Kolasiɛŋ 1:18 - Ŋ̀âla Kɔlɔ Maa Waai

¹⁸ Gáa a gbonoi ŋuŋ nyíi gáa a Kôrai-toli-kpɔŋ. Gáa a gɔɔ-pîlanii, gɛ ƃo a ǹúui maa-ŋuŋ kùla saa yêei, a gɛ́ɛ dɔɔ̂i é kɛ́ a gɛ́tɛ mɛni kélee su.

Kolasiɛŋ 1:18 ပူးပေါင်းရင်းမြစ်များ

Wule-woo-ŋa 89:27

Ŋa pâi gɛ̂i a ńoŋ-surɔŋ maa-ŋuŋ. Ǹyaa ƃé pâi kɛ̂i a gâloŋ gɛ́tɛi kâloŋ-ŋa kélee sáma.

Wule-ŋa Kélee Mɛi Wûle 5:10

Ŋáwɛli kɛ́-maa nûui lɛ̂lɛɛi, gɔlɔi ponóɔɔ. Ǹɛ̂lɛɛi é tɛ́ɛ kpakolo wála puu (10,000) ma.

Azaya 52:13

Yâwɛɛ è m̀o ǹyɛɛi, “Ŋá pâi gɛ̂i a gɛ́ɛ m̀ɛnii kélee ńyee mu nuui a ǹyée pìli zui, ŋ̀aa-see é kɛ́ ǹyêei a ǹɛ́lɛɛ, ƃaa kɛ́-maa kɛ́ ƃò m̀a.

Maafîu 23:8

Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i.

Maafîu 28:18

Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma.

Zɔ̂ŋ 1:1

Gɔ́ɔ pîlanii Ŋ̀óoi è kɛ̀ naa. Ŋ̀óoi ǹyaŋ è kɛ̀ Ɣâla kɔlɛ. Ǹyaŋ Ŋ̀óoi è kɛ̀ a Ɣâla.

Zɔ̂ŋ 1:16

Ǹyaŋ ŋɔlaa-fɛ̂ɛi su kúkelee kwa ƃɛlɛ-sêe támaa sɔlɔ ƃó gîe mɛi.

Zɔ̂ŋ 1:27

nyii gaa pâi ḿbôlui, nyii maa fé nɛ̃ɛ ni a gɛɛ ŋa ŋɔkɔ́ɔ ŋá-kɔlɔi-ŋ̀ɛli fúloŋ.”

Zia-ƃelai Kɛ́-mɛni-ŋai 26:23

Nya ƃa berei fɛ̂ɛ Kôrai é mɔ̃lɛ lai da berei fɛ̂ɛ é kɛ́ la a ǹúui maa-ŋuŋ e m̀u siɣe saa yêei e kwaa-ponoɔ lɛ́ ǹûai dîa da Zɛ̃tai-ŋai.”

Lomaŋ 8:29

Kpɛ́ni fêi, diai è díkɔ̀lɔŋ a maa-ŋuŋ è dísèe díŋuŋ ŋá máŋ a maa-ŋuŋ a gɛ́ɛ dí ƃóloŋ Ǹóŋ ma a gɛ́ɛ Ǹóŋ é kɛ́ a ǹóŋ maa-ŋuŋ ǹeɣe-ni sama.

Kɔleŋtiɛŋ Maa-ŋuŋ 11:3

Kɛ́lɛ, ŋa ŋ̀wɛ̂lii ka táre zu a gɛ́ɛ núu kélee ŋuŋ-tuɛ-nuu ƃa Kôrai, nɛnî ŋuŋ-tuɛ-nuu ƃa ŋɔsurɔ̂ŋ, Kôrai-nuu tuɛ-nuu ƃa Ɣâla.

Kɔleŋtiɛŋ Maa-ŋuŋ 12:27

Mɛni ma kákaa a Kôrai kpono ka ƃo a ŋoŋo-ŋa tɛi-tɛi.

Kɔleŋtiɛŋ Maa-ŋuŋ 15:25

Kpɛ́ni fêi, fɛ̂ɛ é kɛ́ ǹɔii mɛi é lɛ́ɛ la zu é ŋɔkpɔara-ƃelai pú gɔ́ɔ mu.

Ifisiɛŋ 1:10

Ɣâla a gbɛtɛ gíli ŋá a gɛ́ɛ tãi à sèri, é ŋ̀elei-su sãai da ǹɔii-ma sãai kélee pú gîei Kôrai kponôi.

Ifisiɛŋ 5:23

Kpɛ́ni fêi, surɔ̂ŋ ƃe gáa a ŋɔnɛnîi tuɛ-nuu, yɛ̂ɛ berei Kôrai káa la a Kôrai-toli-kpɔŋ ŋuŋ, gbono kɛ́ ƃo a Kôrai-toli-kpɔŋ. Kôrai ǹyaa kpîŋ káa a Kôrai-toli-kpɔŋ ƃálo-nuu.

Kolasiɛŋ 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa m̀ɛni-solii ŋí ŋ̀aa-see kɛ̂i a ŋ́gbono. Kôrai è m̀ɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Kolasiɛŋ 2:19

Va gbonoi Ŋuŋ sôŋ a gbanaŋɔɔ, nyíi a gbonoi da ŋoŋo-ŋai ŋá kɔ̀ŋ é díɣiri díkîe ma gbulɔ̂ŋ-ŋai da ǹúu sarâi. Gbonoi ŋɔƃɔlɔi a kûla Ɣâla yêei.

Zɔ̂ŋ Maa-ŋuŋ 1:1

È pîlaŋ vúlu-laa-wooi ma, nyíi kɛ̀ naa é kúla gɔ́ɔ pîlanii, nyíi kwa mɛni, kwa gáa a kúŋɛi-gao, kwa m̀aa kpɛ́ɛ, kwa lɛɣɛ m̀a a kúyee.

M̀ɛni-lɛɛi 1:18

da gɛ-ɣele-ma-nuui. Ŋá sàa, ǹyaŋ gáa, ŋ́gaa a ḿvulu wɔlɔ-wɔlɔ da wɔlɔ-wɔlɔ. Saa da Saa-taa díkîi káa ńyêei.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋãai,

M̀ɛni-lɛɛi 1:8

Kúnuu-namui Ɣâla nyíi gáa naa, nyíi kɛ́ naa, da nyíi pâi pâi, nyíi wala-wala káa ǹyêei a mò, nyɛɛ, “Ńyãa ƃa Afa da Omiga.”

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturui fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:13

Ŋ́gaa a Afa da Omiga, zu-kulâi ƃa maa-ŋuŋ da gbɛɛ ŋái, gɔ́ɔ-pîlanii da gberâi.”

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ́naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii wóo ká ni.