Kolasiɛŋ 1:12 - Ŋ̀âla Kɔlɔ Maa Waai

¹² Ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ kú kɛ́ a Ŋ̀âla-ƃelai tûa-perei da kɛ-ƃela gwaa-ponoɔi sui.

Kolasiɛŋ 1:12 ပူးပေါင်းရင်းမြစ်များ

Kâloŋ Maa-ŋuŋ 6:7

Ŋ̀âla-pɛrɛ Kɛ́tɛi tɔɔ kɔ̂ni-ŋai nyíi dí dèe yɛ̂ɛ bîleki-ŋai dí díkpɛ̀tɛ gɔni teɛɛi su ǹyaŋ tãi dí pà là a gɔni-ŋai ŋâla-pɛlɛi tɔɔ sui, dífe ŋɔ́nɔ da tée ní ma. Dí ǹáa nɔ́ é pɔri ǹâai. Núu da fé tíi kɛ́ kɔli-sɛŋ da kélee tíŋ mɛni ní naa yɛ̂ɛ kpɔ́-kpɔ, yûɔ, kpaa máŋ tíi kɛ́ kɔli-sɛŋ da kélee.

Kɔlɔnikɔ Maa-ŋuŋ 29:20

Nya ƃe Deeƃé è mò ǹûai kélee dîa ǹyɛɛi, “Ká lûwa too dínâŋ ni Díɣâlai Yâwɛɛ ma.” Ǹyaŋ díkelee dí gɛ̀ tí. Dí díŋuŋ ma pîlaŋ dí Yâwɛɛ fɛli dí ƃaa kɛ́-maa tɛɛ gâloŋ pɔ́ máŋ.

Wule-woo-ŋa 116:7

Ńii seɛɛ̂i, kpɛ́ni fêi, Yâwɛɛ sɔŋ lɛ̂lɛɛi ḿɛni ma.

Wule-woo-ŋa 36:9

Yá ƃa fúlu-laa kélee kɔ́ɔ pîlani. Yá ƃé kwa kwaa ponoɔɔ kàa ísarâi.

Wule-woo-ŋa 79:13

Yà gɛ̀ tí, gɛ̀ ní kúai a íƃala-ŋai kwa pâi ísɛɣɛ̂i fêi wɔ́lɔ-wɔlɔ da wɔ́lɔ-wɔlɔ. Kúlônii da díwɔ̂ lònii da pâi kɛ̂i ílaa maa tɛ̂i wɔ́lɔ-wɔlɔ da wɔlɔ-wɔlɔ.

Wule-woo-ŋa 97:11

Yà sìa a dɔ̂ŋ wóo, íkɛ tɔ̃yâ mɛni kɛ̀, ya pâi kɛ̂i kwaa ponóɔɔ su, lii-see kɛ́ ƃò íyêei.

Táre-woo-ŋa 16:1

Núu-kpune ŋɔmɛni-kpɛtɛɛ a kûla ǹíi su, kɛ́lɛ Ɣâla Yâwɛɛ ƃa ŋɔmɛni gbɛɛ-ŋai kpɛtɛ-nuu.

Táre-woo-ŋa 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Danîa 2:23

Ŋa ísɛɣɛ̂i-fei ŋ́gɛ ílaa maa tɛ̀ óo ńâŋ-ni Díɣâlai. Ya táre da wála-wala tɛ̀ɛ ḿbɔ. M̀ɛnii kú ímarê kɛ̀ m̀ɛni mai ya maa kili-ŋa pono tɛ̀ɛ kúpɔ. Ya gâloŋ ŋɔsee-wooi maa kili ŋa-pono tɛ̀ɛ kúpɔ.”

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Zɔ̂ŋ 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Zɔ̂ŋ 20:17

Zîsɛ è mò ma, ǹyɛɛi, “Ífe ńzòŋ, kpɛ́ni fêi, fé niî tɛ́ ní Nàŋ-nuui pɔ́naa. Kɛ́lɛ, lí ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ́naa da Kánâŋ, Ŋáɣâlai pɔ́naa da Káɣâlai.”

Zɔ̂ŋ 4:23

Kɛ́lɛ, tãi a pâi, gáa nâa ƃɛ, tãi Dɔ̃yâ ɣala-fɛli-ƃelai da pâi Nàŋ-nuui fɛlîi mɔ̂leŋ su da tɔ̃yâ. Kpɛ́ni fêi, diai ti ƃe Nàŋ-nuui a díkɔ̀ri a gɛɛ dí vɛli.

Zia-ƃelai Kɛ́-mɛni-ŋai 20:32

Ǹyaŋ ŋa kátɛɛ Ɣâla pɔ́ da ŋɔƃɛlɛ-see wooi. Pɔri káa mì a gɛ́ɛ é káƃɔlɔ kámɔlêŋ su, é ŋɔ́nɔ kákɛ a pɔɔ-sɛŋ mɛi-ƃela diai kélee sáma dímaa waâi.

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 11:17

A kɛ̀ ŋulɔ-wurui nyii dí zìi ŋoŋo da a ɣàle m̀a, gɛ̀ ní ya pɔ̂ri ŋulɔ-wurui nyii dífe zì nîi ŋoŋo da siɣêi í ŋulɔ-wuru lɛ́lɛɛi ŋoŋo pɔ́ɔ tɔ́ɔ la, a gɛ́ɛ í ŋuru lɛ́lɛɛi ŋɔlɛ́lɛ-laai da sɔlɔ ƃo.

Lomaŋ 15:27

Dí gɛ̀ lii-laa su, ǹyaŋ Zerusâlɛŋ-ƃelai díkpa káa Zɛ̃tai-ŋai dîa a tɔ̃yâ. Kpɛ́ni fêi, à kɛ̀ Zɛ̃tai-ŋai da pá a gɛ́ɛ dí dílûwai da sɔlɔ ƃo nyíi kula M̀ɔlêŋ Maa Waai yêei, gɛ̀ ní dîa máŋ fɛ̂ɛ dí kpɔŋ dîa a ŋ̀éniɛi ŋí su-lûwai.

Lomaŋ 8:17

À kɛ̀ ǹyaŋ kúkaa a ǹônii, kúkaa a pɔɔ-sɛŋ namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Kɔleŋtiɛŋ Maa-ŋuŋ 9:23

Ŋá nyíŋi kélee kɛ̀ Duŋ Lɛ́lɛɛi mɛni ma a gɛ́ɛ ŋa ŋɔƃɛlɛ-sêei da sɔlɔ ƃo.

Kɔleŋtiɛŋ Veerɛi 11:14

Ǹyaŋ ve a la-kpala maa-mɛni, kpɛ́ni fêi, Sêtɔŋ a gbîŋ kɛ́ máŋ yɛ̂ɛ gwaa-ponoɔi ŋɔkéla.

Kɔleŋtiɛŋ Veerɛi 5:5

Ǹúui a kúkpɛtɛ m̀ɛnii ŋí mɛni mai, ǹyaa ƃa Ɣâla, nyíi a M̀ɔlêŋ tɛ́ɛ kúpɔ a kono-tee-wooi.

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Ifisiɛŋ 2:18

Kpɛ́ni fêi, zarâi ƃe Zûu-ŋai da Zɛ̃tai-ŋai da pere kâa naa a gɛ́ɛ dí pa Nàŋ-nuui pɔ kili-ŋa-sia tɔnɔ su.

Ifisiɛŋ 3:6

Nya ƃa, berei Zɛ̃tai-ŋai díkaa la a pɔɔ-sɛŋ-namela dia máŋ. Díkaa a gbono tɔnɔi su-ƃela da, dí ƃo a gono-teei sɔlɔ-ƃo-ƃela da Zîsɛ Kôrai kponôi Duŋ Lɛ́lɛɛi sarâi.

Ifisiɛŋ 4:6

da Ɣâla tɔnɔ nyíi gáa a kúkelee Kúnâŋ, nyíi gáa kúkelee kúmɛi, gɛ tíi kɛ̀ kúkelee kúkponôi, gɛ ƃo ŋɔ́nɔ kúkelee kúkponôi.

Ifisiɛŋ 5:11

Káfe gbínii ŋɔtíi-ŋai da kɛ̀, nyíi-ŋai dífa ƃâi, kɛ́lɛ, ka pá a maa-tii-ŋai ti fíeŋ ŋá.

Ifisiɛŋ 5:20

Ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Ifisiɛŋ 5:4

Lono maa liƃiɛ, ƃoo-lono, da ŋumɛ-lono fè kɛ̀ kásama, nyíi-ŋai dífe lɛlɛ níi. Kɛ́lɛ, sɛɣɛi-fei é kɛ́ káyêei.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolasiɛŋ 3:15

Tɔɔ Kôrai ŋɔlii-sêei é tíi kɛ́ kálii su. Sâpoi ká ti Ɣâla a kátoli la a gɛ́ɛ ká kɛ́ kpono tɔnɔ su. Sɛɣɛi-fei é kɛ́ káyêei.

Kolasiɛŋ 3:17

Mɛni kélee ka gɛ̀ a káwooi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Ibulu 12:23

Ka seri bɔɔ-sɛŋ sɔlɔ ƃó-ƃelai maa-kpɔŋ mâ, nyíi-ŋai dílaa káa Ɣâla-taai, da mɛni-ŋa-tee nuui nyíi gáa a núu kélee Ŋɔɣâlai, da maa-waa-ƃelai dímɔlêŋ nyíi-ŋai dí maa-waa-laai láa fɛ́ɛi Ɣâla-taai.

Ibulu 3:1

Mɛni ma, m̀arâa maa waa-ŋai, káai kwa kâa-ni kú ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

Ibulu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sôŋ a gbanaŋɔɔ é seri gɔ̃yɛŋ ma.

Zĩi 3:9

Kúnɛŋ nɔ́ ƃe kwa lûwa làa la Kúnuu-namui ma da Kúnâŋ Ɣâla, ǹyaa nɔ́ ƃe kwa núu-kpune naɣâŋ làa la, nyíi-ŋai díkpɛtɛɛ̂i a Ɣâla pɔkɔɔŋ.

Pitɛ Maa-ŋuŋ 5:1

Mɛni ma ŋa ǹúu-pɔlɔ-ŋai lia-woo ƃôi kásama, ńyãai ŋ́gaa a díƃarâŋ-nuu-pɔlɔ, ŋ́gɛ ƃo ŋɔ́nɔ a Kôrai ŋɔmɛni-soli-kaai maa-sere da vólo-laai pâi lɛ̂i da sɔlɔ ƃo-nuui.

Zɔ̂ŋ Maa-ŋuŋ 1:3

nyíi kwa gáa, kwa mɛ̀nii, kwa m̀ôi kâa máŋ a gɛɛ kwa kâa-ni kú kɛ́ zu tɔnɔɔ. Ǹyaŋ kwa Nàŋ-nuui da Ǹóŋ Zîsɛ Kôrai-ni kúkaa zu tɔnɔ.

M̀ɛni-lɛɛi 21:23

Ǹyaŋ daa-leei ŋí fé kpaaŋ ni fólo mɛni ma da ɣáloŋ a gɛɛ é fólo mɛi, kpɛ́ni fêi, Ɣâla ŋɔfólo-laai ƃa ŋɔkwaa-ponoɔi, ŋɔlaŋpoi ƃa M̀ála-loŋ.

M̀ɛni-lɛɛi 22:14

Lûwa káa diai dîa da díyokpo-ŋai wâa, a gɛɛ é kɛ́ a sɛŋ dí vulu-laa-wurui m̀á da sɔlɔ ƃó a gɛɛ dí tɛɛ ziɣãŋ láƃelei dí tɛ́ daa-leei sui.

M̀ɛni-lɛɛi 22:5

Kpíni fé pâi ŋɔ́nɔ kɛ̂i naa. Dífe pâi ŋɔ́nɔ laŋpo da fólo díkwaa-ponoɔɔ wɛ̂lii, kpɛ́ni fêi, Kúnuu-namui Ɣâla a pâi kɛ̂i a díkwaa-ponoɔi, ǹyaŋ da pâi kɛ̀-mɛi-laa kɛ̂i wɔlɔ-wɔlɔ da wɔlɔ-wɔlɔ.