Kolasiɛŋ 2:13 - Ŋ̀âla Kɔlɔ Maa Waai

¹³ Ká kɛ̀ a kásâa tɔ̂ŋ karaa su. Dífe kásee-ní kpono mâ. Kɛ́lɛ, Ɣâla è ká kɛ̀ a káfulu ka Kôrai-ni, é kútɔ̂ŋ karaa-ŋai kélee su-mɛni lɛɛ.

Kolasiɛŋ 2:13 ပူးပေါင်းရင်းမြစ်များ

Wule-woo-ŋa 119:50

Tãi ŋá kɛ̀ mɔ̃lɛ̂i, lai í ŋáa nɛ̀nɛ, kpɛ́ni fêi, íkono-teei è fúlu-laa tɛ̀ɛ ḿbɔ.

Wule-woo-ŋa 32:1

Lûwa káa diai dîa Ɣâla a dí su mɛ̂ni lɛ̀ɛ zɔnyɔ̂ŋ-ŋai da gɛ̀i m̀ɛni ma, é ǹyée kúla gélee sui.

Wule-woo-ŋa 71:20

Ya ŋ́gɛ ŋa mɛni kpɔ̂lu támaa ŋɛ́i káa. Kɛ́lɛ ya pâi ŋ́uŋ ma ƃôi, í ŋ́gula saa yêei.

Azaya 1:18

Yâwɛɛ a m̀ôi ǹyɛɛi, “Ka pá kwaa kúloai kpɛtɛ kwa káa ni. Berei máŋ kásɔnyɔ̂ŋ a kpɔ̂lui la yɛ̂ɛ dôloi, ŋa pâi káwaâi ká kɛ́ kóle yɛ̂ɛ yee fũa. Berei máŋ kásɔnyɔ̂ŋ a kpɔ̂lu la yɛ̂ɛ lólo-mã̂laŋ, ŋa pâi káwaâi ká kɛ́ yɛ̂ɛ ƃála leɣa kole.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ́naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Zɛlemaya 31:34

Núu da fé pâi kɛ̂i naa é Yâwɛɛ maa mɛ̂ni lɛ́ m̀arâŋ nuu ma, kpɛ́ni fêi, díkelee da pâi kɛ̂i a ŋ́gɔlɔŋɔɔ, é síɣe ǹîa-pɛlɛɛi dîa é tóo ǹúu kpaya-kpayaii dîa. Ŋa pâi dísɔnyɔ̂ŋ su mɛ̂ni lɛɛ̂i. Ǹyaŋ, dímɛni nyɔ́mɔ-ŋai kíli fé pâi lɛɛ̂i ŋ́gili-ŋa. Ńyãa Yâwɛɛ ƃé mò tí.”

Lûu 15:24

kpɛ́ni fêi, ńoŋ ŋi e kɛ̀ a zaa, a ŋɔ́nɔ kɛ́ a vulu; e kɛ̀ a ǹáŋɔɔ, nya ƃe a káa.’ Nya ƃe dí pɛ̀lɛ lii-nɛ̃ɛ kɛ́ɛ ma.

Lûu 15:32

Maa nɛɛ̂i kɛ̀ ku lii-nɛ̃ɛ kula, kúlii é láa. Kpɛ́ni fêi, ílêɣei ŋi kɛ̀ a zaai, a kɛ́ ŋɔnɔ a vulu; e kɛ̀ a ǹáŋɔɔ, nya ƃe a káa.’ ”

Lûu 9:60

Kɛ́lɛ, Zîsɛ è mò ma, ǹyɛɛi, “Ǹɛɛ naa zaa-ƃelai dí díkpɔɔ̂i-saai lóo. Kɛ́lɛ, lí, í Ɣâla ŋɔkâloŋ-laai maa mɛ̂ni ƃó.”

Zɔ̂ŋ 5:21

Kpɛ́ni fêi, berei nɔ Nàŋ-nuui a núu mu sîɣe la saa yêei, é fulu-laa tɛɛ dípɔi, berei nɔ ƃe Nòŋ-nuui ǹyaŋ a fulu-laa tɛ̀ɛ la núu kélee pɔ́ a ŋ̀wɛlii.

Zɔ̂ŋ 6:63

M̀ɔlêŋ ƃe a fulu-laa tɛ̀ɛ, sɛŋ da fe lúu su; ŋ̀óo-ŋai ŋa m̀ó kâai, gáa a mɔ̂leŋ da fulu-laa.

Lomaŋ 4:17

yɛ̂ɛ berei Ŋ̀âla-kɔlɔi a m̀o lai, “Ŋa íkɛ a lɔii támaa su-ƃela dínâŋ.” Eberaɣɛ̃ɛ è kɛ̀ a lɔii támaa su-ƃela dínâŋ Ɣâla ŋɛ́i, nyíi è làa lai, da nyíi a fúlu-laa tɛ̀ɛ saa-ƃela pɔ́, gɛ́ sɛŋ kélee kpɛtɛ nyíi-ŋai dífe kpɛtɛ níi.

Lomaŋ 6:13

Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Lomaŋ 8:11

À kɛ̀ ǹúui Zîsɛ mu siɣe saa yêei Ŋɔmɔ̂leŋ káa kákponôi, gɛ̀ ní ǹúui Zîsɛ Kôrai mu siɣe saa yêei a pâi máŋ fulu-laa tɛɛ̂i kákpono saa-ŋai pɔ Ŋɔmɔ̂leŋ sârai nyíi gáa kákponôi.

Kɔleŋtiɛŋ Maa-ŋuŋ 15:36

Íƃoo-nuui! Zɛŋ ya zii va ŋɔnɔ pa pôlu fulu-laa su fɛ̂ɛ é sáa.

Kɔleŋtiɛŋ Maa-ŋuŋ 15:45

Mɛni ma bɔ̃yɛɛ̂i “Ǹúui maa-ŋuŋ da kɛ̂ ma Adaŋ è kɛ̀ a mɔlêŋ nyíi fulu-laa è kɛ̀ ǹyêei”. Kɛ́lɛ, Adaŋ gbɛɛ ŋái è kɛ̀ a fulu-laa tɛɛ-mɔlêŋ.

Kɔleŋtiɛŋ Veerɛi 3:6

nyíi a kúkɛ kwa gula kɛ́ a gɛ́ɛ ku kɛ́ a kpanaŋ-woo kɛ́ɛ nina mɛi-ƃelai, ve a tɔ̂ŋ nyíi bɔ̃yɛɛ̂i, kɛ́lɛ, a kulâi M̀ɔlêŋ yêei; kpɛ́ni fêi, dɔ̂ŋ nyíi bɔ̃yɛɛ̂i a núu pàa, kɛ́lɛ, M̀ɔlêŋ a fulu-laa tɛ̀ɛ núu pɔ.

Kɔleŋtiɛŋ Veerɛi 5:19

Zu-kulai ƃa Ɣâla è kɛ̀ Kôrai kponôi, tãi ǹyaa Ɣâla è kɛ̀ díloai kpɛ́tɛ̂i la da ŋ̀éniɛi su-ƃelai, ve dítɔ̂ŋ-karaa-ŋai siɣe ni a dísɔŋ. È loai-kpɛtɛɛ maa-worɛ-woo tɛ́ɛ kúpɔ.

Ifisiɛŋ 2:1

È ká kɛ̀ a káfulu tãi ka kɛ̀ la a kasaa tɔ̂ŋ karaa sarâi da sɔnyɔ̂ŋ.

Ifisiɛŋ 2:11

Mɛni ma é lɛ́ɛ kákili ŋá a gɛ́ɛ kákaa perei su, ká kɛ̂ a Zɛ̃tai-ŋa a maa-ŋuŋ, Zûu-ŋai nyíi-ŋai kɛ̀ a díseɛɛ kpono mâ a núu yeei, dí kátòli a ǹûai dífe see-ní kpono mâ,

Ifisiɛŋ 5:14

Mɛni ma m̀ôɔi, “Óo nyíi-nuu, íŋɛi lá ƃo í kúla saa yêei, Kôrai a pâi kwaa-ponoɔɔ tɛɛ̂i ípɔ.”

Kolasiɛŋ 2:12

Dí kálòo ka dîa-ni batâi su. Ka dîa-ni ká kámu siɣe máŋ batâi su laa-la sarâi Ɣâla ŋɔtíi kɛ́ɛ su, nyíi Kôrai mu siɣe saa yêei.

Temete Maa-ŋuŋ 5:6

kɛ́lɛ, pɔɔ-nɛnii nyíi bîlaŋɔɔi nɔ́ gbîŋ líi láa mɛni pôlui, zaâi berei máŋ gáa la ɣele mai.

Temete Maa-ŋuŋ 6:13

Ŋa m̀ôi yâ Ɣâla ŋɛi nyíi a fulu-laa tɛ̀ɛ sɛŋ kélee pɔi, da Zîsɛ Kôrai nyíi ŋɔsêre faa kɛ́ɛ su, è ŋɔlaa-lai maa-mɛni ƃò a ǹɛ́lɛɛ Pɔ̃ŋtiɛ Pâle ŋɛi, a gɛ́ɛ í dɔ̂ŋ mɛi káa ífe pɔ́ɔ kɛ̀ ma. Gɛ́ é kɛ́ a maa waa nûa ŋɛ́i é lɛ́ɛ la zu Kúnuu-namui Zîsɛ Kôrai é pá.

Ibulu 6:1

Mɛni ma kwaa kpéra Kôrai maa-mɛni-lɛɛ ma nyíi vii kpɛɛi, kú lí zɛŋ-lɛɛi mâ nyíi gbanaŋɔɔ̂i. Maa fé nɛ̃ɛ ní ŋɔ́nɔ a gɛɛ kú zɛŋ fii-kpɛɛ-ŋai ŋí lɛ́ɛ kɔ́ɔ pîlaŋ ŋɔ́nɔ a nina nyíi-ŋai díkaa a kú kɛ́ɛ kú kúpôlu tɔɔ tua-pere nyɔŋ ma. Laa-la é kɛ́ kúyêei nyíi gáa Ɣâla mɛni ma,

Ibulu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ Mɔlêŋ sarâi, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma Ɣâlai mi.

Zĩi 2:17

Mɛni ma laa-la ǹyaa tɔnɔ, à kɛ̀ tíi fé zu, gɛ̀ ní zaâi.

Zĩi 2:20

Íƃoo-nuui ŋí ya ŋ̀wɛ̂lii dí ǹɛ́ yâ a gɛɛ laa-la ǹyaa tɔnɔ, tíi à wàla kɛ́ zu, gáa nɔ́ kpɛ́ni-kpɛni?

Zĩi 2:26

Mɛni ma berei núu kpono nyíi mɔlêŋ fé zui zaâi lai, bere nɔ́ ƃe ǹaa-lai nyíi tíi fé zui zaâi la.

Zɔ̂ŋ Maa-ŋuŋ 2:12

Ŋa kɔlɔ pɔ̃yɛɛ̂i kápɔ naa, ńônii, kpɛ́ni fêi, kásɔnyɔ̂ŋ-ŋai su-mɛni a lɛ̂ɛ zarâi.