Kolasiɛŋ 1:24 - Ŋ̀âla Kɔlɔ Maa Waai

²⁴ Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa m̀ɛni-solii ŋí ŋ̀aa-see kɛ̂i a ŋ́gbono. Kôrai è m̀ɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Kolasiɛŋ 1:24 ပူးပေါင်းရင်းမြစ်များ

Mâki 10:39

Dí mò ma, “Kwa pɔ̂ri.” Zîsɛ è m̀o dîa, “Gbele-kɔɛi ŋa ŋ́gbele lai, ka pâi kákpelêi la, berei da pâi ŋábatâi kɛ̂i lai bere ƃé da pɔri kábatâi kɛ̂i la.

Zia-ƃelai Kɛ́-mɛni-ŋai 5:41

Zia-ƃelai kúlaa gbɔŋ sui, dí li a lii-nɛ̃ɛ, kpɛ́ni fêi, Ɣâla a fáa ma a gɛ́ɛ dímaa nɛ̃ɛi kɛ̀ dí mɛni-soli káa a ŋumɛ pere Zîsɛ láai mɛni ma.

Lomaŋ 5:3

É tɛ́ɛ máŋ nyíti ma, kwa lii-nɛ̃ɛ kula kúmɛni-soli káai su, kpɛ́ni fêi, kú gɔ́lɔŋ a gɛ́ɛ mɛni soli-kaa a pâ a lii-kpele,

Lomaŋ 8:17

À kɛ̀ ǹyaŋ kúkaa a ǹônii, kúkaa a pɔɔ-sɛŋ namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Kɔleŋtiɛŋ Maa-ŋuŋ 12:27

Mɛni ma kákaa a Kôrai kpono ka ƃo a ŋoŋo-ŋa tɛi-tɛi.

Kɔleŋtiɛŋ Veerɛi 12:15

Ŋa pâi ńyee ŋá-sɛŋ kélee kɔlɛɛ̂i a lii-nɛ̃ɛ ŋá ŋ́gbîŋ kɔlɛ kámɔlêŋ mɛni ma. À kɛ̀ wɛli-kɛ-maa támaa káa ńyêei kámɛni ma, wɛli-kɛ-maa-loŋ a pâi kɛ̂i káyêei ḿɛni ma?

Kɔleŋtiɛŋ Veerɛi 6:10

yɛ̂ɛ maloŋ-too-maa, berei máŋ kúkaa lii-nɛ̃ɛ kulâi la a tãi kélee; yɛ̂ɛ kôlo-ƃela, berei máŋ kwa núu támaa tɔɔ̂i lai; yɛ̂ɛ nûa ƃe sɛŋ fé díyêei, berei máŋ sɛŋ kélee káa la a kúpɔɔi.

Kɔleŋtiɛŋ Veerɛi 7:4

Náâi a káa kpɔ́ a ŋ̀ánaa. Ńii nɛ̃ɛ̂i kámɛni ma kpɔ́ a ŋ̀ánaa. Ńii láa fɛɛ̂i a ŋa-nɛnɛ. Kúmɛni-kpɔ̂lui kélee su, ńii nɛ̃ɛ̂i kpɔ́ a ŋ̀ánaa.

Ifisiɛŋ 1:23

nyíi gáa a ŋɔkponoi nyíi ǹáa fɛɛ̂i a ǹyaa kpîŋ, gɛ sɛŋ kélee láa fɛ̀ɛ a pere-sii kéleei.

Ifisiɛŋ 3:1

Sâpoi ŋí ma, ńyãa Pɔ̂ɔ, ńyãai ŋ́gaa a kpini-pɛrɛ mu Zîsɛ Kôrai mɛni ma káai a Zɛ̃tai-ŋai kámaa-mɛni mai, ŋa pɛlɛ ŋume ŋá Ǹaŋ-nuui ŋɛ́i túɛ.

Ifisiɛŋ 3:13

Mɛni ma ŋa kámarê kɛ̂i a gɛ́ɛ káfii fé kpɛ̀ɛ ŋámɛni-soli-kaai ma kámɛni ma, nyíi gáa a káfolo-laai.

Felepiɛŋ 3:10

a gɛ́ɛ ŋa gɔ́lɔŋ da ŋɔmu-siɣe saa-yeei ŋɔwála-walai, ŋa ŋɔmɛni-soli-kaai da sɔlɔ ƃo, ŋá tela kɛ́ yɛ̂ɛ ǹyaa ŋɔsaai su.

Kolasiɛŋ 1:18

Gáa a gbonoi ŋuŋ nyíi gáa a Kôrai-toli-kpɔŋ. Gáa a gɔɔ-pîlanii, gɛ ƃo a ǹúui maa-ŋuŋ kùla saa yêei, a gɛ́ɛ dɔɔ̂i é kɛ́ a gɛ́tɛ mɛni kélee su.

Temete Veerɛi 1:8

Ífe ŋumɛ a Kúnuu-namui m̀aa sêre-faa kɛ́ɛ, kpaa máŋ ífe ŋumɛ ḿâ, ńyãai ŋ́gaa a ŋɔkpini-pɛrɛi mui, kɛ́lɛ, m̀ɛni-solii íwɔ̂i káa Duŋ Lɛ́lɛɛi mɛni ma Ɣâla ŋɔwála-wala-laai su,

Zĩi 1:2

Ŋánûa, kà su-kɔɔ̂ŋ sii támaa sɔlɔ ƃô, ka lii-nɛ̃ɛ kula,