Kolasiɛŋ 1:27 - Ŋ̀âla Kɔlɔ Maa Waai

²⁷ Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolasiɛŋ 1:27 ပူးပေါင်းရင်းမြစ်များ

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Lûu 17:21

fulɔi máŋ dí mò, dîyɛɛi, ‘Gáa, gáa ƃɛ!’ Kpaa, ‘Gáa naa.’ Kpɛ́ni fêi, ka gáa, Ɣâla ŋɔkâloŋ-laai káa kásama.”

Zɔ̂ŋ 14:17

Ǹyaa ƃa Dɔ̃yâ-Mɔleŋ kpîŋ, nyii ǹɔii fa pɔ̂ri zɔlɔ ƃôi. Kpɛ́ni fêi, va gàa, kpaa máŋ é gɔ́lɔŋ. Kɛ́lɛ, ká gɔ́lɔŋ. Kpɛ́ni fêi, gáa kákɔlɛ ǹyaŋ a pâi kɛ̂i kákponôi.

Zɔ̂ŋ 14:20

Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Zɔ̂ŋ 14:23

Zîsɛ e ŋ̀óo su tòo, ǹyɛɛi, “À kɛ̀ núu da à ŋ́wɛ̀li, a pâi ŋ́ooi mɛi kâai. Ńâŋ a pâi ŋ̀wɛ̂lii, gɛ̀ ní kwa pâi pâi bɔ ku kúkɛ̂i kpɛtɛ ǹyêei.

Zɔ̂ŋ 17:26

Ŋá ílaai lɛ́ dîa, ŋa pâi ŋɔ́nɔ ǹɛ̂i, a gɛɛ ŋ̀wɛli-kɛ-maai nyii í ŋ́wɛ̀li lai, é kɛ́ díkponôi, ńyãa máŋ ŋá kɛ́ díkponôi.”

Zɔ̂ŋ 6:56

Ǹúui nyii a núu mìi, é ŋ́ãai kpélei, gáa ŋ́gbonôi, ńyaŋ ŋ́gɛ ƃò gbonôi.

Lomaŋ 11:33

Óo Ɣâla ŋɔtárei da ŋɔmɛni kɔlɔŋɔɔi nyíi-ŋai dísiŋɔɔ̂i dítɔɔ-laai sui! Berei káa ŋɔmɛni ŋa-teɛɛ-ŋai kúfa pɔ̂ri maa-kɔrii la da ŋɔpere-ŋai nyíi dɛɛi kúkili-ŋa-siai mai!

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Lomaŋ 5:2

Zarâi ƃé kú m̀ɛlɛ-seei ŋí maa perei sɔlɔ ƃo naa (laa-la sârai), nyíi kúkaa tɔ̂ɔni zui, ǹyaŋ kwa lii-nɛ̃ɛ kula kúkili-kɛ-zui su a Ɣâla ŋɔfólo-laai sɔlɔ ƃóɔɔ.

Lomaŋ 8:10

Kɛ́lɛ, à kɛ̀ Kôrai káa kákponôi, berei máŋ kákponôi saâi la a sɔnyɔ̂ŋ, kámɔlêŋ káa a vulu tɔ̃yâ laa-la su.

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Kɔleŋtiɛŋ Maa-ŋuŋ 3:16

Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Kɔleŋtiɛŋ Veerɛi 2:14

Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsarâi.

Kɔleŋtiɛŋ Veerɛi 4:17

Kpɛ́ni fêi, tãi kpuâi ŋí su m̀ɛni-kpɔ̂lu-loŋ a wɔlɔ-wɔlɔ folo-laa kɛ́tɛ kpɛtɛ̂i ká mɛni ma, nyíi gɔ̀ɔŋ-maa fé mai.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Kɔleŋtiɛŋ Veerɛi 6:16

Lé mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔkɔɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi, yɛ̂ɛ berei Ɣâla è mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Galesiɛŋ 2:20

Kwa Kôrai dí kúkpàmo wúru su-tíyeŋɔɔ ma. Ǹyaŋ fé ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi. Vulu-laai ŋa nâa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Galesiɛŋ 4:19

Ŋánîa-pɛlɛɛi, ŋ́gaa ŋɔ́nɔ mɛni-soli su kámɛni ma, é lɛ́ɛ la zu Kôrai é kɛ́ kákponôi a ǹɛ́lɛɛ!

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sarâi, nyíi zu-kulâi ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Ifisiɛŋ 2:22

Kápuɔ̂i kákîe-ni ma Kôrai kponôi kwaa ma mɛni ma ƃɛi Ɣâla Ŋɔmɔlêŋ a kɛ̂ naai.

Felepiɛŋ 4:19

Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Kolasiɛŋ 1:5

Kálaa-lai da káwɛli-kɛ-mâai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Kolasiɛŋ 2:3

nyíi táre ŋɔtɔɔ-laai kélee da mɛni kɔlɔŋɔɔ díloɔɔ̂i gbonôi.

Kolasiɛŋ 3:11

Zɛŋ kpɛtɛɛ ninai ŋí su ŋa-kɔlɛ-mɛni fé núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu seɛɛ kpono mâ kpaa ǹúui ve see-ní kpono mai, ŋɔ̃yâ, Satiaŋ-nuu, luɛ, da núu ŋuŋ ma ƃoɔɔ. Kɛ́lɛ, Kôrai ƃa gélee, gɛ ƃo gélee su.

Temete Maa-ŋuŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Kúƃalo-nuui Ɣâla è m̀o la Zîsɛ Kôrai sarâi nyíi gáa a kili-kɛ-zui.

Ibulu 6:19

Gili-kɛ-zui ŋí káa yɛ̂ɛ kúmɔlêŋ soŋ-kɔli kpanaŋɔɔ a tɔ̃yâ. Gáa a gili-kɛ-zui nyíi a lɔ̂ pɔ̂rɔŋ é tɛ́ɛ zeɣe sɛ̂lɛŋɔɔ pôlu,

Zɔ̂ŋ Maa-ŋuŋ 4:4

Nîa-pɛlɛɛ, kákaa a Ɣâla pɔ́ɔ. Ka díyee mɛi ɣále. Kpɛ́ni fêi, ǹúui gáa kákponôi, gɛ́tɛ̂i é tɛɛ ǹúui mâ gáa ǹɔii sui.

M̀ɛni-lɛɛi 3:20

Gáa, ŋ́gaa tɔɔ ni gbôŋ lá ŋ́gɛ dua. A kɛ̀ núu da kélee à ŋ́oo mɛ̀ni é gbôŋ lá ƃó, ŋa pâi pâi bɔ kwa ǹyaa ku sée ku kúlaa mii gîe ma.