Kolasiɛŋ 1:15 - Ŋ̀âla Kɔlɔ Maa Waai

¹⁵ Gáa a Ŋ̀âlai nyíi kúfa gâai bɔkɔɔŋ, gáa a ǹúui maa-ŋuŋ ŋ̀éniɛi su kpɛtɛ-sãai kélee tuɛ.

Kolasiɛŋ 1:15 ပူးပေါင်းရင်းမြစ်များ

Wule-woo-ŋa 89:27

Ŋa pâi gɛ̂i a ńoŋ-surɔŋ maa-ŋuŋ. Ǹyaa ƃé pâi kɛ̂i a gâloŋ gɛ́tɛi kâloŋ-ŋa kélee sáma.

Ɛsedɔ 24:10

Dí Eezuɛ-ŋai Díɣâlai kàa. Sɛŋ da è kɛ̀ Ɣâla kɔ́ɔ mu gɛɛ yɛ̂ɛ kɔni-ƃela buluŋ kɛ́ɛ, nyii kɛ̀ a ma ponoɔɔ yɛ̂ɛ ɣele-kɔlɔŋ.

Nɔŋba 12:8

Ŋa lôno bɔ́ a zu ponoɔ yɛ̂ɛ núu à kɛ̀ lônoi marâŋ nuu pɔ́. Fa lóno bɔ́ sáŋ su. A ńinîŋ kàa máŋ. Gɛ̀ ní lé mɛni ƃé káfe yao ní la ńyee mu-nuui Mose ma kákɛ lòno a nyɔmɔɔ é pîlaŋ mai?”

Zɔ̂ŋ 1:1

Gɔ́ɔ pîlanii Ŋ̀óoi è kɛ̀ naa. Ŋ̀óoi ǹyaŋ è kɛ̀ Ɣâla kɔlɛ. Ǹyaŋ Ŋ̀óoi è kɛ̀ a Ɣâla.

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Zɔ̂ŋ 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Zɔ̂ŋ 14:9

Zîsɛ e mò ma, ǹyɛɛi, “Ŋa nâa gɛ́ kákɔlɛ a tãi su kôyaa, ǹyaŋ ífe ŋ́gɔlɔŋ, Fele? Ǹúui a ŋ́gaai, a Nàŋ-nuui káa. Ya pɔ̂ri m̀ôi léŋ, yɛ̂, ‘Nàŋ-nuui lɛ́ kûa?’

Zɔ̂ŋ 15:24

Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Zɔ̂ŋ 3:16

Kpɛ́ni fêi, Ɣâla e ǹɔii wɛ̀li a ŋánaa, nya ƃe e Ǹóŋ tɔnɔi tɛ̀ɛ, a gɛɛ ǹúui kélee a laa lai, ŋuŋ la fe pâi pilîi, kɛ́lɛ, ŋwɔlɔ-wɔlɔ fulu-laai káa ǹyêei.

Lomaŋ 8:29

Kpɛ́ni fêi, diai è díkɔ̀lɔŋ a maa-ŋuŋ è dísèe díŋuŋ ŋá máŋ a maa-ŋuŋ a gɛ́ɛ dí ƃóloŋ Ǹóŋ ma a gɛ́ɛ Ǹóŋ é kɛ́ a ǹóŋ maa-ŋuŋ ǹeɣe-ni sama.

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Felepiɛŋ 2:6

Berei máŋ è kɛ̀ la a Ɣâlai, ve kánaŋ ni Ŋɔɣâla-laai ma.

Kolasiɛŋ 1:13

A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Temete Maa-ŋuŋ 1:17

Ŋwɔlɔ-wɔlɔ Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.

Temete Maa-ŋuŋ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔ̂ri gâai. Ƃaa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Ibulu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Ibulu 1:6

Tãi ŋɔ́nɔ a pâi pâi la a nòŋ-nuui maa-ŋuŋ ǹɔii sui, a pâi m̀ôi, nyɛɛi, “Tɔɔ Ɣâla Ŋɔɣâla-taa kela-ŋai kélee dí vɛli.”

Ibulu 11:27

Laa-la sarâi è kùla Ize, vé yao ní gâloŋ ŋɔlii-ŋwanai mâ. Kpɛ́ni fêi, è kɛ̀ yɛ̂ɛ ǹyaa ƃe è ǹúui kàa nyíi núu fa gàai.

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ́naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii wóo ká ni.