Kolasiɛŋ 1:22 - Ŋ̀âla Kɔlɔ Maa Waai

²² a nâa pá a káa pôlu gbono ŋɔsaai sarâi, a gɛ́ɛ é kálɛ a maa-waa ƃela da sɔŋ-kpɛɛ-maa-ƃela da ǹûai dímaa-kulâi fé diai.

Kolasiɛŋ 1:22 ပူးပေါင်းရင်းမြစ်များ

Samia Veerɛi 22:24

Sɔnyɔ̂ŋ fé ḿâ ŋ̀ɛ́i, ǹyaŋ ŋa ńyee kúla kula sɔnyɔ̂ŋ kɛ́ɛ su.

Zôo 15:15

Gáa a tɔ̃yâ a gɛɛ Ɣâla fé láa ní a gbîŋ kela-ŋai. Dí maa fé waa ní ŋ̀ɛi-tuɛ.

Zôo 25:5

Ŋ̀áloŋ da bɛmɛlɛŋ-kao-ŋai kpîŋ dímaa fé waa ní Ɣâla ŋɛ́i-tuɛ.

Wule-woo-ŋa 51:7

Ŋásɔnyɔ̂ŋ wáa ḿâ, gɛ̀ ní ŋa pâi kɛ̂i a ḿaa waa. Ŋ́waa ḿî, gɛ̀ ní ŋa pâi kɛ̂i fôloi yɛ̂ɛ yee-fũa.

Lûu 1:75

maa-waa-laa su da tɔ̃yâ-laa su ŋɛi tuɛ a ɣele kélee kúfulu-laai su.

Lomaŋ 7:4

Ŋánûa, ka kpera káɣeniɛi kɛ́ɛ ma dɔ̂ŋ mɛni ma a berei tɔnɔi ti Kôrai kponoi sârai, a gɛ́ɛ ká kɛ́ a núu da kpɛni pɔ́ɔ, nyíi Ɣâla e mu siɣe saa yêei, a gɛ́ɛ ku ƃá Ɣâla mɛni ma.

Kɔleŋtiɛŋ Veerɛi 11:2

Ɣâla-tolo káa ńii su kámɛni ma, kpɛ́ni fêi, ŋá kátɛ̀ɛ Kôrai pɔ́ a gɛ́ɛ ŋá ká lɛ́ yɛ̂ɛ núu à kɛ̀ nɛnî maa-waa tɛɛ̂i ŋɔsurɔ̂ŋ pɔ́ nyíi gɔli-kao lai.

Kɔleŋtiɛŋ Veerɛi 4:14

Ku gɔ́lɔŋ a gɛ́ɛ ǹúui Kúnuu-namui Zîsɛ mu siɣe saa yêei, a pâi kúmu siɣêi saa yêei máŋ kwa Zîsɛ-ni é pá a kúa kwa kaa-ni ŋ̀ɛi tuɛ.

Kɔleŋtiɛŋ Veerɛi 5:18

Nyíŋi kélee a kúla Ɣâla yêei nyíi ǹyaa kpîŋ è kúloai kpɛ̂tɛ kwa dîa-ni Kôrai sarâi é tíi tɛ́ɛ kúpɔ a gɛ́ɛ kú díloai kpɛtɛ da ǹûai.

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ifisiɛŋ 5:27

a gɛ́ɛ é Kôrai-toli-kpɔŋ siɣe a ǹáa fɛɛ a fólo-laa, nyíi pɔ́ɔ fé mà, kpaa máŋ milîŋ, kpaa máŋ sɛŋ kélee yɛ̂ɛ nyiti-ŋai, a gɛ́ɛ é kɛ́ a maa waa, kpɔlɔ̂ŋ fé kɛ̀ ma.

Kolasiɛŋ 1:28

Kwa maa-mɛni ƃò, kúkɛ núu kélee lia-woo ƃo, kúkɛ sɛŋ lɛ̂ núu kélee ma táre kélee su, a gɛ́ɛ kú núu kélee lɛ́ a ǹáa fɛ́ɛ Kôrai kponôi.

Tɛsɛlôniɛŋ Maa-ŋuŋ 4:7

Ɣâla fé kútoli ni a gɛ́ɛ kú kɛ́ a ǹûai dímaa fé waa ni, kɛ́lɛ, è kútòli a gɛ́ɛ kú kɛ́ a maa-waa-ƃela.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Ibulu 10:10

Ǹyaŋ kúmaa a waa nɔ́ zu tɔnɔ a Ɣâla nîa-mɛnii tí Zîsɛ Kôrai kponoi tɛɛ̂i sarâi.

Ibulu 10:20

da bere ninai da vúlu-laa ninai nyíi è ǹáa ƃo kúmɛni ma zeɣei sarâi, zu-kulai ƃa ŋɔkponoi sarâi,

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Pitɛ Maa-ŋuŋ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.

Pitɛ Veerɛi 3:14

Mɛni ma ŋáwɛli-kɛ-maa ƃelai, tãi ka zãâi ŋí maa kpɛnîi lai, ka kɔ́ a gbanaŋɔɔ a gɛɛ é kákaa lii-sêe sú kásɔŋ fé kɛ̀ kâa ŋ̀ɛi-tuɛ da mɛni nyɔ́mɔɔ kélee.

Zûu 1:24

Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,