45:17

Eezuɛ láa-tuɛ nuui ƃé pâi pâi a daa-tulɛi géreŋ-salai mɛ̂ni ma, m̀ii-sɛŋ, mii-sɛŋ-salai kula sɛŋ, da gbele sɛŋ, gbele-sɛŋ-salai kula mɛ̂ni ma ǹûai kélee mɛ̂ni ma. Da pâi kɛ̂i zãâi ŋí tɛɛ̂i ŋ̀áloŋ-ninai da Vii-tɔ̂ɔ-ɣelei é pɛ́lɛ gúu-ŋai kélee díkaa Eezuɛi dí mɛni ma. Gáa a sɛŋ é zɔnyɔ̂ŋ-salai, m̀ii-sɛŋ-salai, géreŋ-salai, da ǹii-see-salai kula sãa tɛɛ kwa Eezuɛ-ŋai kúloai kpɛ̂tɛ mɛ̂ni ma.”

Levetekɔ 16:31

Ŋ̀ele kûui ŋí káa a ɣele kûu maa waa kɛ́tɛ nyii fɛ̂ɛ ká sûŋ siɣe ká káfii tɔɔ ka fé tii kélee da kɛ̀. Gàa a tɔ̂ŋ kámɛni ma wɔlɔ-wɔlɔ da wɔlɔ-wɔlɔ.

Emɔ 8:5

ká kɛ́ mò, kâai, “Mí tãi ƃé ŋ̀áloŋ-ninai a pâi kpɛɛ̂i la a gɛɛ kú kúmii-sãai kɔ́lɛ, da Vii-tɔɔ-ɣelei a gɛɛ kú wîi kɔ́lɛ, a gɛɛ kú kúmii-sɛŋ kɔ̂ɔŋ kɔpu-ŋai kɛ́ a guro té kú zɔ̃ɔ kɛ́tɛ, kúkɛ wôya kɛ̀ kúsɛŋ-kɔ̂ɔŋ-sãai su,

Nɔŋba 10:10

À kɛ̀ máŋ a kálii-nɛɛ-tãi yɛ̂ɛ kákuu-ŋai kɛ́-tãi da ŋ̀áloŋ-ŋai kɔ́ɔ-pilaŋ kuu-ŋai, fɛ̂ɛ ká dúru-ŋai ŋí fɛ́ɛ géreŋ-sala-ŋai da nii-see-sala-ŋai mɛi. Gɛ̀ ní ńyãai a Káɣâlai kámaa-mɛni a pâi toôi ŋ́gili-ŋa ŋá kpɔ́ŋ kâa. Ńyãa ƃa Yâwɛɛ, Káɣâlai.”

Maafîu 15:11

Sɛŋ a lɔ̂ núu kponôi va gara. Kɛ́lɛ, zɛŋ a kûla núu lái, ǹyaa ƃa gàra.”

Mâki 7:19

A kɛ̀ tí, kpɛ́ni fêi, va lɔ̀ ǹíi su, fɛ̂ɛ gbûnɛŋ su, gɛ́ tɛɛ.” (Zîsɛ è mii-sɛŋ kélee maa tĩa sìɣe ma ŋ̀óoi ŋí su.)

Zia-ƃelai Kɛ́-mɛni-ŋai 15:20

Kɛ́lɛ, fɛ̂ɛ kú kɔlɔ pɔ̃yɛ dîɛ a gɛ́ɛ dífe díyee pù mɛni kélee su nyíi ɣâla da kpɛni-ŋa da garai, dífe tela díyee pu wulu-wulu kɛ́ɛ su. Dífe fɛnɛ-sɛŋ da zua da mìi nyíi dí gáo ɣàlei kpaa máŋ dí sua da ŋãa mii.

Lomaŋ 14:10

Íkaa íƃarâŋ-nuu ŋɔmɛni ŋá teêi, lé mɛni ma? Kpaa máŋ, íkaa ŋɛi-naɣîŋ-mɛi kɛ̂i a íƃarâŋ-nuu, lé mɛni ma? Kpɛ́ni fêi, kúkelee kwa pâi tɔɔ̂i Ɣâla ŋɔmɛni-ŋa-tee see-sɛŋ ŋɛi tuɛ;

Galesiɛŋ 4:10

Ka ɣele kûu da-ni lâai kɛ̀, ɣáloŋ da-ni, tãi da-ni, da kóraŋ da-ni!

Kolasiɛŋ 2:20

À kɛ̀ ka Kôrai-ni ká sàa, ǹyaŋ káŋuŋ mâ a nâa ƃó ŋ̀éniɛi su tua-perei yêei, lé mɛni ƃe ŋaŋ kákaa tuâi la yɛ̂ɛ kà kɛ̀ a ŋ̀éniɛi pɔ́ɔi? Lé mɛni ƃe ka kákpîŋ kɛ̀ ŋ̀éniɛi su-tɔŋ-ŋai mu,

Ibulu 13:9

Káfe nɛ̀ɛ naa sɛŋ-lɛɛ nina sii da kpɛni-ŋa díka kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Ibulu 9:10

Kɛ́lɛ, díkaa nɔ́ mii-sɛŋ mɛni ma, kpele-sɛŋ, da núu-waa-pere sii da kpɛni-ŋa, é pɛ́lɛ núu kpono ŋɔtɔ̂ŋ-ŋai dîa nyíi-ŋai da bù ǹûai dîa é lɛ́ɛ la zu mɛni maa-faleŋ tãi é seri.

Zĩi 4:11

Ŋánûa, káfe kákîe-ni láa nyɔ́mɔɔ ƃo. Ǹúui a m̀arâŋ-nuu láa nyɔ́mɔɔ ƃò, kpaa máŋ é ŋɔmɛnii ŋá téei, gɛ̀ ní a lóno nyɔ́mɔɔ kɛ́ a pîlaŋ dɔ̂ŋ ma, a dɔ̂ŋ ŋɔmɛnii ŋá tée. Kɛ́lɛ, à kɛ̀ yà dɔ̂ŋ ŋɔmɛnii ŋá tèe, gɛ̀ ní ífe a dɔ̂ŋ ŋɔtûa-kɛ-nuu, kɛ́lɛ, íkaa a mɛni-ŋa-tee-nuu.

Samia Maa-ŋuŋ 20:18

Nyíŋi pôlu ma, Zonetaŋ è mò mà ǹyɛɛi, “Tínaa ƃa ŋ̀áloŋ nina kuui, ǹyaŋ ǹûai da pâi kɛ̂i ímaa marê kɛ́ɛ kɛ̂i, kpɛ́ni fêi, íwɔ̂ see-sɛŋ a pâi kɛ̂i a vólo.

Samia Maa-ŋuŋ 20:5

Deeƃé ǹyɛɛ Zonetaŋ mai, “Tínaa ƃa ŋ̀áloŋ ninai kuui. M̀aa nɛ̃ɛ̂i a gɛ́ɛ kwa ínâŋ kú gúui su mii-sɛŋ míi gîe ma. Kɛ́lɛ, ŋa pâi liî ŋá ńoo ǹɔɔi su. Ŋa pâi gɛ̂i naa a fólo feerɛ.