Kolasiɛŋ 1:9 - Ŋ̀âla Kɔlɔ Maa Waai

⁹ Mɛni ma é síɣe tãi ma kú mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa é fɛ́ɛ a ǹîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Kolasiɛŋ 1:9 ပူးပေါင်းရင်းမြစ်များ

Wule-woo-ŋa 119:99

Ŋà mɛni ŋá kàa é tɛ́ɛ ŋásɛŋ lɛ́-ƃelai kélee dîa, kpɛ́ni fêi ŋà ŋ́gili ŋá sìa é pîlaŋ ísɛŋ lɛ́ɛ-ŋai dîa.

Wule-woo-ŋa 143:10

Yá ƃé íkaa a Ŋáɣâlai, ítûa-pere lɛ́ ḿâ a gɛɛ ŋá sía la. Ye ḿɛi káa a ǹɛ́lɛɛ í ḿbîlaŋ pere lɛ́lɛɛ ma.

Zɔ̂ŋ 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Zia-ƃelai Kɛ́-mɛni-ŋai 12:5

Pitɛ è kɛ̀ gbini-pɛrɛi mu. Kɛ́lɛ, Kôrai-toli-kpɔŋ è kɛ̀ Ɣâla fɛlîi m̀ɛni ma a gbanaŋɔɔ.

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Kɔleŋtiɛŋ Maa-ŋuŋ 1:5

kpɛ́ni fêi, ká kɛ̀ a tɔɔ-ƃela pere sii kélee su gbonôi lóno-woo kélee su da táre kélee,

Ifisiɛŋ 1:8

nyíi è dɛ̀ɛ kúpɔ kpɔ́ a dámaa táre sii kélee su da mɛni ŋá káai.

Ifisiɛŋ 5:10

Ka kɔ́ ká m̀ɛnii maa kɔri nyíi a Kúnuu-namui líi làai.

Ifisiɛŋ 5:17

Maa-mɛni ma káfe ƃoo. Kɛ́lɛ, ka táre Kúnuu-namui ńîa-mɛnii su.

Ifisiɛŋ 6:6

Káfe nuu-ŋɛi-woo mɛni kɛ̀ nɔ́ a dia. Káfè kɛ̀ nɔ́ a núu lii-laa-ƃela. Kɛ́lɛ, ka kɛ́ yɛ̂ɛ Kôrai yée-mu-ƃela, ká kɛ́ Ɣâla nia-mɛni kɛ̀ é kúla kálii su.

Felepiɛŋ 1:4

Tãi kélee ŋà Ɣâla fɛ̀li la kákelee kámɛni mai, ŋa vɛ̀li a lii-nɛ̃ɛ.

Kolasiɛŋ 1:6

Duŋ Lɛ́lɛɛi a pá kápɔ. Gáa ƃâi ǹɔii su gwaa kélee gɛ ƃɔlɔ. Bere ƃé è kɛ̀ la kásama tãi ká Ɣâla ŋɔƃɛlɛ-sêei maa-mɛni mɛ̀ni la ká táre zu tɔ̃yâ sui,

Kolasiɛŋ 3:16

Ka Kôrai ŋɔwóoi lɛ́ɛ naa é kɛ́ kálii su a dámaa táre kélee su. Ka sɛŋ lɛ́ kákîe-ni dîa, ka kákîe-ni lia-woo ƃo, wule-woo-ŋa su da Ɣâla-wule-ŋa, kákɛ sɛɣɛi-fei-wule too kálii su Ɣâla ma.

Kolasiɛŋ 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài è fàa kâa. Gáa tɔɔ̂ni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ká tɔ́ɔ kpɔ́ a gbanaŋɔɔ ká Ɣâla nîa-mɛnii kélee kɔlɔŋ a ǹɛ́lɛɛ.

Kolasiɛŋ 4:5

Ka kámɛi káa a táre diai dífe nîi láa a Ɣâlai dísama. Tãi nyíi gáa káyêei, ka tíi kɛ́ la a ǹɛ́lɛɛ.

Tɛsɛlôniɛŋ Maa-ŋuŋ 1:3

Kálaa-la-tii kɛ́ɛi a tôo kúkili ŋá Kúnâŋ Ɣâla ŋɛ́i, da káwɛli-kɛ́-maa-mɔ̃lɛ̂i é pɛ́lɛ gíli-kɛ-zui ma gáa káyêei a tãi kélee Kúnuu-namui Zîsɛ Kôrai kponôi.

Tɛsɛlôniɛŋ Maa-ŋuŋ 5:17

ka Ɣâla fɛli a tãi kélee,

Tɛsɛlôniɛŋ Veerɛi 1:11

Nyíŋi mɛni ma kwa Ɣâla fɛlîi a ɣele kélee kámɛni ma. Kwa Kúɣâlai fɛlîi a gɛ́ɛ kákɛ a ǹûai dímaa nɛ̃ɛ̂i dòli è m̀o a kaai m̀aa mɛni ma. Tɔɔ é kákili-ŋa sia mɛni lɛ́lɛɛ-ŋai kélee da ǹaa-lai ŋɔtíi ŋ̀aa-see kɛ́ a ŋɔwála-walai.

Falemɔŋ 1:4

Tãi ímaa-mɛ̂ni a tôo la ŋ́gili ŋá, Ŋáɣâla fɛliɛ sui, ŋa sɛɣɛ-fêi tɛ̀ɛ Ŋáɣâlai pɔ́ a tãi kélee,

Falemɔŋ 1:6

Ŋa Ɣâla fɛlîi a gɛɛ ǹaoi-laai kúkaa-zui maa laa-lai é dare su kɛ́tɛ nyíi gáa zɛŋ lɛ́lɛɛi kélee mɛni ma, nyíi-ŋai díkaa a kúpɔɔ Kôrai kponôi.

Ibulu 10:36

Kpɛ́ni fêi, fɛ̂ɛ lii-kpele é kɛ́ káyêei a gɛɛ ka Ɣâla nia-mɛni kɛ́ ká ŋɔkono-teei sɔlɔ ƃo.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Zĩi 1:5

À kɛ̀ táre à wàla kɛ́ káyêei, ka Ɣâla marê kɛ́, nyíi a sɛŋ tɛ̂ɛ núu kélee pɔ́ kpɛ́ni-kpɛni va maa-lôno kɛ̀ mài, gɛ̀ ní a pâi dɛɛ̂i kápɔ.

Zĩi 3:17

Kɛ́lɛ, dárei nyíi a kûla ŋ̀elei sui, m̀ɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tíi-lɛlɛ, woo-kɛ-ńâ-feerɛ fé zu, kiri-mɛni fé zu.

Pitɛ Maa-ŋuŋ 2:15

Ɣâla nîa-mɛni ƃá, a gɛɛ núu é mɛni lɛ́lɛɛ kɛ́, ŋɔmɛni lɛ́lɛɛ kɛɛ̂i é m̀oo-ƃelai díƃoo-lono-ŋai kélee kpera.

Pitɛ Maa-ŋuŋ 4:2

a gɛɛ vé ŋɔfúlu-laai kpéli kɛ̀ gbonôi a núu ŋɔkɛ-pere nyɔŋ maa sɛŋ wɛliɛi ŋɔ́nɔ, kɛ́lɛ, é kɛ́ a Ɣâla nia-mɛni.

Zɔ̂ŋ Maa-ŋuŋ 2:17

Ŋ̀éniɛi a tɛ̂ɛi da ŋɔsu-sɛŋ-wɛliɛi kélee. Kɛ́lɛ, ǹúui a Ɣâla nîa-mɛni kɛ̀i, a pâi kɛ̂i naa wɔlɔ-wɔlɔ da wɔlɔ-wɔlɔ.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

Samia Maa-ŋuŋ 12:23

À kɛ̀ ŋà kpèra Ɣâla fɛlîi kámaa mɛni ma, gɛ̀ ní ŋá Yâwɛɛ wóo píli! Ŋa pâi berei lɛ̂i kâa a ɣele kélee nyíi a pɔri gɛ̂i kátûa a ǹɛ́lɛɛ.