Kolasiɛŋ 2:15 - Ŋ̀âla Kɔlɔ Maa Waai

¹⁵ È nuu-mɛi-ƃelai da ŋwála-wala-ƃelai ŋáa yèŋ é díŋumɛ kpɔŋ su. Ɣâla è díyee mɛi ɣâle zaa-wurui sarâi.

Kolasiɛŋ 2:15 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ́rɔni íŋuŋ ma, yáŋ ya pâi dínyinîi díkɔɔ ma.”

Wule-woo-ŋa 68:18

È tɛ̀ ŋ̀elei su póŋ-poŋ a kɔ-soŋ támaa. Nûa dí sama-sãa támaa tɛ̀ɛ bɔ́. Ŋɔkpɔara-ƃelai dí sama-sãa tɛ̀ɛ bɔ́ máŋ. Ɣâla Yâwɛɛ a pâi seêi naa.

Azaya 53:12

Ŋa pâi gɛ̂i ƃâa kɛ́ ƃò m̀a núu-kpune sáma, m̀u-wuyɛɛ, wála-wala-laa su kɛ́tɛ kɛ́ ƃò ǹyêei, kpɛ́ni fêi, è ŋɔfúlu-laai tɛ̂ɛ gbîŋ yee ma, da zɔnyɔ̂ŋ-ƃelai dí mɔ̃́lɛ a bɔriɛɛ. È sàa núu támaa dísɔnyɔ̂ŋ-ŋai mɛni ma. È Ɣâla fɛ̀li a gɛ́ɛ é dísu mɛni lɛɛ.”

Maafîu 12:29

Kpaa máŋ, núu a pɔ̂ri lɔ̂i leŋ wala-wala nuu ŋɔpɛ́rɛ mu é gɔ̃liŋ ŋuma, à kɛ̀ ve ŋwála-wala nuui ɣiri ní fulɔi? À gɛ̀ tí, gɛ̀ ní, a pâi ŋɔpɛ́rɛi mu-sãa ŋumâi.

Lûu 10:18

Nya ƃe è mò dîa, ǹyɛɛi, “Ŋá Sêtɔŋ kâa, é kúla Ɣâla-taa, e too yɛ̂ɛ ŋele-gbana ŋɔŋ.

Lûu 11:22

kɛ́lɛ, ŋɔyee-tɛ̂ɛ-maa-nuu é máŋ pá bɔ́ é kɔ́ bɔ́, ǹyée a tɛ̀ɛ mà, a ŋɔkɔ́-kɔ-sãai kélee sìɣe nyii a gíli pù mai, é ǹyée ŋa-sãai ŋáa kɔ́lɛ.

Zɔ̂ŋ 16:11

a pâi ŋɔmɛni-ŋa-teɛɛi lɛ̂i, kpɛ́ni fêi, ǹɔii mɛi-nuui ŋɔmɛnii ŋa teɛɛi.

Zɔ̂ŋ 19:30

Tãi Zîsɛ è ŋwã̂ai-kponai sɔlɔ ƃò la, è mò, ǹyɛɛi, “Aâ kpɛɛ”. È ŋ̀uŋ ma pìlaŋ é sáa.

Kɔleŋtiɛŋ Maa-ŋuŋ 15:24

Gɛ̀ ní gbɛɛ ŋá a nâa pá, tãi a ǹúu mɛi-ƃelai su kàra la da ŋwála-wala-ƃelai, é Ɣâla ŋɔkâloŋ-laai tɛ́ɛ Ɣâla Nàŋ-nuui pɔi.

Kɔleŋtiɛŋ Veerɛi 2:14

Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsarâi.

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Ifisiɛŋ 3:10

a gɛ́ɛ Ɣâla è nâa ŋɔtáre sii támaai lɛ́ nuu-mɛi-ƃelai dîa da ŋwála-wala-ƃelai díkaa Ɣâla-taai Kôrai-toli-kpɔŋ sarâi.

Ifisiɛŋ 4:8

Mɛni ma m̀ôɔi, “Tãi è tɛ̀ la ŋ̀elei sui, è kɔ-soŋ támaa ŋuŋ ma ƃo, é sama-sɛŋ tɛɛ núu-kpune pɔ.”

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Kolasiɛŋ 1:16

Kpɛ́ni fêi, sɛŋ kélee è kpɛ̀tɛ gbonôi, ŋ̀elei su-sãai kélee da ǹɔii ma-sãai kélee, nyíi-ŋai kwa díkâai da nyíi-ŋai kúfa díkaâi, é máŋ kɛ́ a kâloŋ-laa, kpaa nuu-namu-laa, kpaa nuu-mɛi-ƃela, kpaa máŋ wála-wala-ƃela-sɛŋ kélee è kpɛ̀tɛ zarâi, m̀aa-mɛni ma.

Kolasiɛŋ 2:10

Káfulu-laai láa a fɛ́ɛ Kôrai kponôi, nyíi gáa a nuu-mɛi-ƃelai kélee díŋuŋ-tuɛ-nuu da wála-wala kéleei.

Ibulu 2:14

Mɛni ma berei nɔ́ ǹîa-pɛlɛɛi díkaa la a núu-kpunei, bere nɔ́ ƃe Zîsɛ máŋ káa la a núu-kpune a gɛɛ saa sarâi é ǹúui su kara nyíi ŋwála-walai káa ǹyêei saa mɛi. Maa-nuui ƃa Dɛ̂ƃele.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 20:10

Dɛ̂ƃele, nyíi dípɛ̀lɛi, da pâi bilîi ŋɔŋ kɛ́tɛi su da sɔfɔi nyíi gáa yɛ̂ɛ poai, ƃɛi zuai da Ɣâla-maa-wôya lono-kɛ-nuui dí kɛ̀ naai, ǹyaŋ nàa ƃe da pâi kɛ̂i naa, díkɛ maa-pêne sɔlɔ ƃô a fólo da kpíni wɔlɔ-wɔlɔ da wɔlɔ-wɔlɔ.