Kolasiɛŋ 2:14 - Ŋ̀âla Kɔlɔ Maa Waai

¹⁴ È kútɔ̂ŋ karaa-ŋai maa-kpa-kɔlɔi su kara da dɔ̂ŋ-ŋai fɛ̂ɛ kɛ̀ kúmɛi káai, nyíi-ŋai kɛ̀ a bɔ̃̀yɛ ŋɔkpa-kɔlɔi sui. È dɔ̂ŋ-ŋai ŋí kpera a díkpamoɔɔ zaa-wurui ma.

Kolasiɛŋ 2:14 ပူးပေါင်းရင်းမြစ်များ

Niɛmaya 4:5

Ífe dísu mɛ̂ni lɛ̀ɛ. Ífe téla nìa dísɔnyɔ̂ŋ-ŋai dîa da gɛ̂i da ŋ̀óo nyɔ̂ŋ-ŋai da bilîi kûai. Kwa kɔ̂i a gɛɛ kú Zerusâlɛŋ taa-leei tɔ́ɔ ŋɔ́nɔ pôlu.”

Ɛtɛ 3:12

Nya ƃe Emaŋ è gâloŋ ŋɔkɔlɔ pɔ̃yɛ-ƃelai kélee ŋáa tɛ̀ gîe ma a ŋ̀áloŋ maa-ŋuŋ ŋɔfólo puu káo saaƃa ɣele. È mò dîa a gɛɛ dí gâloŋ wóoi ŋí pɔ̃yɛ ǹɔii kpîniŋ-ŋai láa túɛ-ƃelai pɔ́ ǹûai dísîi-woo-ŋai su tɛi-tɛi. Gɛ́ɛ da gɔlɔ-ŋai ŋí pɔ̃yɛɛi, è gâloŋ ŋɔgbònoi pɔ́ɔ kɛ̀ gɔlɔ-ŋai ŋí su gâloŋ láai su.

Ɛtɛ 8:8

Ka kɔlɔ pɔ̃yɛ ǹɔii láa túɛ-ƃelai kélee pɔ́ naa ǹɔii kpîniŋ-ŋai su ńaai su Zuda-ŋai mɛni ma. Gâloŋ gbonoi Mɔdikai yêei, kà bɔ́ɔ kɛ́ gɔlɔi kpîŋ su. Gɔlɔi nyii kélee gâloŋ gbonoi ŋí pɔ́ɔ káa zui, núu da fa ǹyée kùla mù.”

Wule-woo-ŋa 51:1

Óo Ɣâla, ŋ́ɛi malôŋ káa yɛ̂ɛ berei íwɛli kɛ́-maai su kɛ̂tɛi lai. Ŋá sɔnyɔ̂ŋ wáa mî ḿâ yɛ̂ɛ berei ímaloŋ kâai su kɛ̂tɛi lai.

Wule-woo-ŋa 51:9

Ŋásɔnyɔ̂ŋ-ŋai su mɛ̂ni lɛɛ, í ŋá ŋwana-lɔ̂ɔ-tuai wáa ḿâ.

Azaya 43:25

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Azaya 44:22

Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Azaya 57:14

Yâwɛɛ è m̀o ǹyɛɛi, “Ka berei su sã́a, ká zu kpɛtɛ ŋánûai mɛni ma. Ka díperêi kpáaŋ sãai kélee kúla naa. Ka berei su sã́a, ká zu kpɛtɛ ŋánûai tɛɛ mɛ̂ni ma!

Nɔŋba 5:23

Nàa pôlu ma fɛ̂ɛ zâla láa soŋ-nuui é maa kɔlɔi wáa ǹyá ŋwanâai su,

Lûu 1:6

Dífeerɛ dí kɛ̀ a dísɔŋ lɛ́lɛɛ Ɣâla ŋɛi. Dí kɛ̀ Kúnuu-namui ŋɔtɔ̂ŋ da ŋɔlia-woo kpanaŋ-ŋai kélee mɛi kâai, pɔara mɛni ma fé zu.

Zia-ƃelai Kɛ́-mɛni-ŋai 3:19

M̀ɛni ma, ka kálii pene ká pá ŋɔ́nɔ pôlu Ɣâla pɔ́, a gɛ́ɛ kásɔnyɔ̂ŋ é kúla kâa Kúnuu-namui é fúlu-laa nina tɛɛ kápɔ.

Kolasiɛŋ 2:20

À kɛ̀ ka Kôrai-ni ká sàa, ǹyaŋ káŋuŋ mâ a nâa ƃó ŋ̀éniɛi su tua-perei yêei, lé mɛni ƃe ŋaŋ kákaa tuâi la yɛ̂ɛ kà kɛ̀ a ŋ̀éniɛi pɔ́ɔi? Lé mɛni ƃe ka kákpîŋ kɛ̀ ŋ̀éniɛi su-tɔŋ-ŋai mu,

Tɛsɛlôniɛŋ Veerɛi 2:7

Kpɛ́ni fêi, ŋwana-lɔ̂ɔ ŋɔloo-mɛnii káa nâa tíi kɛ̂i; ǹúui nɔ́ a ŋ̀wana-lɔɔ̂i soŋ pôlui a pâi gɛ̂i ti é lɛ́ɛ la zu maa-nuui su é kara.

Ibulu 7:18

Mɛni ma, dɔ̂ŋ pɔlɔi kɛ̀ díyêei, ǹáâi a dee, kpɛ́ni fêi, vii-kpɛɛi gɛ ƃo nɔ kpɛni-kpɛni.

Ibulu 8:13

Ɣâla kɛ́ɛ lônoi gɛ pîlaŋ Gbanaŋ-woo Kɛɛ Ninai mai, è gbanaŋ-woo-kɛɛ pɔlɔi kâa a gɛɛ bɔlɔɔi nâa ŋɔtíi fé ŋɔ́nɔ naa. Ǹyaŋ sɛŋ nyíi bɔlɔɔi ŋɔtíi fé mai gara la nɛɛ̂i.

Pitɛ Maa-ŋuŋ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurui mâ, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.