Kolasiɛŋ 1:6 - Ŋ̀âla Kɔlɔ Maa Waai

⁶ Duŋ Lɛ́lɛɛi a pá kápɔ. Gáa ƃâi ǹɔii su gwaa kélee gɛ ƃɔlɔ. Bere ƃé è kɛ̀ la kásama tãi ká Ɣâla ŋɔƃɛlɛ-sêei maa-mɛni mɛ̀ni la ká táre zu tɔ̃yâ sui,

Kolasiɛŋ 1:6 ပူးပေါင်းရင်းမြစ်များ

Wule-woo-ŋa 110:3

Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Wule-woo-ŋa 98:3

Ŋɔwɛli kɛ́-maa kpanaŋɔɔi maa kono-teei, maa mɛni kíli è lɛ̀ɛ gili-ŋá ŋɔnûai Eezuɛ-ŋai mɛni ma. Ɣâla a ǹɛ́ núu kélee ma berei a ŋɔnûai ŋuŋ ma ƃò lai.

Maafîu 24:14

Gâloŋ-laai maa-tuŋ lɛ́lɛɛi ŋí a pâi ƃôi ǹɔii kwaa kélee a sêre-faa sîi kélee mɛni ma. Gɛ̀ ní, ŋ̀éniɛi kpɛɛ ŋá a pâi pâi.

Maafîu 28:19

Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú.

Mâki 16:15

Nya ƃe è m̀o dîa ǹyɛɛ, “Ka lí ǹɔii gwaa kélee ma ká Duŋ Lɛ́lɛɛi ƃó núu kélee ma.

Mâki 4:8

Kɛ́lɛ, zí-sɛŋ-káoi da e tòo lɔii lɛ́lɛɛ ma. È pɔmûŋ è ƃɔ̀lɔ é ƃá. M̀á da-ŋa díkɛ ŋ̀á buu saaƃa, da-ni buu lɔ́ɔlu mɛi da, da-ni ŋuŋ tɔnɔ.”

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 17:19

Ŋa ŋ́gbîŋ maa wâa dímɛni ma a gɛɛ dia máŋ dímaa é wáa tɔ̃yâ su.

Zɔ̂ŋ 4:23

Kɛ́lɛ, tãi a pâi, gáa nâa ƃɛ, tãi Dɔ̃yâ ɣala-fɛli-ƃelai da pâi Nàŋ-nuui fɛlîi mɔ̂leŋ su da tɔ̃yâ. Kpɛ́ni fêi, diai ti ƃe Nàŋ-nuui a díkɔ̀ri a gɛɛ dí vɛli.

Zia-ƃelai Kɛ́-mɛni-ŋai 11:18

Ŋ̀óo-ŋai ŋí mɛniɛɛ dîɛi, dí dímɛi sàa dí Ɣâla láa maa tɛ́, dîyɛɛi, “Gɛ̀ ní, Ɣâla a ŋuŋ ma ƃo tɛ̀ɛ Zɛ̃tai-ŋai pɔ́ máŋ a gɛ́ɛ dí dílii pene dílɛɛ ɣele ma.”

Zia-ƃelai Kɛ́-mɛni-ŋai 12:24

Kɛ́lɛ, Ɣâla ŋɔwóoi è ƃûu ƃo.

Zia-ƃelai Kɛ́-mɛni-ŋai 16:14

Nɛnî tɔnɔ è kùla Tayatira-taai su, ǹáa ƃé kɛ̀ a Leedia. È kɛ̀ a gãla-seɣe kɔlɛ-nuu, gɛ ƃo a Ɣâla fɛli-nuu. Nya ƃe Kúnuu-namui e ǹíi láa ƃò a gɛ́ɛ é ǹyée see mɛni-ŋai mu Pɔ̂ɔ e mòi.

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 1:13

Ŋánûa, ŋa ŋ̀wɛ̂lii ká gɔ́lɔŋ a gɛ́ɛ ŋá gbɛtɛ ŋ́gili ŋá a tãi támaa a gɛ́ɛ ŋá pá kápɔ, kɛ́lɛ sɛŋ da è kɛ̀ ḿberêi kpáanîi. Ŋa kɛ̀ ŋ̀wɛ̂lii ŋá gɛ́ núu támaa líi è pène Kôrai pá-naa pere yɛ̂ɛ berei ŋá gɛ̀ la ŋ́gɛɛ Zɛ̃tai-ŋai kpeli-ŋai sáma Luŋ,

Lomaŋ 15:19

da ŋɛi-kɛ-maa-ŋa da mɛni kpaya-kpaya díwala-walai, da M̀ɔlêŋ Maa Waai ŋɔwála-walai a gɛ́ɛ ŋa Kôrai ŋɔtuŋ lɛ́lɛɛi ƃo é síɣe Zerusâlɛŋ e seri Iliɛkɔŋ gwaa kélee.

Lomaŋ 15:28

Mɛni ma tãi ŋà nyíŋi kpɛ̀ɛ la, ŋá zɛŋ-kaoi tɛ́ɛ dípɔ Zɛ̃tai-ŋai dí bu gîe mai, ŋa pâi tɛɛ̂i a kápɔ naa-pere ŋá lí Sipîŋ;

Lomaŋ 16:26

kɛ́lɛ, a nâa kula fíeŋ ŋái. Ɣâla ŋɔlóno kɛ́-ƃelai díkɔlɔ pɔ̃yɛɛi a ǹɔii-ŋai kélee kɛ́ da ŋorɛ-wooi ŋí kɔlɔŋ. Ŋwɔlɔ-wɔlɔ Ɣalai ƃe mò ŋɔlóno kɛ́-ƃelai dîa a gɛ́ɛ dí nyíŋi kɛ́ a gɛ́ɛ ǹɔii-ŋai dí ǹaa-lai maa-mɛ̂ni siɣe a tɔ̃yâ.

Kɔleŋtiɛŋ Veerɛi 10:14

Kpɛ́ni fêi, díi Ɣâla è dɛ̀ɛ kúpɔi, kúfe da pui ma yɛ̂ɛ nya ƃe kúfe níi seri ni kâa. Kú kɛ̀ a ǹûai maa-ŋuŋ-ŋai kú sía kú pá kápɔ a Kôrai ŋɔtuŋ lɛ́lɛɛi.

Kɔleŋtiɛŋ Veerɛi 6:1

Berei kwa Ɣâla-ni kwa tíi kɛ̂i la gîe mai, kwa kákpera fei a gɛ́ɛ káfe ŋɔƃɛlɛ-sêei sɔlɔ ƃo nɔ́ kpɛni-kpɛni.

Ifisiɛŋ 3:2

Tɔ̃yâ ma ká m̀ɛni berei Ɣâla a ŋɔƃɛlɛ-sêei tɛ́ɛ la ḿbɔ a gɛ́ɛ ŋá tíi kɛ́ kàai,

Ifisiɛŋ 4:21

À kɛ̀ ká ŋ̀óo mɛ̀ni é sɛŋ lɛ kâa yɛ̂ɛ berei tɔ̃yâ káa la Zîsɛ kponôi,

Ifisiɛŋ 4:23

Ka kɛ́ a núu nina kákili ŋɔmɔlêŋ su.

Ifisiɛŋ 5:9

Kpɛ́ni fêi, kwaa-ponoɔɔ ŋɔƃa káa mɛni lɛ́lɛɛ kélee su, da mɛni sã́a, é pɛ́lɛɛ tɔ̃yâ ma.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Felepiɛŋ 4:17

Zu-kulâi fa a gɛ́ɛ ŋa sama-sɛŋ kɔ́rîi. Kɛ́lɛ, ńii lâai zɛŋ mɛni ma Ɣâla a pâi dɛɛ̂i kápɔ zama-sɛŋ mɛni mai.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔ ká fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí è ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Tɛsɛlôniɛŋ Maa-ŋuŋ 1:5

kpɛ́ni fêi, kútuŋ lɛ́lɛɛi fé pá ní nɔ́ kápɔ lóno-wôo su, kɛ́lɛ, è pà máŋ kápɔ wála-wala-laa su da M̀ɔlêŋ Maa Waai é pɛ́lɛ Laa-la kpanaŋɔɔ ma. Ká gɔ́lɔŋ ǹûai kú kúkpîŋ lɛ̀ kásama a gɛ́ɛ kúkaa la kámɛni mai.

Tɛsɛlôniɛŋ Maa-ŋuŋ 2:13

Kwa Ɣâla sɛɣɛ̂i fè máŋ a tãi kélee nyíŋi mɛni ma a gɛ́ɛ tãi ká Ɣâla ŋɔwóoi sɔlɔ ƃô la nyíi ká mɛ̀ni kúlai, ká káyee sèe mu, káfe káyee see ni mu yɛ̂ɛ núu-kpune wóo, kɛ́lɛ, ká káyee sèe mu yɛ̂ɛ berei gáa la a Ɣâla wóoi, nyíi tíi kɛ̂i káai a ǹaa-la-ƃelai kákponôi.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Pitɛ Maa-ŋuŋ 5:12

Seveenɔ, nyíi gáa a kúƃarâŋ-nuu sã́ai, yɛ̂ɛ berei ŋa gaâi lai, zarâi ƃe ŋá gɔlɔ kpuai ŋí pɔ̃yɛ la kápɔ, ŋá kálîa-woo ƃói ŋa ǹɛ a gɛɛ Ɣâla ŋɔtɔ̃yâ-ƃɛlɛ-sêei ká ŋí. Ká tɔ́ɔ zu a gbanaŋɔɔ.