Kolasiɛŋ 1:13 - Ŋ̀âla Kɔlɔ Maa Waai

¹³ A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Kolasiɛŋ 1:13 ပူးပေါင်းရင်းမြစ်များ

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔlêŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Azaya 53:12

Ŋa pâi gɛ̂i ƃâa kɛ́ ƃò m̀a núu-kpune sáma, m̀u-wuyɛɛ, wála-wala-laa su kɛ́tɛ kɛ́ ƃò ǹyêei, kpɛ́ni fêi, è ŋɔfúlu-laai tɛ̂ɛ gbîŋ yee ma, da zɔnyɔ̂ŋ-ƃelai dí mɔ̃́lɛ a bɔriɛɛ. È sàa núu támaa dísɔnyɔ̂ŋ-ŋai mɛni ma. È Ɣâla fɛ̀li a gɛ́ɛ é dísu mɛni lɛɛ.”

Azaya 60:2

Kpíni a pâi tôoi ǹɔii-ŋûŋ-ŋai dîa, kɛ́lɛ Yâwɛɛ ŋɔfólo-laai a pâi gɛ̂i í fólo. Ŋɔkɛ-naa-laai maa kwaa ponoɔɔi a pâi kɛ̂i ímɛi.

Zɛkɛrâya 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Maafîu 17:5

Gɛ́ɛ niî lônoi, ɣele-kɔlɔŋ kole è dímɛi pɛ̂lɛ. Nya ƃe wóo è kùla ŋele-kɔlɔŋ kolei su, ǹyɛɛi, “Ŋáwɛli-kɛ-maa-Loŋ ká ŋí, nyii m̀aa-mɛni a ńii láai. Ka ŋ̀óo mɛni.”

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Maafîu 3:17

Nya ƃe wóo è kùla ŋelei su, ǹyɛɛi, “Ŋáwɛli-kɛ-maa-Lóŋ ká ŋi nyii maa-mɛni a ńii láai.”

Lûu 13:24

ǹyɛɛi, “Ka kɔ́ a gbanaŋɔɔ ka lɔ gbôŋ kuro-têi-perei; kpɛ́ni fêi, ŋá m̀ó kâa, núu támaa da pâi kɔ̂i dí lɔ, kɛ́lɛ, pɔ̂ri fé pâi kɛ̂i dîɛ.

Lûu 22:53

Ɣele-ƃɔ́ɔ kélee kwa kâa-ni ku kɛ̀ Ŋ̀âla-pɛrɛ Kɛ́tɛi mu, káfe káyee pɛlɛ ní mâ. Kɛ́lɛ, ka tãi ká ŋí da gbínii ŋɔwala-walai.”

Zɔ̂ŋ 17:24

Ńâŋ, ŋa ŋ̀wɛ̂lii a gɛɛ dia nyii-ŋai ya dítɛɛ ḿbɔi dí kɛ́ ŋ́gɔlɛ ƃɛ́i ŋa naai, a gɛɛ dí ŋáfolo-laai káa nyii ya dɛɛ ḿbɔi íwɛli-kɛ-maa laai su ḿaa-mɛni ma ŋ̀éniɛi e lɛɛ pâi kɛ̂i.

Zɔ̂ŋ 3:35

Nàŋ-nuui è Ǹóŋ-nuui wɛ̂li ni, ǹyaŋ a sɛŋ kélee tɛ́ɛ bɔ.

Zɔ̂ŋ 5:24

Tɔ̃yâ kpîŋ, ŋá m̀ó kâa, ǹúui a ŋ́oo mɛ̀ni é láa a ǹúui ńdɛ̀ɛi, wɔlɔ-wɔlɔ fulu-laa káa ǹyêei. Va pâ mɛni-ŋa-teɛɛi su, kɛ́lɛ, a kula saa-yeei e li fulu-laa su.

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 14:17

Kpɛ́ni fêi, Ɣâla ŋɔkâloŋ-laai su-kulai fa nɔ́ a mìi-sɛŋ da kpele-sɛŋ. Kɛ́lɛ, zu-kulai ƃa tɔ̃yâ laa-la, lii-sêe, da lii-nɛ̃ɛ M̀ɔlêŋ Maa Waai kponôi.

Kɔleŋtiɛŋ Veerɛi 11:14

Ǹyaŋ ve a la-kpala maa-mɛni, kpɛ́ni fêi, Sêtɔŋ a gbîŋ kɛ́ máŋ yɛ̂ɛ gwaa-ponoɔi ŋɔkéla.

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Ifisiɛŋ 1:6

a gɛ́ɛ kú ŋɔfólo-laa ƃɛlɛ-sêei maa tɛ́, nyíi è dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Ifisiɛŋ 4:18

Díkaa kpinîi dímɛni ŋa-kaai su, dí kúlaa Ɣâla ŋɔfúlu-laai ma, kpɛ́ni fêi, maa-tare fé diɛ, kpɛ́ni fêi ŋɔ́nɔ dílii kpanaŋɔɔ̂i.

Ifisiɛŋ 5:5

Ka láa la a gɛ́ɛ goyaŋ-wulu-wulu kɛ-nuu, kpaa máŋ núu maa liƃiɛ, kpaa máŋ sɛŋ maa-lii-tee-nuu (nyíi gáa a ɣâla da kpɛni fɛliɛɛi), va Ɣâla da Kôrai díkâloŋ-laai su-sãai da sɔlɔ ƃo.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Tɛsɛlôniɛŋ Maa-ŋuŋ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Ibulu 2:14

Mɛni ma berei nɔ́ ǹîa-pɛlɛɛi díkaa la a núu-kpunei, bere nɔ́ ƃe Zîsɛ máŋ káa la a núu-kpune a gɛɛ saa sarâi é ǹúui su kara nyíi ŋwála-walai káa ǹyêei saa mɛi. Maa-nuui ƃa Dɛ̂ƃele.

Pitɛ Maa-ŋuŋ 2:9

Kɛ́lɛ, kákaa a lɛ́-nuu suu, ka ƃo a sâla láa soŋ-nuu suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Pitɛ Veerɛi 1:11

Ɣâla a pâi Kúnuu-namui da Kúƃalo-nuui Zîsɛ Kôrai ŋɔwɔlɔ-wɔlɔ kâloŋ-laai su-perei kpɛtɛ̂i a ǹɛ́lɛɛ a gɛɛ ká lí naa.

Zɔ̂ŋ Maa-ŋuŋ 2:8

É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛi, dɔ̃yâ-kwaa-ponoɔi kɛ́ nâa fólo.

Zɔ̂ŋ Maa-ŋuŋ 3:14

Kú gɔlɔŋ a gɛɛ kwa pá fúlu-laa su. Kpɛ́ni fêi, kú ǹûai wɛ̂li ni. Ǹúui wɛli-kɛ-maa fé ǹyêei a lɛ̂ɛ saa su.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sapoi Ɣâla Ǹóŋ è pà lai ƃa, a gɛɛ é Dɛ̂ƃele ŋɔtíi su kara.