Kolasiɛŋ 1:4 - Ŋ̀âla Kɔlɔ Maa Waai

⁴ kpɛ́ni fêi, kwa kálaa-lai maa-mɛni mɛni Zîsɛ Kôrai kponôi da ŋ̀wɛli-kɛ-maai gáa káyêei Ŋ̀âla-ƃelai kélee mɛni mai.

Kolasiɛŋ 1:4 ပူးပေါင်းရင်းမြစ်များ

Kɔleŋtiɛŋ Veerɛi 7:7

Taitɔ páa maa-mɛni tɔnɔ nɔ́ fei, kɛ́lɛ, ŋ̀a-nɛnɛi máŋ ká dɛ̀ɛ bɔ́i mɛni ƃe, yɛ̂ɛ berei è mò la kûa berei ká kɛ̀ ŋ̀wɛ̂lii la ká ŋ́gaa, berei ká kɛ̀ wɔ́lɔ̂i la ḿaa-mɛni mai, da berei ká ŋ́wɛli ni lai, a gɛ́ɛ ŋá lii-nɛ̃ɛ kula a zu kɛ́tɛ.

Galesiɛŋ 3:26

Kpɛ́ni fêi, kákelee kákaa a Ɣâla ŋɔnîa-pɛlɛɛ Zîsɛ Kôrai kponôi laa-la sarâi.

Galesiɛŋ 3:28

Zûu-nuu fé ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî. Kpɛ́ni fêi, kákelee kákaa tɔnɔ Zîsɛ Kôrai kponôi.

Galesiɛŋ 5:6

Kpɛ́ni fêi, diai díseɛɛi kpono mai da diai dífe see-ní, kpono mai, dímaa-mɛni fé a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sarâi.

Ifisiɛŋ 1:15

Sâpoi ŋí ma fé níi kpera ni sɛɣɛi-fei tɛɛ̂i kámaa-mɛni ma, kpɛ́ni fêi, ŋa kálaa-lai maa-mɛni ƃó nyíi gáa Kúnuu-namui Zîsɛ kponôi da káwɛli-kɛ-maai nyíi gáa Ŋ̀âla-ƃelai mɛni mai. Kámaa-mɛni káa ŋ́gili ŋá Ŋáɣâla-fɛliɛɛi su,

Ifisiɛŋ 6:18

Ka Ɣâla fɛli M̀ɔlêŋ su a tãi kélee a Ɣâla-fɛli pere sii kélee mare-kɛɛ-pere su. Ka kámɛi káa fɔlɔ-fɔ̂lɔ su, ka Ɣâla marê kɛ́ Ŋ̀âla-ƃelai kélee mɛ̂ni ma.

Kolasiɛŋ 1:9

Mɛni ma é síɣe tãi ma kú mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa é fɛ́ɛ a ǹîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Tɛsɛlôniɛŋ Maa-ŋuŋ 1:3

Kálaa-la-tii kɛ́ɛi a tôo kúkili ŋá Kúnâŋ Ɣâla ŋɛ́i, da káwɛli-kɛ́-maa-mɔ̃lɛ̂i é pɛ́lɛ gíli-kɛ-zui ma gáa káyêei a tãi kélee Kúnuu-namui Zîsɛ Kôrai kponôi.

Tɛsɛlôniɛŋ Maa-ŋuŋ 3:6

Kɛ́lɛ, Temete a nàa kula kápɔ naa a pá kúpɔ a tuŋ lɛ́lɛɛ kálaa-lai mɛni ma da káwɛli-kɛ-maai. A ŋɔ́nɔ m̀ó kûa a gɛ́ɛ kúmaa mɛ̂ni káa nɔ́ kákili ŋá a tãi kélee, ká kɛ́ ŋ̀wɛli ká kúkaa yɛ̂ɛ berei kwa ŋ̀wɛ̂lii la a gɛ́ɛ kú kákaai.

Tɛsɛlôniɛŋ Veerɛi 1:3

Ŋánûa, fɛ̂ɛ nɔ́ kú sɛɣɛi-fei tɛɛ Ɣâla pɔ́ a ɣele kélee ká mɛni ma, yɛ̂ɛ berei maa nɛ̃ɛ̂i kú gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Falemɔŋ 1:5

kpɛ́ni fêi, ŋa íwɛli-kɛ-maai maa-mɛni mɛ̀ni da ílaa-lai nyíi gáa íyeêi Kúnuu-namui Zîsɛ da Ŋ̀âla-ƃelai kélee mɛ̂ni mai.

Ibulu 6:10

Ɣâla fé fíli ní a gɛ́ɛ a pɔ̂ri ŋ̀ɛ́i naɣînii kátii mɛi da káwɛli-kɛ-maai ká ǹɛ zarâi a tíi-kɛɛ Ŋ̀âla-ƃelai diɛ yɛ̂ɛ berei ka niî gɛ̂i lai.

Zɔ̂ŋ Maa-ŋuŋ 3:14

Kú gɔlɔŋ a gɛɛ kwa pá fúlu-laa su. Kpɛ́ni fêi, kú ǹûai wɛ̂li ni. Ǹúui wɛli-kɛ-maa fé ǹyêei a lɛ̂ɛ saa su.

Zɔ̂ŋ Maa-ŋuŋ 3:23

Ŋɔtɔ̂ŋ ká ŋí a gɛɛ fɛ̂ɛ kú láa a Ǹóŋ Zîsɛ Kôrai láa, kú kúkîe-ni wɛ́li yɛ̂ɛ berei è mò la kûai.

Zɔ̂ŋ Maa-ŋuŋ 4:16

Mɛni ma kú Ɣâla ŋɔwɛli-kɛ-maai kɔ́lɔŋ kúmɛni ma, kú láa la. Ɣâla káa a wɛli-kɛ-maa. Ǹúui a kɛ̂ wɛli-kɛ-maa sui, a kɛ̂ Ɣâla kponôi, Ɣâla ǹyaŋ kɛ́ ƃo gbonôi.